هل تدخل السينيما؟
هل تستهويك موسيقى "بودبار"؟
هل تؤيد موسيقى الراب وترى الحركة الإسلامية بدونها سراب؟
هل مفردات لغتك عن الحرية والتحرر وكسر القيود داخل جماعة الإخوان؟
هل ترى الإخوان جماعة تسلك الطرق التقليدية وتنتهج الأفكار العتيقة؟
عزيزي الشاب : مرحباً بك .. لقد أضفت اسمك في قائمة "جيل الـ 3G" وأنت الآن شخصية متفتحة .. منفتحة .. متحررة ..مبتكرة.
موجة وموضة ليست بالجديدة أحدثها بعض الشباب الذين يعلنون إنتمائهم للإخوان .. على المدونات والمنتديات والفيس بوك .. وجذبوا الكثير من شباب الإخوان .. حالة من التمرد على كل شئ والانتقاد لكل شئ:
التنظيم .. الجماعة .. الأهداف .. الوسائل .. والبنا نفسه .. وبالطبع أنا لا أجد ضير من انتقاد الذات ولا أعتبر انتقاد بعضنا -على اعتبار أنهم منا نحن الإخوانيين- للجماعة .. لا أعتبر ذلك جرماً .. بل إنني أؤمن بأن الاختلاف سنة من سنن الله في الخلق .. وأنه من الوارد بل من الطبيعي أن يخطئ بعض أفراد الجماعة أو قيادتها أو المرشد أو الجماعة كلها ممكن أن تقع في دائرة الخطأ في التفكير أو التطبيق .. وأؤمن أيضاً بحتمية وجود مناخ من الحوار الحر المفتوح حتى يتسنى لنا جميعاً أن نسمع بعضنا ونصحح مسارتنا وأن نطور من أدائنا .. أؤمن بهذا كله .. ولكن:
أنا معترض ومختلف مع أسلوب طرح هذا التيار لأفكاره .. ومختلف مع سلوكياته .. أختلف معه كل الاختلاف .. أرى ما يرونه من سلبيات ومشكلات داخل الجماعة .. ولا أدعى أنها معافاة من كل سوء أو مرض .. فليس النقص إلا من شيم البشر .. ولكن آلياتهم وأسلوبهم وثورتهم وشطحاتهم أراها تحيد عن الصواب .. ولا أجد منها فائدة أو طائل إلا مساحة الشهرة التي اكتسبها بعضهم في وسائل الإعلام وعلى مستوى بعض المؤسسات الحقوقية .. لا لشئ إلا لأنه "ينتقد جماعة الإخوان .. ويسلقها بألسنة حداد" ولولا ذلك ما كان له عندهم وزن ولا قدر ..
وأنا هنا أحب أن أعرض وجهة نظري المضادة لهذا التيار وسأقف عند أمرين شديدي الأهمية والخطورة ..
الأول: أفكار هذا التيار
الثاني: سلوكه
من المنطق أن يكون للسلوك علاقة بالأفكار والقناعات لأن الأول نتاج الثاني .. إلا أنني أرى أن كل واحد منهما عند هؤلاء الشباب ليس له علاقة بالآخر .. أو بشكل أكثر تحديداً .. لا يعبر سلوكهم عن أفكارهم .. فليس هذا نتاج ذاك .. ولا ذاك من هذا .. إنما هي حالة من التخبط والتأرجح الفكري .. حالة من التمرد على العادات والتقاليد والأعراف وأحياناً الشريعة .. فما علاقة دخول السينيما وجوليا بطرس بالحرية داخل الجماعة وجمود فكرها وبطئ حركتها كما يزعمون .. ما العلاقة؟؟ لا أدري
أنا أتحدث هنا عن خلع ثوب الداعية (الشيخ) ولبس ثوب آخر أنا عاجز عن وصفه .. لماذا يا سادة لا نتحدث إلا عن تحويل الجماعة إلى حزب ؟؟ أو إلغاء التنظيم؟؟ أو الإصلاحيين والمحافظين؟؟ لماذا لا نتحدث إلا عن هذا ونترك الحديث عن تغيير النفس وتربية الناس ..
إن خالطت هؤلاء يجب عليك أن تخجل من نفسك فأنت شيخ .. مسكين .. ساذج .. ملكش في الفكر والفلسفة والسياسة ..
لا حديث عن قيام الليل .. أو الفجر .. أو القرآن .. لا مكان للكلام عن القلوب .. هذا غير وارد بالمرة .. هم ليسو إلا نسخ كربونية لثقافة "جريدة الدستور" الكلام لازم يكون خارج نطاق الدين
ببساطة .. قناعتي بالإخوان وأظن أنه يشاركني في ذلك أغلب الإخوان .. قناعتنا بها لأنها تستمد فكرها وحركاتها وآلياتها من دين الله .. الإسلام .. فنحن جماعة دينية في المقام الأول .. دعونا نترك المدونات والصحف والإعلام والأحزاب والحركات .. دعونا نطرح هذا جانباً بعض الوقت .. فنحن لا نريد إلا العمل للدين؟؟ والثواب .. والطاعة
نحتاج ويحتاجوا .. أن نعرض سلوكيتنا مهما كانت بسيطة وصغيرة على الشرع .. والدين .. هذا هو المقياس .. إرضاء الله أو جلب سخطه
لا أظن مطلقاً أننا نحتاج شيئاً لهذه الدعوة أو لهذا الوطن أو لهذه الأمة غير:
دمعات الخشية .. وحلاوة الإيمان .. ولذة التلاوة .. وذل الدعاء
أنا لا أتهم إيمان أحد .. ولكنني أتحدث عن الظاهر .. وأقول أننا قبل أن نجاهر الناس بهوية تعشق الموسيقى وتشاهد الأفلام وتنصر الراب .. وتمجد الفلسفة .. وتقلد العلمانية
يجب أن نتذكر الله .. ونتذكر أيضاً أن هذه الأمة لن ينصرها بعد الله إلا رجال أتقياء أخفياء .. قدموا بين الله أعمالهم وحياتهم وأهلهم .. يرجون منه القبول.
مخلصش الكلام .. لسه جوايا كتير حقوله في (الجزء الثاني) إن شاء الله
كلامك رائع وباتفق مع سيادتك في معظم ما قلت واختلف معك في نظرتك ونظرة التربية داخل الإخوان لأمثال هئولاء على انهم ضائعون فاشلون "مناصرين للراب مقلدين للعلمانيه ممجدين للفلسفه متجردين من الشريعه الاسلاميه احيانا" او كما قلت ..
ردحذفاقسم لك يا أخي أن معظمهم وكما قلت متخبطون لديهم طاقات عظيمة ويحتاجون لمن يوجههم لمن يرشدهم وكثير منهم عهدناهم للنصح مستمعون وتغيروا بشكل ايجابي جدا بل تفوقوا على اقرانهم في الصف فلم تكن لديهم مشكلة بالضخامة التي تتحدث عنها بل كانوا فقط يتصرفون بحسن نية وبحاجة إلى بعض التوجيه والاحتواء وهذه هي النظرة التي يجب أن ننظر بها إليهم لا نظرة التحامل التي تجعلهم يفترضون في انفسهم السوء وذلك التغيير كان بفضل احتوائهم بشكل جيد من قبل كوادر او غير كوادر كما فعل الدكتور ابراهيم الزعفراني بالاسكندرية والقاهره مع عدد من المدونين كمحمد سليمان وحسام الغمري اللذان أصبحا رموزا في المنتديات المصرية للإخواني الملتزم حق الالتزام بدينه حسن الفهم لفكرته واذكر ان الفضل يعود لهذان الاثنان في اغلاق اخوان اوف لاين بعد حوار عقلاني تم بثه على الانترنت مع محمد عادل صاحب هذه الفكرة ربما كان حسام بالاسكندرية قد شارك في الحوار بتوجيه من الدكتور ابرهيم ولكن محمد سليمان شارك من تلقاء نفسه ولم اصدق ان محمد ذلك المتحامل على الجماعه والذي نشر خلافاته مع مسؤوليه على مدونته قد اصبح ذلك المتزن .. فقط أخي هي مسألة احتواء وتقدير لعقليات هئولاء .. لنتوقف عن وصفهم بالجيل الثالث ولنتوقف عن ربطهم جميعا بجملة الأوصاف التي ذكرتها فليس كلهم شخص واحد ولا ذنب واحد .. اقول قولي هذا واستغفر الله لي ولك
اخوك المدون د. أحمد عبد العاطي
السلام عليكم ورحمة الله
ردحذفلعلي أتفق تماما وكليا وليس جزئيا مع ما قاله الأستاذ محمد عبد الفتاح فإن تحدثت أنت عن شخصين أنا أعرف منهم حسام الغمري جيد جدا جدا كشخص في الحياة لحم ودم وليس كلمات على صفحات النت .. فمعظمهم فعلا ليس كما وصفت أنت .. وإنما كما وصف أ. محمد .. لا أقصد أنهم ضائعون ولكن أن الشهرة والانتشار الواسع أغرى أفكارهم وأبعدها عن الأصولية والاتزان .. فالاتزان لن يجلب لهم هذا القدر من الشهرة.
وكنت أتمنى منهم فعلا أن يلبسوا لباس الباحث عن الحقيقة لا المدافع عن أمور هو متعلق بها نفسيا متبعا هواه فيها في كثير من الأحيان .. وهذا ما جعل بعضهم ينصلح ويتزن كما قلت لأنهم يدركوا فعلا هشاشة منطلقاتهم ولا يجدوا في أنفسهم جذور التجرد لله راسخة .. ودورنا أن نستوعبهم .. وأيضا نعلن رفضنا لاسلوب عرضهم وتجمعهم على ما ضرره أكثر من نفعه -إن كان له نفع غير التنفيث- .. أنا أعرف حسام جيدا وأعرف تماما أنه تغير للأحسن كثيرا وهذا يرجع لحسن استيعابه بقدر لكن القدر الأكبر هو تحسن ظروفه الاجتماعية واستقراره النفسي بعض الشئ بعد الارتباط وأنا أعرف ما أقول جيدا.
الاتزان له عوامل تربوية واجتماعية والتخبط والشطحات لها نفس العوامل
اعتقد ان البوست ده يقصد شخص معين وخاصة عند ذكر جوليا بطرس والكاتب يعرف ما اقصده
ردحذفانا عايز ارد على الشخص التاني اللي اتكلم .. انا من اقرب الناس لحسام وعارف كويس جدا ان تغيره كان نتيجة لعشرات الحوارات والنقاشات ولناس كتير هو كان حريص حدا على انه يسمع منهم ويتعلم ويعرف الصح مش زي ما حضرتك بتقول تحسن وضعه الاجتماعي ..لعلم حضرتك حسام مواليد امريكا وبيتمتع بالجنسية الامريكية وعيلته مرتاحه ماديا جدا بس هو اللي صاحب مبدأ إنه ما يسيبش اخوان مصر لإنه بيحبهم فعلا ونفسه يعمل حاجه لبلده واسأل استاذ خيرت الشاطر مين صاحب رؤية المخرج الاسلامي اللي اتقدمتله ومين اللي قعد سنه كامله يبحث فيها عشان يوصل لحاجه ترضي ربنا، أنا اسف يا حسام لو قلت حاجه ماكنتش عايز تقولها بس الكلام استفزني جدا .. التغير الفكري ياسيدي الفاضل لا يتأتي نتيجة تغيرات اجتماعية ونفسيه فعملية النضوج الفكري لا تكون حقيقية إلا بقدر المعالجة التي تمت على الأفكار الأصلية ، وأقترح ان يبتعد الكلام هنا عن اشخاص وأن يتناول الافكار المطروحة بشكل عام بعيدا عن فلان وعلان فلسنا أهلا لتحليل أحدهم أو اصدار أحكام على حياته وتذكر أخي أن ما تسميهم الجيل الثالث إذا صح تغيرهم فأن الواحد منهم يساوي عشرات داخل الصف على مستوى القدرات وعلى مستوى التربية فالأجدر بنا توجيههم لا تنحيتهم واستشهد على كلامي بما قاله الدكتور عبد العاطي عن احتوائهم فالدكتور ابراهيم حدثني منذ فترة مع المهندس هيثم ابو خليل على أنه يضع رهانه على شخص كحسام كمدون وكشخص وكأفكار وعقيدة ولا اعتقد ان مثل الدكتور ابراهيم يراهن على الاشخاص الخطأ ..
ردحذففستذكرون ما أقول لكم وأفوض أمري إلى الله
أولاً: أنا أقدر جدا إخواني وأساتذتي الذين شرفوني بالتعليق على هذه التدوينة
ردحذفثانياً: أنا لم أكتب في التدوينة ولم أشير وأفكر حتى في تنحية أحد من العمل داخل الجماعة .. فإن هدفنا هو التجميع وليس التفريق .. والتوحيد وليس التشتيت
ثالثاً: أنا لم أقصد مطلقاً أن أتحدث عن شخص بعينه .. أنا أتحدث هنا عن ظاهرة وليست أشخاص
رابعاً: للتأكيد .. حسام من أقرب الناس إلى قلبي .. وتجمعني به علاقة صداقة قوية .. وحينما أريد أن انصحه أتوجه إليه مباشرة .. وهو صاحب صدر واسع ويسمعني .. أنا هنا أتحدث عن ظاهرة .. ولا أقصد حسام أو غيره
ردحذفلي نقطتان:
ردحذفحصر الكلام على فرد ليس هو المطلوب
الموضوع نفسه أنا أوافق محمد عبد الفتاح في وجود الظاهرة ... ووجود مشكلة أخرى وهي ضيق الوقت لمن لديهم القدرة على مناقشة الأفكار الجديدة وتحليلها مع أصحابها والوصول إلى الصواب
الأفكار الجديدة والغريبة موجودة في كل زمان ومكان ولكن في عصر النت الأفكار بتنتشر أكثر ما تأخذ نصيبها من النقاش والتحليل
أنا لا أعرض حل ولكن اقتراح:
كل من لديه تعليق على رأي قرأه ويختلف معه يقوم بواجبه في الرد عليه
ولنا مداخلات أخرى
أخوك م/نبيل
في برنامج سينما الأطفال ( بالتأكيد لم تكن تشاهده لو كان والدك إخوانياً لأن المذيعة ماكانتش محجبة ) كان هناك فيلم شهير يحكي قصة كتاكيت يستيقظون كل صباح ، ويغنون اغنية واحد اتنين تلاتة كارولي كارولته ، استخبى انت انت فار وانا قطة ، حلوة اللعبة دي كارولي كارولته،
ردحذفلكن كتكوت منهم زهق، وقال لهم مفيش غير كارولي كارولته ؟؟؟ انا عايز اعرف حاجات تانية ، قالوا لا مفيش غيرها يتركهم الكتكوت ويخرج للخارج ، يتعلم اغاني من القرد ، البجعة ، القط ، الثعلب ، ثم يعود بعد مدة ليجد اخواته يغنون وقد شاخوا وعجزوا وهم مايزالون يغنون كارولي كارولته ،
سيظل الإخوان ينظرون للسينما على انها فن هابط وحقير ، ولا ينظرون للقيمة التي تقدمها السينما للإنسانية ، لن يشاهد الإخوان فيلم كمليونير العشوائيات ، او حالة بنيامين بوتون الغريبة ، ولن يخرجوا بما فيه من معاني وحالة إنسانية رائعة ، لأن البطل في احد المشاهد بيبوس البطلة،
لن يقرأ الإخوان رواية مثل حب في المنفى، خالتي صفية والدير، تغريدة البجعة،الحرافيش مالك الحزين ، او الشحاذ أو غيرها من روائع الأدب العربي، لأن الكاتب قليل الأدب ، والأفضل انك تقضي وقتك في قراءة القرآن ،
لن يسمع الإخوان محمد منير لأنه اسمه مغني وليس منشد، ولن يسمعوا جوليا بطرس لأنها مسيحية مبينة شعرها ، وسيسمعون الأناشيد من نوعية ، يا شارون يا ابن ام شارون، أو حاجة تجن، وغيرها من الأناشيد ركيكة الكلمات والمعاني ليس لشيء سوى لأن اسمها يحمل في ذيله كلمة إسلامية بينما الألحان مسروقة من اغنية من الأغاني الحرام
سيحرم الإخوان الموسيقى عندما يسمعونها من فيروز ، ويحللونها عندما يسمعونها من الطفلة مي التي منذ خمسة عشر عام وهي الطفلة مي وسنها لا يتغير وثابت عند سن الرابعة عشر ،
سينظر الإخوان للثقافة والفنون انها حاجة تافهة، تملأ حياة من لم يملأ الإيمان حياتهم، سينظر للإخوان للمختلف نظرة سيئة، إن لم تكن مقاس القالب الإخواني فأنت مرفوض، لن يقولونها لك في وجهك ، لا يعرف الكثيرون للأسف المواجهة ، سيبتسمون ابتسامة واسعة متقنة للغاية في وجههك ، ثم يتهامسون عليك في ظهرك، يشيرون نحوك ده اللي استغفر الله العظيم يا رب بيدخل سينما ، واعوذ بالله سمعنا انه بيقرا روايات ،،ربنا يثبتنا، الثبات ده حاجة صعبة
ستمر السنين ، لن يقدم الإخوان للتراث الإنساني فناً ،او ثقافة،او شعراً او قصة او رواية، او فيلماً لأن فاقد الشيء لا يعطيه، فقط سيقضي الإخوان اوقاتهم في مواجهات لولبية دائرية مع الحكومة، من نوعية لا بحبك ولا بقدر على بعدك، سيدخلون الإنتخابات ويشتبكون مع الحكومة ، ثم يصلون بالعشرات ولا جديد ، بينما يلمع فضيلة المرشد حذاؤه ليوم مأمول يصل فيه الإخوان للحكم عشان يدي معارضين الإخوان بالجذمة لما يوصل للحكم كما قال من قبل،
ستدخل موقع مثل جامعة اون لاين فتفاجأ بكم الركاكة في الأسلوب، والتفاهة في المواضيع ، والأخطاء الإملائية، لأن فاقد الشيء لا يعطيه،
ستعطيك نسخة قديمة من جريدة آفاق عربية الإخوانية فكرة جيدة عما يمثله الأعلام والصحافة والشعر والكاريكاتير والمقالات عند الإخوان، عندما تشاهد جريدة الجماعة وهي اشبه بمجلة الحائط المدرسية، او بيانات مجمعة في مظاهرة
سيسيء مدعيين مثل حسام الغمري للثقافة والفن والسينما والأغاني ومعاني اخرى جميلة، بكلماتهم بغرورهم،وتصنعهم المقيت، الإخوان الذين لا يعرفون شيئاً عن فن او ثقافة او ادب سيعتبرون ان نموذج حسام هو نتاج الثقافة والفكر
سيتكلم من هم مثل محمد عبد الفتاح عن البديل الإسلامي الموعود كما تكلم عنه اسلافه ، لن يأتي ابداً ذلك البديل الموعود، لأن فاقد الشيء لا يعطيه ، ولأن الإخوان لا يعرفون سوى اغنية كارولين كارولته ، وليس لديهم استعداد لغناء شيء جديد ،
ستظل الجماعة تلفظ منها كل مميز، كل صاحب فكرة مختلفة ، كل مبدع كل مثقف ، لن يكون هناك مكان لمختار نوح ، او عمرو ابو خليل ، او احمد زين ، او غيرهم من المبدعين، والمتميزين،
لا تموت الجماعات والأحزاب والتيارات والأفكار، بالسكتة القلبية، بل تموت بالشيخوخة، هل تعرف ما هي الشيخوخة يا صديقي العزيز، هي عندما ترفض خلايا الجسم ان تتجدد ، عندما تصر ان تبقى على حالها، بل وتلفظ الخلية المتجددة، ستتدهور حالتها وتموت رويداً رويداً، رويداً،
ممكن نسمي البوست ده بوست جوليا، محمد استشهد مرتين بجوليا بطرس، والمفتش كرومبو دخل وعرف محمد يقصد مين بموضوع جوليا،
ردحذفانا عرفت الحل ، يا ترى انت عرفته ؟؟؟!! هل هو
حسام لاوي بوزو ؟؟
ولا تملي غتيت ؟؟
ولا عزيزة اللذيذة ؟؟
اتصل الآن لتربح شريط اناشيد هات المدفع وتعالى حاربني ،
اكتر حاجه بتحرق دمى فى النقاش فى الموضوع ده هى موضوع الاخوان و الفن
ردحذفكأن الدنيا مفهاش غير سينما و اوبرا و مسرح و روايات
و زى ما همه بينتقدوا ما فى الاخوان من جمود فى جانب الفن او التعامل السياسى مع الاخر
تجدهم هم انفسهم عندهم جمود فى طريقه الانتقاد
مئات البوستات تتكلم عن نفس النظريه بطرق حلزونيه لولبيه
تجد نفسك فى النهايه تطلع من الموضوه كله بجمله واحده مفادها ان الاخوان متجمدين سيغلقون السينيمات و المسارح و يعدمو المغنيين و الممثلين و الكتاب فى ميدان عام تانى يوم ما يحكمو كأنهم هيحكوموا كمان اسبوعين و نص
الاخ اللى بيقول مبيشوفوش افلام زى كذا و كذا و مبيسمعوش اغانى زى كيت و كيت
لا ياعم انا من الاخوان و اعرف اخوان غيرى و على مستويات عاليه فى الاخوان و بيسمعو ده كله و ممكن اكتر من اللى انت بتسمعه و بتشوفه بس لما بيكون فيلم هادف زى اللى انت قلتهم او اغنيه بتقول حاجه غير الهجر و القسوه و العذاب و الحب دح دح و الكره كخ كخ
و بعدين تقدر تعد كام فيلم طلع من هوليود كويس و بيناقش فكره ما و كام واحد تجارى و كله جنس و مسخره او ضرب و دغدغه
بلاش هوليود خلينا فى مصر
كام فيلم ناقش قضيه و كام فيلم من نوعية زغزغينى يا فنله او من نوعيه احمد بيحب منى و هو غنى و منى فقيره او العكس
اظن اى مسلم فى الدنيا يهمه ربنا اكتر من اى حاجه فى الدنيا يعنى مش عشان ابقى متفتح و منور فى الظلمه اروح اشوف فيلم كله معانى و اهداف نبيله و اطلع منه شايل ذنوب من المناظر اللى فيه تودينى فى داهيه لأن لما ربنا هيسألنى مش هعرف اقوله ساعتها لا اصل الفيلم كان هادف عشان كده شفته
لو ان الحياه يا صديقى سينما و مسرح و روايات مكنش حد غلب مكناش اتغربنا و طلع بوزنا عشان القرش عشان واحد بيدينى سينما و محمد منير و جوليا و مبيدنيش اكل و اشرب و اجيب شقه و اتجوز زى اى حد فى الدنيا
سلام
السلام عليكم
ردحذفأستاذ محمد لا أتفق معك فى حده الكلام تجاه طاقات وعقليات وشباب هم روح الجماعه .. وذراعها الأقوى والأقدر على العمل والحركه والتأثير...
أرفض تماماً ..شخصنه القضيه أو مناقشه أحد بإسمه على تعليقات الساده ضيوفك وأتمنى أن تحذفها .. فنجن لا نقيم غمرى أو نناقشه أو نقبله أو نرفضه .. هو أخ وصديق وأتمنى أن نناقش القضيه والظاهره ...
الصعيدى
الظاهره أعتقد أنها ظاره طبيعيه جداً ودليل على أنك لاتلعب الكاروليه كاروليته كما يقول الصديق العزيز ...
ردحذفلو أتقن إخوانى لعب الكاروليته لما خرج أحدهم خارج السرب .. لما سمع أحدهم جوليا .. وما كتب أحدهم شعراً أو روايه أو شاهد فيلماً أو حلم يوماً بأن يكون مخرجاً سينمائياً ...
هذا كله دليل على أننا كجماعه نملك المواهب والطموحات والتطلعات ..
إن الشخصيه المتميزه غالباً ما تتميز بنغمه مختلفه عن نغمة السرب العازف معها .. لكنها -والمفروض- أن لاتخرج عن لحن السرب الواحد .. نعم سيظهر عذوبه الصوت ..وتبدو جليه للسامعين هذه العذوبه والقوه والتمكن .. لكنها لاتنشز خارج لحن الأوركسترا ..
لا تفسد تجانساً وهرمونكا الفريق .. لاتفسد تناغماً ولكنها تتميز وتظهر وتؤثر وتطور فى الاداء الجماعى..
ولهذا إعتبرتها دليلاً على إنفتاح الجماعه وتواصلها مع شريحه من الشباب المتميز والمتطلع الطامح فى مستقبل أفضل تصنعه أيادى الطامحين العامليين
تبقى لى كلمه .. أتمنى أن يقف كل منا مع إضافته وتميزه .. فيزنها على الحلال والحرام ..بما يفتيه به شيخه وفقه (مذهبه)..فنحن دعاة إلى الإسلام تلزمنا حدوده....
وبما لايخرج عن ضوابط الجماعه وأدابها وأفكارها ..
لاتفعل شيئاً .. تخجل أن تحاسب عليه أمام الله أو أن يراك فيه النبى صلى الله عليه وسلم ..
كان النبى صلى الله عليه وسلم يتعوذ بالله "وأعوذ بالله من أن أكون جسراً تعبرون به إلى الجنه ويلقى به فى النار)
أتمنى أن نضيف أحلامنا إلى الفكره .. وأن نطبقها ليقوى البناء .. لنصنع جميعا ً الحلم الأكبر ...
فأحلام اليوم حقائق الغد وحقائق اليوم أحلام الأمس
أنا مع الأخ محمود قلبا وقالبا وشايف إن الإخوان مقفلين أوي
ردحذفيعني المفروض الواحد يمشي مع كذا بنت يحب دي ويخرج مع دي علشان لما يتجوز يعرف يحب مراته
يا سلام لو يزني كام مرة علشان لما يتجوز يكون خبرة
حاجة كمان ....لازم يجرب المخدرات علشان يعرف يتعامل مع جميع شرايح المجتمع ومنهم الحشاشين...يعني هم مش بني آدمين برده لازم نحس باللي بيحسوا بيه
الإبداع في التغيير
يعني قصة ان في حاجات حلال وحاجات حرام بقت خنقة ومش مخلية الواحد ينطلق
برده عايزين نضيف حاجة على مصادر التشريع ...يعني بعد القرآن والسنة والإجماع نحط سينما الأطفال
على فكرة الواحد بجد دمه بيتحرق كل ما يسمع الآراء الجهنمية دي
سامحوني دي أهذب صيغة قدرت أوصل لها
م/نبيل
محمد رفيق
ردحذفأولاً انا لن أتحدث عن أشخاص أنا أعرفهم جيداً وعاشرتهم كثيراًولى رؤية عن كل شخص منهم ولماذا وصل إلى هذا الحد وإنما سأتكلم عن ظاهرة قد تكون صحية للجماعة وغير صحية لأشخاص بعدوا عن الجماعة لحجج وأسباب واهية
اللى بعد عشان مساحة الحرية فى الشركة (الجماعة)مش كبيرة
واللى بعد عشان الشركة(الجماعة)بتعين موظفين فى أماكن كبيرة عليهم واللى بعد عشان الجماعة مش بتسمع أغانى الأساتذة فلان وفلان واللى بعد عشان الموضة اليومين دول البعد واللى واللى واللى
لكن خلونا نتكلم بشكل عملى أكتر
عملوا إيه؟؟؟؟؟؟؟؟؟؟؟؟؟؟؟؟؟؟؟؟؟؟؟بعدمابعدوا
أناأقولكم
لعنوا سلسفين الإخوان اللى هما أصلاً لحم أكتافهم من خيرها...... ماشى!!!!
وعملوا إيه تانى ؟؟ نقدوا بردوا الإخوان.... ماشى
والإخوان دلوقتى وحشين وولاد ..... ماشى
عملوا مدونات.... ومجموعات على الfacebook طب وبعدين
عملتوا إيه مفيد لأشخاصكم... عملتوا إيه مفيد لبلدكم... أنا أقول لكم البلد بقى فيها مساحة حرية كبيرة لما انتقدنا الاخوان وتقدمنا تكنولوجيا لما شتمنا الاخوان..... وبقى مافيش حد فى مصر ماعندوش حرية غير الإخوان وهم بقى على مستواهم الشخصى فحدث ولاحرج اللى ماشاء اتلم على واحد برده من الجماعة الحلوين اللى بيفهموا أحسن من كل عقليات الجماعة.... واللى مش بيعمل أى حاجة فى حياته غير أنه قاعد بيدون ويكتب اللى جواه تجاه الظلمة الى علموه كل حاجة فى حياته حتى إزاى أنه يكتب... واللى انطلق نحو الحرية فراح بقى يسمع الفن الأصيل من مطربين اللى محشش والى لابسة من غير هدوم وأروح السينما يمكن انفع البلد دى واعرف الحرية بجد وممكن منهم اللى لحد النهاردة مش عارف بعد اللى هو عملوه وبعد عن الجماعة حيعمل إيه أهو حيستنى الموضة والتقليعة الى حتظهر من جيل المدونين الأوصياء على الجماعة ويعمل زيهم أنا أسف لو طولت
يا شباب أى كان أنتم مين من الجماعة أو خارجها أحنا عايشين فى وطن مغصوب محتل وفى أمة كل شبرمنها محتاج للتحرير والتضحية سيبكوا من الإخوان أنتم عملتم إيه عمر الوطن ولا الأمة حتتحرر بسماع محمد منير ولا جوليا ولا السينما...لكن يمكن تتحرر بأم كلثوم وعبدالحليم !!!!تراث برده!!!! أنا آسف كل واحد يسأل نفسه هو عمل إيه حتى على مستواه الشخصى مش قاعد أدون وأدون أدون وأدون أدون وأدون أدون وأدون أدون وأدون حتى ..................
ربنا يهديكم يا غلابة
نبيل،
ردحذفكنت اود ان ترد بأسلوب افضل من هذا الأسلوب، وخصوصاً اني في المرات القليلة التي تعاملت معك فيها بدوت رجلاً مهذباً، لكن للأسف ظني طلع في غير محله، وعلى العموم نجرب نرد عليك بأسلوبك،
بص يا يا نبيل استخدم عقلك،وارجع اقرا من بين كل كلامي كلمة بنت ، كلمة ست ، كلمة وليه ، كلمة مرة، ؟؟!!، طيب كلمة مخدرات ، برشام ، حشيش ، بودرة ،
على رأي مسرحية العيال كبرت، انتااااا بتقووووول ايييييييه
انا مش شايف علاقة بين العك اللي انت كاتبه ده وتعليقي، هل لما الواحد اتكلم عن الثقافة ، عن الفن عن السينما ، ده كله معناه بالنسبة ليك مخدرات ؟ زنا ؟! نسوان ؟؟!!، ما شاء الله على العقلية الجبارة، لالالا جامد اوي ،
انا مش عارف صراحة انت كنت عايز تعك اي شتيمة وهجوم وخلاص فكتبت الكلمتين دول وخلاص، ركز كده وافهم الكلام المكتوب ايه وتعالى رد علشان شكلك ما يطلعش وحش ؟؟!!
انا متفق معاك في حاجة اخيرة، ان ده اكتر رد مهذب ممكن ترده ، وعندك كتير كتير اوي مهذب ومش مهذب ،و ياما في الجراب يا حاوي، ، اقولك اوزنلي كيلو مشكل ، نص مهذب على نص مش مهذب،
والله يرحمه السادات قال، اتعلموا الأدب في مخاطبة الناس، واقف مكانك يا بازمهندز
ارجو ان اكون نجحت في مضاهاة اسلوبك المهذب والرد عليه بنفس الرد الذي لم اكن اتمنى ان استخدم مثله
محمد رفيق،
ردحذفاسمحلي اولاً اقولك انك من الناس اللي بحترمهم حتى لو اختلفت معاهم،
افكارك في الحياة لما تكون عندك 16 سنة ، مش لازم تكون هي هي نفس افكارك وانت عندك 26 سنة، في العشر سنين دول الحياة بتتغير كتير ، وتشوف حاجات كتير، وانت نفسك بتمر بتغيرات كتير اوي ،
مش صح يوم ما يكون عندك 26 سنة وتكتشف انك لما كان عندك 16 سنة كنت بتفكر غلط تفضل مصر على تفكيرك الغلط، لذلك من حق اي واحد انه يراجع نفسه يراجع افكاره يراجع اسلوب حياته ويغيره، ده مش حقه وبس ده واجب عليه، انه يتغير لو شايف انه كان غلط، احسن ما يبقى انسان يعاني من انفصام في الشخصية، او واحد ممثل وما اكثر من صادفناهم من هذا النوع ،
ثانياً
انت بتقول اللي ساب علشان ، واللي ساب علشان، اسمحلي اقولك انت غلطان، انا واحد من اللي سابوا الإخوان، انا عندي اسباب كتير جدا جدا خلتني اسيب الإخوان، الفكرة زي ما قلتلك انت بتراجع نفسك وتراجع افكارك وتكتشف انك لازم تغير قناعاتك وافكارك، وطريقة حياتك، ولازم تاخد قرار زي ده، ممكن يكون فيه قشة قصمت ظهر البعير فيه اسباب ظاهرة انها مباشرة، لكن كون ان الواحد ينسلت من مجتمعه دي ما بتجيش من مرة واحدة كده خبط لزق،
تاني حاجة بقى، مش عارف صراحة انت تقصد مين بالكلام بتاع اللي اتلم على واحدة، واللي مش عارف عمال يتفرج على مطربة عريانة، واللي مش عارف ايه...
حقيقة انا مش عارف كمان انت تقصدني بأنهي واحد من دول ولا كلهم ولا ايه بالظبط، بس برضه دي العقلية الإخوانية العقيمة، كل واحد ساب الإخوان باظ وانحرف ، ليه ما بتبصش للي ساب الإخوان انه مجرد واحد مختلف معاك ، ؟؟ اياً كانت درجة الخلاف دي ، ليه دايماً الإخوان بيصروا انهم بقوا كفرة؟؟ او برشامجية او بتوع نسوان؟؟، ده للأسف غيظ زي غيظ النسوان ، لما واحدة تكون متغاظة من جارتها فتفضل تشنع عليها،
ما كنتش منتظرها منك يا محمد على فكرة...
يتبع..
م/ محمد أحمد محمود
ردحذفبعيداً عن شازلونج اخي محمد عبد الفتاح ، الذي ابى الا ان يضعه اليوم في السونا ...
وبعيداً عن الكلام الفلسفي اللولبي المتحزلق الذي أصبحنا نجيده جيداً أكثر من أن نفكر فيه ...
وبعيداً عن ربط اي حاجه باي حاجه المهم نطلع صح والتاني مغضوب عليهم وضالين وربنا يثبتنا والكلام ده ...
بعيداً عن كل ده اسمحولى بس اعرض اسئلة بريئة جداً مالهاش علاقه ببعض زي مالموضوع بتعليقاته مالهاش علاقه ببعض ... وبس جاوبوني عالاسئلة ...
أستحلفكم بالله ... مش برضه كلنا عارفين من قبل مرحلة المحب حتى اننا لسنا جماعة فقهية ؟؟؟
ألم يعلمونا الكبار بتوعنا ان الخلاف الفقهي في امتنا رحمه مالم ييختلف بتوجه عام للجماعه ؟؟؟
ألم يقولوا لنا الحاجه اللى فيها خلاف فمن حق المسلمين فيها ان يأخذوا برأي من يثقوا به ؟؟؟
أليست مشكلتنا مع السلف اننا بناخد برأي الشيخ القرضاوي في حاجات كتير وهما شايفينه غير مؤهل للفتوى ؟؟؟
ألم نقرأ كلنا ان الشيخ القرضاوي أباح الغناء الهادف والموسيقى وبالنص اخرجها من كونها تحت لهو الحديث ؟؟؟
أليس عشرات الاخوة المسئولين منهم واللى مش مسئولين على موبايلاتهم موسيقى وموسيقى وموسيقى ؟؟؟
أليست جوليا بطرس هي تلك التي غنت للثورة والثوار أكثر من 90 في الميه من اغانيها ؟؟؟
أليس من حق الاخوة ان يسمعوا ياشارون يابن ام شارون دون اي مشكله ؟؟؟
إذن مالضير في ان اسمع اغنية يعزفها مرسيل خليفة على عوده وتقول كلماتها :
سائلتني في حمانا ظبية ... اتحب الشوق في عيني صبيه
قلت لا اعشق حسناً ظاهراً ... أو أرى الحب عيوناً نرجسية
إنما اعشق قلباً عامراً ... يعشق الموت ويحيا بالمنية
أدركت سري وقالت ظبيتي ... أنت لا تعشق غير البندقية ؟؟؟
أليس يامحمد عبد الفتاح من حقنا إلى جانب القيام والقران وصلاة الفجر والاذكار والدعاء ان نضحك ونلعب ونهزر ونغني لزوجاتنا ونعاشرهم كمان ؟؟؟
أليس سماع كلمات اغنية ثوريه لفلسطين ولبنان مباح شرعاً حتى لو غنتها طفلة بالغه من 10 سنين اسمها م او طفله بالغه تانيه اسمها ميس شلش او طفلة بالغة تالته لانعرف اسمها تغني كل اغاني قناة طيور الجنه ؟؟؟
أذن لماذا تبقى فجاة مش مباحه عندما تغنيها جوليا بطرس ؟؟؟ مع العلم ان جوليا بطرس ليست نانسي عجرم وهيفاء وهبي وروبي يامحمد رفيق
ألم نغني من قبل معاً واحنا مسافرين لمصر يامحمد ياعبد الفتاح اغنيه :
انا مهما كبرت صغير .. انا مهما عليت مش فوق
مش ممكن يوم اتغير .. الدنيا غروب وشروق
وكان ده لما سمعناها في راديو المشروع ؟؟؟
إذن أليس من السذاجه بعد كل ده اننا نمسك ونتكلم في حاجه هي حلال ومباحه ولم يأتي تحذير عام من الجماعه بعدم سماعها او الترويج لها ؟؟؟
ألم يسألك احدهم يابشمهندس نبيل لماذا يحلق الاخوان لحاهم في السعوديه ، ولم نجد اجابة شافيه لهم ، مع علمنا انها سنه وقد تكون سنه مؤكده او اكتر من ذلك في وضع المصريين بالسعوديه ، ومع ذلك نحلقها كلنا او اغلبنا ، ونيجي على موسيقى افتى القرضاوي باباحتها ونتكلم فيها ؟؟؟
أليس من الغرابة التى لم يعلق عليها احد ان يربط اخي محمد سؤاله عن جوليا بطرس ودخول السينما بسؤاله عن كونك مضطهدا في الاخوان وكل كلامك عن الحرية والتحرر ؟؟؟ وكان كل اللي بيسمعوا جوليا بطرس هم بيدخلوا سينما وشايفين ان الاخوان بيضهدوهم وده مالهوش الا معنين :
الاول : انك تقصد حد معين فيه الصفات دي
التاني : انك شايف ان جوليا بطرس تدعو الى دخول السينما
أليس من الغريب بقه بعد كل ده انه لم يعلق احداً على ذلك ؟؟؟
بينما بدأت التعليقات واستمرت في مناقشه اسم احد أخ لم يتم تصعيده الى الان وهو يعرف ذلك جيداً وبدى كانه كان ظاهرة مرضية والحمد لله اخد الدوا وخف دلوقتي وبقه يحط في مدونته قران للشيخ حاتم وشال لينكات جوليا بطرس من مدونته
حرام عليكم والله العظيم
بنعيب على الحكومات والمعارضه والعلمانيين انهم بيمسكولنا عالواحده
واحنا اللى حلمنا في يوم اننا نقود الامة زي اوردوغان لسه بنتكلم في قضيه فقهيه ليس لها اي علاقة بدرجه قيامي وصيامي وقراني واذكاري ودعوتي
سيبنا حلمنا واهدافنا وطريقه تفكيرنا في ايجاد حلول لمشاكل الامه وبنتكلم ازاي نسمع وين الملايين الشعب العربي وين وغيرها مما ابدعته جوليا بطرس وغيرها
عارفين احنا عاملين زي ايه ...
زي الموظفين اللى رايحين الشغل وهدفهم يقدموا شغل في تخصصهم ، فلقوا المدير بيقول للاول انت ليه تشرب شاي على الريق ، ولم يكتفي المدير بذلك بل لما لقى الموظف بيشرب ادامه للمره التانيه شاي على الريق منعه من الترقيه ومن ان يلحق بالصف لانه بيشرب شاي عالريق ، رغم انه مش دكتور والدكتور قال خلاف امتى رحمه والموسيقى مش حرام ... اقصد شرب الشاي عالريق مش مضر ...
مشكلتنا اننا سبنا مهمة الموظف ومهمة مديره الحقيقية ثم دخلنا في حوار هستيري متزملق متخلف حول مدى صحة وخطأ شرب الشاي على الريق
مشكلتنا اننا مازلنا بنخلط بين الاهداف والوسائل
مشكلتنا اننا فاكرين اننا مش حننتصر الا لو بقينا كلنا شيوخ ، والاغرب انه ده بحد ذاته الفكر السلفي الذي اظن اننا لو لغينا لفظ كلمة الاخوان من مقال اخي محمد عبد الفتاح وابدلناه بلفظ الجماعه السلفيه حتلاقيه ماشي حلو قوي
مشكلتنا اننا بنحرم السماع للموسيقى اللى كلنا اصلا بنسمعها بينما كلنا بنحلق لحانا واحنا في السعوديه وبنرمي الورق في الشارع وبنكدب لما نتأخر في المواعيد
مشكلتنا يااخوة التربية ليست في كونكم اخذتم نموذج واعتبرتم اي حد حيسمع جوليا بطرس يبقى زيه زي فلان
مشكلتنا ان في ناس بتحب الموسيقى وده طبيعي وفي ناس بتحب الشاي وده طبيعي ... وفي ناس في التربيه اتعودوا مايحبوش الموسيقى وده طبيعي زي مافي ناس مابتحبش الشاي وده برضه طبيعي
مشكلتنا الربط بين اي حاجه واي حاجه عشان نطلع باي حاجه
اخواني ... ابحثوا بينكم عن اردوغان لو حبيتوا تنتصروا
ابحثوا بينكم على حد عارف هدفه كويس مابيلعبش زي السلف في القشور ...
القشور التى اصبحنا نحترفها اكتر من السلف ...
ابحثثوا عن هدفكم الحقيقي حتلاقوا جوليا بطرس ليست ازمه وحتلاقوا ان مافيش اصلا حاجه اسمها تيار اصلاحي وتيار محافظ
ولو كنتوا وصلتوا لاخر الموضوع ... فاحب اقولكوا اسف عالاطالة
بالنسبة للتعليق السابق انا بعتذر عن استخدام أمثلة فجة
ردحذفنرجع لموضوعنا
كان زمان في بدايات الإخوان- علي حكاوي الأساتذة الكبار-ان الواحد منهم عايز يثبت للناس انه مختلف عنهم وان حياته مش زيهم ان هو ملتزم يعني
اليومين دول احنا بنحاول نثبت للناس ان احنا زيهم وعايشين نفس عيشتهم ولكن بطاعة ربنا وده ظهر في رحلاتنا ومعسكراتنا كنا بنلعب ونضحك من غير ما نعصي ربنا والرسالة دي أظن هي الأصح
ايه علاقة ده بالموضوع ؟؟؟
التطوير-احنا زي الناس- والالتزام بطاعة ربنا
التطوير داخل الجماعة لازم يكون بأدوات مشروعة
يعني ما ينفعش نقول ندخل السينما علشان نتعرف على الابداع في المجال الفني
لوعايز تحصل على الابداع حتلاقي طرق أخرى ما هو مش معقول ان احنا مش حنعرف نغني الا لما نسمع محمد منير ولا حنعرف نمثل الا لما نشوف جوليا بطرس
ربنا لم يأمرنا بعمارة الأرض وخلافته فيها وحرم علينا أدواتها
احنا عايزين نعمل زي المسلمين الأوائل نقلوا علوم وفنون السابقين وصبغوها بصبغتهم اللإسلامية
وللحديث بقية
م/نبيل
أزال المؤلف هذا التعليق.
ردحذفهقول حاجه واحده بس
ردحذفالتعليقات اللى على البوست ده تثبت حاجه واحده بس لو فهمها من هم خارج الاخوان او من هم تركو الاخوان لكفتهم
ان الاخوان مش كلهم زى بعض بدليل ان اللى كتب فى التعليقات ديه كلهم اخوان تنظيميا ما عدا محمود محمد تقريبا لكن كل تعليق تقريبا مختلف كليا و بيناقش الفكره من وجهه نظر مختلفه و قد تكون متضاده فى بعض الاحيان بالرغم من انهم كلهم فى الاخوان تنظيميا و فى مستويات مختلفه فى الاخوان
حاجه عايز بس اقولها لمحمود محمد قلتهاله قبل كده مليون مره
عمرك ما هتقدر توصل لحاجه مفيده فى حوارك مع اى شخص طالما انت متأكد قبل ما تكلمه انه متخلف و افكاره عقيمه و ليس لديه استعداد ليفهم افكارك
محمد رفيق بلاش خلط الجروب اللى انت بتتكلم عنه ده اللى على الفيس بوك مش زى ما انت بتقول
ردحذفhttp://www.facebook.com/group.php?gid=88347823608
أزال المؤلف هذا التعليق.
ردحذفنيجي بقى لنقطة عملتوا ايه للبلد وعملتوا ايه لحياتكم الشخصية،
ردحذفتعالى نقول احنا ما عملناش حاجة، يلا بقى قولي عملت انت ايه للبلد ؟؟!!
الإخواني اللي كان يطلع في المظاهرة ويجلجل والله لندخل تل ابيب، والله لنحرق شارون، الإخواني اللي كان بيقول فلينفجر بركان الغضب، قدم ايه وعمل ايه ؟؟!!لبلده ؟؟ طب على مستواه الشخصي قدم ايه؟؟!!
متهيألي مش حيفرق كتير عن اللي ساب الجماعة، لكن الفرق بينهم بسيط، إن ده شاف ان وجوده في جماعة ما يختلف فيه معها اكثر مما يتفق فيه معها وجود عبثي،
وده شايف إن الجماعة تناسبه،
وبعدين المطلوب من اللي ساب الإخوان يعمل ايه ؟؟ مطلوب يعني يقود ثورة؟؟ مطلوب ياخد جايزة نوبل ؟؟ مش عارف يعني يعني ايه المطلوب بكلمة قدمت ايه ؟؟؟
وبعدين معلهش يعني، تقدر تقولي الإخوان عملوا ايه للوطن العظيم لما بقوا 88 عضو في مجلس الشعب، وصلوا بموت 11 واحد ؟؟!! الأحلام بالتغيير والوعود الجبارة وتحرير الوطن الموعود ، وصناعة التاريخ، خلاص اهو موسم سيدي الإنتخابات قرب اهو ، وفاضل دورة واحدة، وفي النهاية ولا حاجة،
كله كلام في كلام، وشغل سياسة وبولوتيكا، ونفعني واستنفع، وسيب وانا اسيب، وحاوريني ياكيكا،
نقطة كمان
ليه انتم حاسين لما الواحد بيتكلم على محمد منير او جوليا بطرس اننا بنكلمكم على جورج وسوف و هيفاء وهبي ؟؟
للأسف علشان انت اخوان فاكر إن كل الآخر وحش، محمد منير اكتر مطرب غنى للوطن والحلم والأمل وحش ، جوليا بطرس اللي غنت اغاني الثورة والتحرير وغنت اغلب اغانيها لتحرير فلسطين برضه وحشة ، كل حد تاني وحش،
حتى عبد المنعم محمود وحش، احمد زين وحش، عمرو ابو خليل وحش ، حسام تمام وحش، مع ان كل دول كانوا حلوين واخوة في الله ونحسبهم على خير، لكن يوم ما اختلفوا معاكم بقوا ولاد كلب،
انتم ما بتقبلوش الآخر، ما بتقبلوش المختلف، لازم الواحد يبقى على قد الإسطمبة وبس ، غير كده لأ،
انتم ما بتقبلوش حدي يقول لأ حتى على اخطاء شنيعة، انا كنت اخوان لما المرشد قال طز في مصر، ولقيت الناس عمالة تدافع عنها وتفند كلامه، ومحدش عاب عليه، كنت في الإخوان لما المرشد قال الإخوان حيدوا معارضينهم بالجذمة ومحدش رد قال حاجة،
في النهاية اشكرك يا محمد على دعوتك لينا ان ربنا يهدينا، واحب اقولك ويهديكم انتم كمان ويهدي فضيلة المرشد صاحب الحذاء، وامانة عليك يا محمد لو وصلتوا للحكم ما تدورش علي علشان تديني بالحذاء زي ما فضيلة المرشد توعد معارضي الإخوان، ده حتى كان فيه بينا عيش وملح يا راجل
:))))))
كريم يا صاحبي
ردحذفسؤال لما محمد رفيق يقول اللي اتلم على واحدة من الجماعة الحلوين، واللي بيسمع مطرب محشش، واللي واللي، تفتكر ساعتها ان محمود محمد هوا اللي شايف الآخر بنظرة زبالة ؟؟!!
اللي شايف كل واحد ساب الإخوان انه بقى نسوانجي وبتاع بودرة وحشيش ، يبقى محمود محمد اللي بيقلل من الآخر ؟؟!!
ما اظنش يا كيمو على فكرة،
التقليل من الآخر دي نظرية أخوانية اصيلة، حتى اسأل المرشد بتاع الطز وبتاع الجذمة،
برضه هقولك يا محمود مش عايز تتغير او انا مش قادر افهمك مش عارف
ردحذفبطل تاخد عينع عشوائيه من الاخوان و تعممها على كل الاخوان
انا من الاخوان و مش مع كلام محمد رفيق و لا مع مهندس نبيل
بتحصل فى احسن العائلات على فكره
ليه مش قادر ان عدد الاخوان الهائل فى عقليات كتيره مختلفه مع بعض بتجمعهم فكره
لو مقابلتش غير العقليات الضعيفه او عديمة الفائده يا ريت متممهاش على الاخوان كلهم لأن انا بتضايق فعلا لما الاقيك و انت عارفنى كويس و تقول الاخوان بيقللوا من الاخر و انا مش كده او عقليتهم عقيمه و انا شايف نفسى مش كده
لو انت شايف ان انا كده انت حر
انا مش بشخصن القضيه لكن انا بدى مثال لنفسى لأنى مش عايز ادخل حد تانى فى الموضوع بس
عارفين بقى اكتر حاجه محبطة في الدنيا ايه ؟؟؟؟
ردحذفاكتر حاجه محبطه انك تعمل تعليق طويل عريض محاولاً التركيز فيه على نقطة واحده حول جوليا بطرس -المغنية للثورة والحرية- ثم الاقي تعليق حبيبي الباشمهندس نبيل بيقول مش حنعرف -نمثل- الا لما نشوف جوليا بطرس ...
الفكره يابشمهندس احنا مش بنسمع جوليا عشان نتعلم التمثيل ولا بنسمع منير عشان نتعلم الموسيقى ... وانما عشان حاجه واحده بس
عشان مش حرام وعشان بنستمتع بكده
زي مافي ناس بتحب تستمتع باابو راتب وابو مازن
زي مافي ناس بتحب تستمتع بالرسم والكتابه والتأليف
زي مافي ناس بتحب تستمتع بالقعدة مع الزوجه والولاد
زي مافي ناس بتحب تستمتع بكباية الشاي على الريق -راجع تعليقي الاول-
زي كل المباحات اللى الناس بتعملها مش لانها بتعلمهم او لانها لازم يكون ليها هدف في تطوير الجماعة
او حتى تطوير انفسهم
وانما بيعملوها لانهم بيجدوا فيها متعتهم وسعادتهم والتعبير عن مابداخلهم
والمباحات لاتأتي على حساب الواجبات ودي لازم تكون في بالنا
لما اخ يسمع جوليا بطرس بعد ما يكون ادى كل واجباته فما العيب في ذلك ؟؟؟
ومره اخرى والله العظيم مابيسمعوا جوليا ولا منير عشان يتعلموا الموسيقى والغناء وانما للاستمتاع بمباحات الامور .
كان معكم : محمد أحمد محمود من الاخوان
في اثناء ردودي ومداخلاتي قدم لنا المهندس نبيل مداخلة رائعة اود ان الخصها في نقطتين اساسيتين :
ردحذف1- انت بتطلح رحلة وبتنبسط، ليه تقرا رواية او شعر ما انت بتتبسط في الرحلة مش لازم تقرا علشان تنبسط، الدومينو حلو برضه بيبسط1
2- ليه تدخل سينما علشان تشوف الإبداع الفني؟؟ ممكن تشوف الإبداع ده في توم آند جيري ، حاول تشوف حاجة مافيهاش نسوان مع اني مش عارف القط توم دكر ولا نتاية
باشمهندس نبيل ...هوا حضرتك الظابط اللي عمل العملية ؟؟!!!
:)))
استاذ محمود انا اولا معرفكش وواضح ان ناس كتير عرفينك بس الواضح انك مش عاريز تسمع حدغير رايك ممكن اسئلك سوال واحد
ردحذفلو ربنا قبض روحك وانت في السينما رايك ايه واتمني من غير لف ودوران ؟؟
لو مت وانت بتسمع جوليا بطرس هتقول لربنا ايه هل هتكون سعيد ؟؟
اتمني متردش عليا بالاخوان وهما انا بسئلك انت وشكرا ليك اتمني تعمل اللي يرضي ربك وله مسئولك وله نفسك وله مشكلك مع الناس
ميزو
أولاً: أنا أنصح الجميع بالإلتزام بالآداب الإسلامية للحوار .. ولا أظن أن أي صاحب عقل وفهم يحتاج للتدليل على وجهة نظره إلى السخرية والاستهزاء من الآخرين
ردحذفثانياً: شايف إن حوالي 25 تعليق من 28 عملين يردوا على بعض في نقاط أنا لم أذكرها .. بل أقحموا فيها التدوينة بالعافية .. وانا قولت قبل كده .. يا جماعة والله أن لا أتحدث عن أشخاص .. والله .. والله أتحدث عن ظاهرة ..
أنا لم أقل جوليا بطرس حلال ولا حرام.. ولم أتحدث كذلك عن حكم السينيما .. فلست عالماً أو فقيها وهذا ليس من حقي .. إنما كل ما تحدثت عنه وما اختلفت معه مجموعة من الأفكار والسلوكيات يقوم بها بعض الأشخاص وهي في النهاية تكون ظاهرة .. يعني قصدي:
إن في ناس مقتنعة بحاجات وبتقول حاجات وبتعمل حاجات .. بأسلوب مختلف معاه .. وبتسيب حاجات أنا شايفها ضرورية
ثالثاً: بالنسبة للمهندس/محمد أحمد .. الوحيد الذي كنت أنتظر منه أربع كلمات "حمد لله على السلامة" لأني كنت في السجن .. والوحيد أيضاً الذي وصفني أو بشكل أكثر تحديداً .. وصف أفكاري بــ(السذاجه -حوار هستيري متزملق متخلف - مابيلعبش زي السلف في القشور ) فأنا عارف إن محمد ممكن يشتمني ويشتم اللي خلفوني وهو بيحبني أنا متعود منه على كده
فأنا أحب أقولك يا محمد إني موافقك جداً .. مدام الواحد بيعمل الواجبات اللي عليه فمن حقه يعمل المباح .. ومختلف معاك فإن كلنا لازم نبقى شيوخ .. لأن الحالة الإيمانية المرتفعة اللي اتكلمت عنها في التدوينة محتاجها أي مسلم .. ومصطلح (شيخ) قصدت بيه إنه قريب من ربنا .. مش يعني عالم وطلب العلم وشغل السلفيين اللي وصفتني إني بتاع قشور زيهم
طبعاً لو كل واحد قعد يدور على ثغرات التاني في تعليقاته مش حنخلص .. وحنقعد نرد على بعض لحد ما نموت لكن .. أخيراً:
ردحذفأنا يا محمد .. قصدي يا بشمهندس محمد أحمد .. أنا لم أربط بين أي حاجة وأي حاجة عشان اطلع أي حاجة .. أنا يا صاحبي .. أن شايف أن غالبية هؤلاء الشباب اللي مختلف مع أفكارهم وسلوكياتهم .. شايفهم مش عاجبهم حالة التدين أو الجو الإيماني اللي بتحاول الجماعة وبيحاول أفراد الإخوان أن يصلوا إليه .. حتى إني قرأت لأحدهم .. إنه زعلان إن الجماعة بتقول: "حسبنا الله ونعم الوكيل" لما أيام العسكرية .. وشايف غن دي كلمات سلبية .. فأنا هنا بطرح سؤال: ليه الناس اللي معترضة على الجماعة ليه دول رافضين المشيخة .. وليه مبيتكلموش على المشيخة والإيمانيات .. ليه كله .. حزب .. تنظيم .. حرية؟؟ كل ده كويس فين مساحة الدين والقلوب في كلامهم؟
ميزو اللي بيقول اني واضح مش عايز اسمع حد غيري، كويس المفروض يعني ايه اغير افكاري وقناعاتي علشان اعجب؟؟ المفروض حاجة انا شايفها صح اقول انها غلط علشان ببقى بسمع رأي غيري ؟؟!!
ردحذفميزو تسمح لي اسألك نفس السؤال ، لو ربنا قبض روحك وانت بتلعب ماتش كورة، لو ربنا قبض روحك وانت نايم مع مراتك، لو ربنا قبض روحك وانت بتتفرج على التليفزيون على برنامج القاهرة اليوم، حتقوله ايه؟؟!!
محمد عبد الفتاح ،
ردحذفانا سعيد اني شفت حد بيعرف يرد ردود كويس هنا، ردك وإن كنت اختلف مع نقاط فيه لكن متفق فيك معاه على اجزاء كتيرة،
مش زي رفيق يقولي اللي ماشي مع واحدة واللي ما بيعملش حاجة في حياته غير التدوين، واللي مش عارف ايه ، والكلام اللي مالهوش لزمة ده،
انا حقيقي مش متضايق من اي حاجة في الموضوع ده ومش حاطط في بالي اي كلام ، غير كلام رفيق اللي مصور ان اللي ساب الإخوان بقى مجرم ابن ستين كلب،
سؤال بس اخير لكل الإخوة والأخوات اللي دخلوا علقوا هنا وفضلوا يشتموا على السينما ومش عارف ايه ، سؤال بسيط يا حبايب ، انتم عمركم ما اتفرجتم على فيلم ابداً ؟؟
ردحذفنبيل عمرك ما اتفرجت على فيلم ؟!
محمد رفيق عمرك ما اتفرجت على فيلم ؟؟!
محمد عبد الفتاح عمرك ما اتفرجت على فيلم ؟؟
ميزو عمرك ما اتفرجت على فيلم ؟؟
الصعيدي عمرك ما تفرت على فيلم؟
كريم عمرك ما اتفرجت على فيلم ؟؟
صراحة اشك، ولو حد قالي عمره ما اتفرج على فيلم انا بحترمه جدا، لكني واثق انكم كلكم اتفرجتم على افلام ، عربي واجنبي، لكن في التليفزيون بس، علشان السينما حرام لكن التليفزيون حلال، مش عارف ليه صراحة ؟؟!!
يمكن علشان الدنيا ضلمة في السينما والشيطان شاطر ولا أيه ؟؟!!
ربنا يهديني
اولا .. والله العظيم ويمين اتحاسب عليه اني فعلا حطيت في نهاية كلامي حمدالله على سلامتك يامحمد بس شالتها عشان احطها في الاول فسقطت سهواً والله لما جيت انزل الموضوع
ردحذفثانيا .. انا مبدخلش للاسف على الماسنجر بقالي فترة طويله والكل يعلم ذلك لانشغالاتي لكني ارسلتلك اوف لاين والله فيه حمدالله على سلامتك فاعذرني لو ماوصلش ومعاك حق انك تزعل مني في دي خاصة انك من الخمسة فقط اللى لما نزلت الاجازه جولى البيت وقالولى حمدا لله على السلامه رغم انشغالاتك وقتها فاعذرني
ثالثاً .. كنت متابعاً لموضوعك من الاول ولم تكن في بالي فكرة الرد نهائياً ، لكن لما تكلمت مع باشمهندس نبيل -استاذي ورفيق كفاحي في الغربة بالرياض- قلت حدخل ارد ، ولما جيت ارد فوجئت برد محمد رفيق اللى استفزني جداً للامانة وتقدر تعتبر معظم ردودي هي تعليقات عليه واسف اننا اقحمنا شازلونجك في ذلك -هذه دعابة- ، وان كنت اعتقد انك تعرف ان محمد احمد لما يكتب مستفزاً اكتر من مئة سطر ويطلع فيهم تلات هفوات مش كتير ..
رابعا .. ان كنت اعتذر عن مصطلح "السذاجة" لكني مازلت ارى ان أوردوغان القائد الاسلامي لواحدة من اكبر الدول العلمانية .. لم تقف امامه في تحقيق اهدافه فكرة ان اخوانه بيسمعوا موسيقى او لا ..
خامساً .. انا اتفق مع رأيك تماماً اللي قلته في التعليق يامحمد .. ولو على ان اللى نقصده بمطلح شيخ هو القريب من ربنا ، فانا معك وقلت في تعليقي ان المباحات ليس لها علاقة بصلاتك وقيامك وفجرك واذكارك ودعوتك .. مش كلنا برضه بنتفرج على افلام في البيت ، وبنسمع اناشيد فيها موسيقى ، ايه العيب اني اكون قريب من ربنا قوي قوي قوي وبسمع في اوقات فراغي القليلة جداً كلمات منير وهو بيقول :
قبل ماتحلم فوق .. احلم وانت فايق
قبل ماتطلع فوق .. انزل للحقايق
او كلمات هادفة من ذلك القبيل ، لذلك كل اختلافي معك مع فكرة الربط ، فكرة الربط تلك التى بدأت فيها موضوعك وربطت اربعه اسئلة ببعض ، أما عن باقي اختلافاتي فهي مع تعليق محمد رفيق واخرين ممن يجدوا ان اخوانيتنا لاتعرف السماع لسكران مثل منير ، وربط سبب عدم تحرير الأوطان لسماعنا لمنير ، تعليقي كان على ذلك الخلط الغريب في استخدام المباحات وتحميلها اكثر مما تحتمل .
انا معاك مرة اخرى في انه مش المفروض يبقى كلام عامة الاخوان بس في التحرر والحزب والسياسة بس برضه مش لازم ومش صح نربط بين اي حد بيسمع اغنية هادفة بانه من هؤلاء الذين كلامهم كله حزب وتحرر ... صح واللا ايه ؟؟؟
اخيراً .. فكرة وضعي لحرف الميم قبل اسمى مش عشان محمد عبد الفتاح او غيره يقولي يابشمهندس ، لانك استاذي وحتفضل غصبن عني استاذي ، لكن فقط لاني اعرف ان في جيل الجامعه الجديد اكتر من واحد اسمهم محمد احمد ولم ارد ان يمسهم شيء من افكاري المتطرفة او تنسب اليهم .. ومحمد احمد هو محمد احمد بلسانه الطويل يا ابو عمر ولو كنت وجهاً لوجه معك كنت حقول نفس الكلام بس بضحك وماكنتش حتزعل مني
ومره تانيه حمداً لله على سلامتك وارفع القبعة لاسلوبك الراقي في اختلافك
كان معكم : محمد أحمد محمود -اللي بيشتغل على باب الله مهندس-
صحيح من باب التوضيح ...
ردحذفالاتهامات التلاته اللى معجبتش اخي محمد وهي :
(السذاجه -حوار هستيري متزملق متخلف - مابيلعبش زي السلف في القشور )
جاءت ضمن مقال قارب المئة سطر كالتالي :
الأولى :
- إذن أليس من السذاجه بعد كل ده اننا نمسك ونتكلم في حاجه هي حلال ومباحه ولم يأتي تحذير عام من الجماعه بعدم سماعها او الترويج لها ؟؟؟
ده سؤال يامحمد وليس وصف لأفكارك ولا ليك بالسذاجه ... انما فكرة الربط هي التى استفسرت الا ترون انها من السذاجة !!!
الثانية :
- ابحثوا بينكم على حد عارف هدفه كويس مابيلعبش زي السلف في القشور ...
البحث لا يعني بالضرورة ان أفكار محمد عبد الفتاح جملة واحدة بتلعب في القشور ...
الثالثة :
عارفين احنا عاملين زي ايه ...
زي الموظفين اللى رايحين الشغل وهدفهم يقدموا شغل في تخصصهم ، فلقوا المدير بيقول للاول انت ليه تشرب شاي على الريق ، ولم يكتفي المدير بذلك بل لما لقى الموظف بيشرب ادامه للمره التانيه شاي على الريق منعه من الترقيه ومن ان يلحق بالصف لانه بيشرب شاي عالريق ، رغم انه مش دكتور والدكتور قال خلاف امتى رحمه والموسيقى مش حرام ... اقصد شرب الشاي عالريق مش مضر ...
مشكلتنا اننا سبنا مهمة الموظف ومهمة مديره الحقيقية ثم دخلنا في حوار هستيري متزملق متخلف حول مدى صحة وخطأ شرب الشاي على الريق
الذي قدمته يامحمد في عالم التدوين اسمه توبيك او بوست او بالعربي مقال او بالاخواني خاطرة اما مصطلح حوار فهو ذلك الذي دار بيننا في التعليقات ، وان كنت اريد ان اصف افكارك كما تخيلت لقلت : ثم دخلنا نقرأ كلاماً هستيرياً متزملقاً متخلفاً وانا لم اقل ذلك ... ده غير ان كل ده كان على اللى بيقول شرب الشاي على الريق غلط وانا عارفك انك بتشرب شاي عالريق ومابتفرقش معاك -هذه دعابة ثانيه وليست حقيقه-
بس برضه انا مبسوط انك طلعت الجمل دي لان معناها انك قريت تعليقي كله ... ويارب يكون جه بفايده
واستغفر الله العظيم لي ولكم
السلام عليكم
ردحذفمبروك يا محمد على المدونة......متأخرة شوية معلش
أنا شايف ان احنا دخلنا في برنامج دعوة للخلاف
كل واحد بيدور في رأي غيره على حاجة يختلف معاه فيها
أقترح رأي:
كل واحد بيقول رأي : زي ما بيقول الأوجه المختلف فيها يقول نقاط الاتفاق
م/نبيل
ثرى جى هكذا سماهام صاحب هذه المدونه الوليده الرائعه فىتدوينه عن جيل جديد من شباب الأخوان يؤمنون بأفكار وأطروحات وتوجهات تختلف تماما عن مانشأ وتربى عليه اجيال الأخوان عبر تاريخها
ردحذفلمر يطرح صاحب هذه المدونه شيئا اكثر مما دار فى عقلى ثم استقر فى وجدانى لفترات طويلة..زبل بالعكس لقد وصف كل مايدور بذهنى فى دقة بالغه وبأسلوب معبر..ولكنى وكعادتىكلما وصلت لقناعه ما يأتينى سؤال يدق عقلى بقوة ليقول وما أدراك ان ماوصلت اليه هو الحقيقة
فى الحقيقة...انه لاتوجد قيقة..والقاعدة انه لاتوجد قاعده كما يقولون لنا فى الطب
لعلنا مخطئين ولعل غيرنا على صواب
الحقيقة الكاملة عند الله عز وجل لاتعرف الا فى يوم تبلى فيه السرائر
وكما قال الشاعر الى ديان يوم الدين نمضى وعند الله تحتكم الخصوم
كما انى مقتنع تماما انه لاتوجد الوان بيضاء وسوداء فى هذا العالم الا فى الأفلام القديمه وحكايتها..لايوجد
خير مطلق وشر قبيح خالص..ولكنها مساحات من الألوان الرمادية المتفاوته فى التدرج
اقتنع ان الله وحده هو من يعلم سرائر الناس وضمائر نفوسهم..ولعله يغفر لطالب حق اخطأه ولا يغفر لطالب حق اصابه بطرا ورئاء الناس
فلا من ينتقدهم صاحب المقال من اهل النار ولا نحن نعلم ان كنا من اهل الجنه ام لا..نسأل الله لنا الجنه جميعا
والبعض يرى ان اى انتقاد لهذه الظاهرة هو وقوف فى صف فريق من الجماعه ممن يوصفون بالحرس القديم وذوى النفوذ وووو...الخ..وهذا اعتقاد خاطئ..فأنا عن نفسى لاارى قداسة فى اصحاب هذه المدرسة وارى ان ممن ننتقدهم من شباب الأخوان ضحايا لتعنت فكرى وعنجهيه حركية وغرور دعوى لهؤلاء
انا ارى وببساطه شديده...وبعيدا عن تحميل الأمور اكثر من معانيها ...وصرف حقائق الكلمات نحو التنفيس عن مشاكل مع افراد وافكار داخل هذه الجماعه
اقول مرة اخرى ببساطه شديده ومن منطلق تجربة خاصة جدا...اننى مارست فكريا كل ما اعيبه على جيل الثرى جى كما يسمى ...الى حد ما لأكون صادقا...وجربت ايضا الفكر السلفى واستمعت لأصحابه...اى انى استمعت ومارست وعايشت طرفى خيط الألتزام...وان كان من حق البعض ان يدافع عن منير وجوليا وفلان وعلان باستماته ويتهم من لايسمعهم او ينتقد سماعهم بالتخلف والرجعيه والأنغلاق فمن حقى ايضا ان احكى عن تجربتى لأنى انفتحت على مايدعون لفترة
انا استمعت لكاظم الساهر وماجده الرومى وام كلثوم وفيروز... انا قرأت لأحسان عبد القدوس ويوسف ادريس ونجيب محفوظ
قرأت لبهاء طاهر ومستجاب وعلاء الأسوانى
شاهدت افلام كثيرة عربية واجنبية وغيرت المحطه عند القبلات وخرجت بالمواعظ والدروس المستفاده التى القاها فى روعى الفيلم
كنت ارى ان ذلك قمة التفتح والثقافة
وانا اعترف واقر لكل هؤلاء بالموهبة التى لانستطيع ان ننكرها
ولكنى ومن خلال تجربتى تلك لم اجد ان كل مامارست افادنى على الجانب النفسى والوجدانى ناهيك عن اعتقادى بأنه قسى قلبى وأثر فيه سلبا
وانا عتقد ان التوازن صعب ان لم يكن مستحيل....
هذا اعتقاد شخصى ومن حق كل انسان ان يقيم تجربته كما يراها...فأنا لم استطع بعد السهرة مع ام كلثوم فى ليالى الشتاء الطوال والبكاء على المحبوب وهجره ان اقيم لله صلبى وابكى بين يديه
وانا اعتقد ان من حق كل انسان ان يمارس حياته بالطريقه التى تترآى له..لكن من يقيمون انفسهم دعاة على طريق الله لايؤهلم هذا الأسلوب لممارسة دعوتهم ولا يجعلهم مؤثرين فى الناس
افعل ماتريد لكن لاتخادع الناس وتمثل دور القديس عليهم
اخيرا اريد ان اقول وبعيدا عن حرمة اوحل الغناء والموسيقى والسينما ..الخ...فأنا على مستواى الشخصى لا احب ان اشاهد داعر او عاهرة ينصبوا انفسهم اصحاب فكرة ورسالة على
وانا لن اشاهد بنات النوادى الليلية وبيوت الدعارة الذين لاقوا استحسان من صاحبهم فجعل منهم نجوما وفنانين وهم يلقون علينا بالمواعظ ويعالجون مشاكل مجتمعنا حتى لو كان من منظور سليم...وهىقناعة شخصية وكل حر فى قناعاته
ولن استمع لمغنى تربية شارع محمد على سكير يخرج على جمهوره وعيناه حمراء من الشراب مهما كانت حلاوة صوته او جمال كلماته
املحوظة..ان الذين ارادوا ايجاد البديل صاروا مسوخا قميئة تبعث على الغثيان
...
السلام عليكم ياشباب ...جميعــاً
ردحذفلم أكن أتخيل أن يتجمع أشخاص كهؤلاء فى مدونتك بسرعـه يا أ/محمد .. فبجد مبروك ..
فكرتنى بأيام الجامعه والخلاف الجامد فى الطباع والشخصيات والأفكـار..
ووحشتونى جميعاً..
أستاذ محمود محمد مع خالص إحترامى وتقديرى لموهبتك الفذه فى عالم الصياغه والكتابه ..
حزنت كثيراً لما قرأت ردك العنيف على المختلفيين معك رغم قسوة ردودهم وحزنى على كثير من هجومهم عليك وعلى شخصك ..
ولكن ..أنت رجل تفهم معنى الحوار لذلك حزنت كثيراً لصدامك العنيف مع شخوص لهم فى قلوب جيلى وجيلك كثير من الإحترام -وبإعترافك-
أتمنى أن نستفيد من رأيك ورأى الجميع كضيوف على المدونه بشكل يثرى النقاش لا يحمل الهمز واللمز والـ..و..و...
أخيراً ..أنا إتفرجت على فيلم أو لا فهذا شئ شخصى أحاسب عنه أمام الله ؟
أنا دخلت سينما أو لا دى شئ شخصى أحاسب عنه أمام الله ؟
أنا بسمع منير أو لا دى شئ شخصى أحاسب عنه أمام الله ؟
وأنت أستاذ الحريات فى عالم بلا حريات...
فمن فضلك لا تسأل سؤالاً ليس لك أنت تسأله
ثانياً أنا لم أهاجم السينما أو الأغانى حتى تضع إسمى فى أسألتك القويه والصعبه ..
أخيراً سيدى .. وللعلم دون النقاش -لأنه شئ شخصى- أنا مش بأدخل سينما ولا من هواة منير ولا من مدمنى جوليا
لكنى أسمع أى كلمه صادقه وأشاهد أى فيلم هادف وأى لحن مؤثر يحمل رساله وهدف ويحمل فكره ويناقشها بشكل لايخالف مبادئى أو يعارض دينى..ومش بدخل السينما.. :)
أستاذ محمود والمهندس محمد وأستاذ رفيق وأستاذ كريم والجميع مع حفظ الألقاب والأسماء والمقامات و..و...
نحن قوم عمليون ...نحن إخوان .. نحن مسلمون .. نحن مثقفون نناقش أفكار لا نهاجم أشخاص ولا نجرح أو نسخر أو نسب أو نلعن ....
وهذا للتذكره وفقط ...وشكراً
د /إسلام
ردحذفجزاك الله خير على التعليق الموضوعى ..
لولا إنقطاع النت عندى ...لما أرسلت تعليقى بعد تعليقك ...
فتعليقك ما كنت أقصد .. من نقاش ظاهره دون صدام
أتفق مع رأيك 100%
وتعالوا نتقناقش فيه براااااااااحه
ما المردود الإيمانى لما نسميه الإنفتاح ؟على أشخاصنا وتنظيمنا ...
هل تراجعنا كدعاة عندما إنفتحنا على الأخر؟
هل كل الأخر جيد ؟وهل كل الاخر سئ؟
إلى أين نذهب بالفكره ..وماحدود التجديد المقبول ؟وأين يبدأ التجديد المرفوض؟
هل هناك تجديد مرفوض ؟ ولماذا نرفضه؟
اخيرا بدأت التعليقات تعقل الى حد ما و تناقش فكره ما
ردحذفو لذلك فأنا سأجيب على سؤال الباشمهندس الصعيدى بما اراه مناسبا فى رأيي
انا شايف اننا كأخوان كنا فعلا منغلقين جدا على اساليب معينه فى نشر دعوتنا و ده مش لأننا بنحب الانغلاق لكن لأن ده كان الواقع على اى منظمه او حزب او جماعه ساعتها سواء من ضغط امنى شديد او من خلال عدم تواجد قنوات اعلاميه واسعه كما هو الحال الان فكان كل اللى ممكن يتعمل ساعتها اخره بوسترات و مطويات و المظاهرات و المؤتمرات
اما منذ فتره ليست بالكبيره من منتصف التسعينات و مع انتشار الفضائيات ثم ثوره الانترنت اصبح كل من يريد ان ينفتح على العالم الخارجى الذى لم يكن يراه الاخوان او غيرهم بطبيعه الحال اصبح سهل جدا هذا الانفتاح و لذلك انطلقت كل التيارات فى هذه القنوات الاعلاميه الجديده لتجد لها ارضا واسعه و لكن ظل الاخوان جامدين ناحيتها لفتره كبيره نتيجه لأننا التيار الوحيد تقريبا الذى يوجد لديه نظرات فقهيه فى هذا الموضوع
يعنى انا اذكر جيدا الاخوه اللذين كانو لا يفتحون التلفزيون اصلا او حتى نشره الاخبار لأن المذيعه شعرها مكشوف تخيل ان ده المشاهد الاخوانى فما بالك بصناع القرار الاخوانين
لكن الحال بدأ يتغير بالتدريج مع وضوح الصوره ش
شيئا فشيئا و هذا هو حال الاخوان فى كل شىء حيث يدرسون الفكره مئات المرات قبل تنفيذها خوفا من القيل و القال و هذا قاتل فى مجال الاعلام لأنه لا يعرف البطى و كل يوم يوجد مئات القنوات الجديده و الاف المواقع الجديده
هكذا ظهر الشباب المتعجلين الى رؤيه واقع لا افكار فى العقول تنتظر سنين لتنفيذها و سنين اخرى لتكون بجوده ما هو منافس
و من هنا نشأت المشكله كلها فى رأيي و دمتم بخير
ده لو قكملتو للأخر يعنى لأن نفسى زهقت من كتر الكتابه
الرد الأخير .. وان شاء الله لن أرد تاني لانه حيكون حوراً حول حلقة مفرغة فيما بعد
ردحذفأريد مجدداً أن أوضح فارقاً كبيراً بين مادعوت إليه وبين مادعى اليه اخي محمد رفيق وأخي اسلام عيد ...
والتكرار حلو وبيوصل المعلومه ..
وقبل ذلك أرى أن أخي الصعيدي أوجز وأنجز بشكل ممتاز جداً فكرتي ..
ولذلك سأقتبس منه ماأبدأ به ..
أولاً .. أنا إتفرجت على فيلم أو لا فهذا شئ شخصى أحاسب عنه أمام الله ؟
أنا دخلت سينما أو لا دى شئ شخصى أحاسب عنه أمام الله ؟
أنا بسمع منير أو لا دى شئ شخصى أحاسب عنه أمام الله ؟
ثانياً .. نحن لسنا من مدمني منير ولا من مدمنى جوليا
لكنا نسمع أى كلمه صادقه ونشاهد أى فيلم هادف وأى لحن مؤثر يحمل رساله وهدف ويحمل فكره ويناقشها بشكل لايخالف مبادئى أو يعارض دينى
واظن يااخي الصعيدي ان كلنا ذلك الرجل .. لولا ان البعض مصممين ان يحولوا الموضوع بشكل آخر وهو ان فلان بيسمع اغنيه لفلان او علان من الناس فهو بالضرورة يعمل ذلك لأنه يعشق ذلك الشخص وهو بالضرورة سيكون اخاً يدعو الى التحرر والانفتاح وعلمنة الجماعه والكلام الكبير ده ..
وللاسف لو ظهر سين وصاد وعين من الناس واكتشفنا انهم بيسمعوا جوليا أو منير مثلا ويدعو للتحرر ويشكو الاضطهاد فبندي نفسنا على طول مبرر ان ده سبب ده وان دي نتيجة دي .. وهو ده الربط اللى مازلنا مصممين عليه في كل تعليقاتنا ولم يفسره أحد .. فقط ذكره الكثيرون من المعلقين هنا على انه مسلم به دون دليل واحد ..
ليس لانك مستمع لفلان او علان فأنت بالضرورة كنت او ستكون معارضاً ممسوخاً قميئاً تبعث على الغثيان كما وصفهم اخي اسلام عيد ..
ابوس ايديكوا افهموني .. الاستماع الى كلمة هادفة وموسيقى مؤثرة ليس له علاقة بافكارنا لتطوير الجماعه لا من قريب ولا من بعيد .. ومن يسمعون لكلمة صادقة من اي حد لايدعون من قريب او بعيد الى ان تعتمد مناهج الاخوان التربوية منيراً كشخصية اليوم او كلمات جوليا كفقرة تفسير .. انما هي المباحات التي ليس من حق احد ان يمنعها الا بتوجه وامر جماعي مبرهن او حكم فقهي يحرمها وحتبقى حاجه بينا وبين ربنا ..
انت تستمع الى ابو راتب وابو مازن وذلك يستمع الى اناشيد معينه لمصطفى محمود وثالث تعجبه بعضاً مما يغنيه سامي يوسف ورابع تستهويه بعضاً من اغاني الحلم والثورة والحرية مما تغنية ميس شلش والطفلة مي وجوليا بطرس ومنير
وكل هؤلاء يا اسلام عيد حين يستمعون الى منير وجوليا لا يبكون ليالي الشتاء الطويلة ولا الصيف القصيره ولا هجر ولا يحزنون
وتجربتك مع ام كلثوم ليست تجربة هؤلاء مع اغاني الثورة والحلم والحرية مع منير وجوليا الذي ربما لاتكون تعرفهم اصلا بيغنوا ايه وده بجد مش عيب خالص ابداً لأنه مش لازم كلنا نكون بنسمعهم او بنسمع غيرهم حتى ، فهم في النهاية ليسوا وسائل واجب اتباعها لكي نحقق اهداف الجماعه وتطويرها
أخيراً .. رب كلمة يقولها صاحبها لا يلقي لها بالا ً تهوي به في جهنم سبعين خريفاً .. فقناعة الأخ الشخصية حاجه ، أما ان نصف فلاناً بانه داعر وفلانه بأنها عاهرة وبنت نوادي ليلية وبيت دعارة نصبت نفسها صاحبة فكرة ورسالة تلقي علينا بالمواعظ ، فأظنه حرام واتهام وقذف وانغلاق وحاجات كتيره مكلكعة لان جوليا بطرس ليست هيفاء وهبي او نانسي عجرم او روبي ، لكني اعذر البعض في ذلك لأن هناك من علقوا على الموضوع وكانوا فاكرين جوليا ممثلة وقالوا كده وهناك من علقوا ولمحوا انها تلبس من غير هدوم ووصلت اخيراً الى الاتهام بالدعارة وياعالم التعليقات الجاية حتلمح لايه اكتر من كده ..
لكني احب ان انوه لهم من باب ان يعرفوا مايسمعه اخوانهم ان يعملوا سيرش عن جوليا بطرس ويعرفوا بتلبس ايه وبتقول ايه زي ماعمل كده بشمهندس نبيل ربنا يكرمه وبحث عن ذلك لا ليسمعها بل ليكون على دراية بما يسمعه اخوانهم ويمدنا برأيه ونصيحته وبالفعل تأكد من انها نموذج محترم
ومع ذلك فارتباطنا كما قال اخي الصعيدي .. هو ارتباط بالكلمة الصادقة وليس بشخص جوليا ولا شخص منير ولا لان هناك من يريد البحث عن بديل وخلاص .. الفكرة كلها تدخل في دائرة المباحات والخلاف الفقهي اللي في النهاية كما قال اخي الصعيدي هو شيء خاص جداً بيني وبين ربنا ..
ومره تانيه واخيره .. كونوا وابحثوا بينكم يااخواني عن اوردوغان .. ذلك الرجل الذي عرف ان اهداف جماعته ليست في ان نضيع اوقاتنا في التحدث في مباحات وخلافات فقهية ونترك دعوتنا واهدافنا التى هي وفقط هي الوقود لاصلاح انفسنا واصلاح مجتمعنا
أخيراً لو كنتم وصلتم إلى هنا .. فآسف عالاطالة ..
عبد الرحمن الصعيدي ، تحياتي
ردحذفاولاً الرد بهذه الطريقة العنيفة جاء نتيجة طريقة واسلوب غير لائق استخدمهم المهندس نبيل والأستاذ محمد رفيق،
محمد رفيق في كلماته اساساً تلميحات سيئة للغاية، وضرب تحت الحزام بطريقة سيئة، واحد ماشي مع بنت ملموم عليها، واحد ما بيعملش حاجة في حياته غير انه يدون ،،، قدمتوا ايه لحياتكم،،..وكلام كتير مالهوش لزمة
متهيألي لما الكلام يكون كده لازم يترد عليه بأسلوب اكيد مش حيعجبك
تاني حاجة كل الناس هنا سألتني اسئلة ووجهت لي اتهامات، تبدأ من الواد اللي ماشي مع بنات ( يسمع من بقكم ربنا ) لغاية المدون التافه، واللي ما بيسمعش راي غيره ، فلما اسألك ما بتشوفش افلام ولا لأ فده داخل في اطار النقاش ، وبعدين انا ما سألتكش سؤال قليل الأدب يعني يا عبد الرحمن،
القصة كلها، ان فيه تناقض غريب، كل الناس اللي هاجمت دخول السينما هنا اكيد اتفرجوا على الأفلام دي في التليفزيون، ايه الفرق بقى بين السينما والتليفزيون انا مش قادر افهم بجد،
حاجة تانية معلهش واخيرة ومهم جدا جدا جدا ، انا لا انا صاحب موهبة فذة وعنيفة والكلام الكبير ده، انا ما بحبش الكلام ده، انا واحد بيعبر عن نفسه وخلاص، ولو عندي موهبة زي ما بتقول ، فهي لا فذة ولا بتاع، انا واحد بيكتب وخلاص، واحد عادي جدا جدا جدا،واقل في موهبة الكتابة من ناس كتير هنا على رأسهم محمد احمد،
حاجة كمان انا لا انا منادي بالحريات ولا انا غاندي ولا نيلسون مانديلا، بلاش الكلام الكبير ده علشان بينرفزني، وبحس بيه إحساس سلبي جداً،
متشكر ليك
اخى محمد احمد
ردحذفبجد والله واحشنى بغض النظر على انك شديت عليه السلخ
لكن ان لا ارد على تعليق ولكنى احب ان اوضح ما اسئ فهمه
من قصدته بالمسوخ القميئة هم من حاول ايجاد البديل فلا هو احتفظ بهويته ولا هو صار لمن قلدهم..اعنى بالتحديد مصطفى محمود وموسى مصطفى ومن شابه...وهذا رأيي فيهم ولا اخفيه على احد بل وارى ان منير او جوليا افضل منهم لأنهم صادقون مع انفسهم
اما اننى اتهم احد بانه داعر فأنا لم احدد شخص فلا تأول كلامى مالم اقله لكنى اريد ان اقول تحديدا اننى لن اشاهد فيلم مثلا لممثلة تتحدث فيه عن أزمة الشذوذ والسحاق تحت مسمى ان السينما رسالة وانها تناقش قضية هامه تمس المجتمع وعندما اقول ان منهم بنات ليل وهذا مااوصلهم لما هم فيه فهذه حقائق هم من تحدث عنها لا انا واقروا بها ومن تمارس الجنس على الشاشات علنا فهى كذا وكذا
اما عن المغنين فانا اعلم عن معظمهم ان بدايتهم كانت فى الملاهى ومازالوا وانا لن اقبل اغنيه حتى ولو كانت فى مدح النبى من مثل هؤلاء ...ولا اقول انه حرام لكن هل تحترم نفسك عندما تجلس تنصت لمثل هذا ..
استاذ محمود انا اللي سالت اتمني تجاوب عليا انا اعتقد انك بتعرف تلف كويس بس انا سالت سوال واتمني الرد وانا مطلبتش انك تغير وجهت نظرك لكن اتمني ان ده اسمه حوار فترد بعد ما تفكر مش ترد اذاي تمسك غلط (واكيد انت مش بتعمل كده) لان احنا عيزين نوصل لحاجه من بنخادل وصحاب الكريزما الاقوي يكسب ولو انت كده تبقي فعلا نزلت من نظري كتير انا اسف بس ده راي فكر في كلام غيرك علي انه صح لو لم تقنع كمل ذي ما انت
ردحذفراي صواب ويحتمل الخط وراي غيري خط يححتمل الصواب
ثانيا لو ربنا قبض روحي هتحاسب علي النيه بتاعتي كوره نايم جنب مراتي حسب النيه ده اللي انا اعرف او اللي قراته وبعمله فانت ايه نيتك جوه السينما وحوه سماع جوليا اوتمني تفرق بين جوليا ومنير واتفرق بين منير الهادف وبين العك علشان تكون منطقي اكتر
ثالثا انا بتفرج علي افلام في البيت فرق بين المعصيه والجهر بالمعصيه
رابعا راي شخصي فرق بين السبما والافلام وبين الانحطاط يعني متجيش تقول لي حين ميسره او الريس عمر حرب او اي حاجه من هذه القزارت علي انا فن واعتقد ان ده رايك وله انت ليك راي تاني
خامسا اعتقد انك عندك طاقه واسلوب محترم اتمني تفيد بيه غيرك ميكنش همك كلام كتير واتمني تكون بتعمل حاجه لدينك ولبلدك ولنفسك
ميزو
اسلام عيد
ردحذفاحب ان اقول بعض النقاط الهامه
اولا لمحمود محمد..الذين يتركون الأخوان ليسوا مرتدين تجب عليهم النار لأن الأخوان ليسوا دين وممن ترك هذه الجماعه اناش شرفاء ومحترمين نحبهم ونجلهم وانت منهم يامحمود
ثانيا لم يفتى احد ممن ناقش بتحريم الأستماع لأغانى الثورة والأمل سواء كان من غناها منير او ابو راتب
لكن نحن نتحدث هنا عن من افتقد التوازن فهو يسمع ثلاث ساعات يوميا من وقته أغانى هادفه..ايا كان مغنيها..ويقرأ الف كلمة من رواية شيكاغو للأسوانى ويشاهد فيلما ثلاث ساعات يناقش فسادالأدارةالأمريكية واضطهاد الأسلام...ويكتشف فجأه انه يحتاج ان ينام
دون ان يكون للثقافه الشرعية والعباده والتقرب الى الله حظ فى حياته
نحن ياساده نتحدث عن حاله من الأنغماس المباح التى تجوز لأى انسان فى الدنيا ولكنها لا تليق ومن يتصدرون لأمر الدين ونشره بين الناس
فلا ينبغى ان تدعى الدعوة مننا ونحن خاوين لانملك مانقدمه للناس
وايضا لاينبغى ان ندعى اننا ندعوهم بموسيقى الراب او بأغانى الثورة ...وان هذه قربة نتقرب بها لله
اخيرا ان محمد صلى الله عليه وسلم غضب غضبا شديدا عندما رأى صحيفه من التوراة فى يد عمر وعلماؤنا يقولون ان على المربى ان يحتفظ بصفاء المصدر فى ابتداء تربيه افراده
بعد هذا وبعد ان نضجوا قال حدثوا عن بنى اسرائيل ولا تصدقوهم ولا تكذبوهم...اى اسمعوا ولكن كونوا متوازنين فى تقيمك لثقافة الآخر المباحه
والخطر ان شبابا لم يحفظ القرآن ولم يتعلم مسأله فقه اويقرأ كتاب زهد يترك ليتلاعب به عقليا وقلبيا
دون ان يؤسس نفسيا
قد يترك ليعوم فى البحر لكن بعد ان يتعلم العوم لا قبل ذلك
فليسمع من يريد اذا تضاعفت نسبه مايسمعه الى نسبه اوراده..او على الأقل تساوت
ان سمعت جوليا بطرس ساعة وقرأت كتاب الله ساعه فاسمع
ان تعلمت فى كتاب زهد ساعتين وقرأت لكاتب ليبرالى متحرر ساعتين فاقرأ
وان لم تفعل فلا انت متوازن ولا صادق فى ماتدعيه
اخي العزيز المبدع اسلام عيد
ردحذفشكراً لتوضيحك لأنه كان مهم جداً ومن غيره كان بديهياً ان أربط قصدك بالقميئة او ببنات الليل كما فهمته فنحن من اول سطر في موضوع محمد عبد الفتاح الى اخر سطر في ال42 رد اللى فاتوا بنتكلم عن ظاهره اسمها جوليا بطرس ومحمد منير والكلمة الصادقة عندما تصل الى القلب بدون ان يشوبها حرمانية من إثارة في صوت او صورة مؤديها ومغنيها ..
نتحدث عن ربط سماع جوليا بطرس بدرجة احساسك باضطهادك في الاخوان وباعتقادك بانك بكده متحرر ومتنور ..
لم نتحدث عن ظاهرة سماع اغاني مروى وهيفاء وهبي حتى لو كانت وطنية وثورية لانه مافيش ظاهرة داخل الاخوان بالشكل ده اصلاً ..
لم نتحدث عن موسى مصطفى او مصطفى محمود او ايناس الدغيدي او افلام الشذوذ والسحاق واللواط ولا عن طريق النجومية الذي يبدأ من بيت الدعارة ولا عن المغنيين اللي بدايتهم ونهايتهم كانت في الملاهي ، ليس هذا حديثنا وكلنا نتفق معك في ذلك ولكنه ليس موضع حديثنا البته البته .
عموماً .. انا يكفيني في هذا الموضوع ان كثيرين ممن لا يحبون الموسيقى ولن يحبونها -وهذا حقهم- عرفوا من هي جوليا بطرس التى يسمع اخوانهم بعضاً من كلماتها دون ان يدمنوها وانها ليست هيفاء وهبي ولا روبي .
يكفيني في هذا الموضوع ان نعرف ان الذين يسمعون الموسيقى ويرونها من المباحات الفقهية ، لا يسمعونها لان اعتقادهم انه لازم يسمعوها عشان يكونوا احرارا متحررين واصحاب افكار تنويرية
يكفيني من هذا الموضوع ان نعرف انه مش عشان فلان مابيحبش يسمع موسيقى لانه مثلا ماتعودش عليها وده حقه ، يبقى لازم الكل مايسمعش زيه ، والعكس صحيح فعلان الذي يسمع الموسيقى مش لازم يعتقد ان اي حد مابيسمعش موسيقى فهو رجعى متزمت مش متفتح .. فهذه نقرة وهذه نقرة والربط بينهما ليس صحيحاً
وقبل كل ذلك يكفيني انني التقيت هذه الكوكبة الاخوانية والغير اخوانية التى افتقدت للحديث معها من زمان ولم يكن لغير شازلونج محمد عبد الفتاح ان يجمعها معاً ليسمعوا بعضهم .
ملحوظة 1 : مش لازم محمود محمد يرد على اسئلتك ياميزو باجابة ، لان ده حوار زي ماقلت مش تحقيق ، وكل منكما له رأي مش لازم التاني يقتنع بيه بس لازم وحتماً التاني يحترمه .
ملحوظه 2 : تصيد الاخطاء هي عادة مصرية قبل ان تكون اخوانيه ، فعندما تكتب مئة سطر فيها اكتر من 30 استفساراً فيكون الرد انك شتمت افكاري تلات مرات ولن تجد رابعاً بالمناسبة ولا يتم الرد على استفساراً واحد من استفساراتك فهو نوع برضه من التصيد اللى كلنا بنعمله ، ولو محمود عمله فمش هو لوحده .
ملحوظة 3 : للمرة التانية نحن خلال 42 تعليق اللى قبل تعليق اخي اسلام وتعليقك ياميزو لم نتحدث عن دخول سينما حين ميسرة والريس عمر حرب وان كنت اظن ان في اخوه ممكن تكون شافتهم دي في دي او على روتانا او عالمشفر او على الكمبيوتر -ماعلينا- بس برضه مش هي دي الظاهره اللى بنتكلم عنها ، اللى بنتكلم عنه هو الفيلم الهادف اللى مابخالفش معتقداتي وافكاري ورؤيتي ، ومحمود محمد ذكر بعضاً من اسماء تلك الافلام الهادفة التى لاتختلف في فكرها معنا لانها ببساطة افلام انسانية ، ماذا عن فيلم اسف على الازعاج مثلاً ؟؟؟
ملحوظه اخيره : مافهمتش تقصد ايه بالفرق بين السينما والافلام!! هل افهم من ردك انك ممكن تدخل فيلم زي اسف عالازعاج وماتدخلش حين ميسره !!! أو ان حين ميسره اسمها سينما بينما اللمبي اسمه فيلم ؟؟؟
اسف للاطالة .. واسف اني ازعجتكم تاني وخالفت وعدي وماكنش ردي السابق هو الرد الاخير
تقعدوا بالعافية امممممممممممممممواه
اللهم اغفر لنا ولأخواننا الذين سبقونا بالأيمان
ردحذفرب اغفر لى ولأخى وادخلنا برحمتك فى عبادك الصالحين
اللهم اغفر لأخواننا اجمعين واهدنا جمبعا لسبيلك المستقيم
اللهم اللهمنا رشدنا وقنا شرور انفسنا
اخوانى جميعا مهندس محمد احمد ومحمود محمد ورفيق ونبيل وعبد الفتاح..احبكم فى الله واسأل الله ان يجمعنا سويا فى ظلال رحمته
سبحانك اللهم وبحمدك اشهد ان لااله الا انت
استغفر الله واتوب اليك
محمود محمد ..أسعدنى ردك على ..مع خالص إحترامى لرأيك أنت موهوب وموهبه راقيه وفذه وأنا عند رأيى وأرجو أن أراك دائمـاً حيث تخيلتك يومـاً..
ردحذفأنت شخص مبدع ولك إحساس مرهف .. وأسف إن كلامى عنك ضايقك لكن ربنا يعلم إحترامى لموهبتك ..رغم إختلافى مع فكرتك ومع كثير من أسلوبك ..
محمد أحمد...
الهدوء فى ردودك أثرى الموضوع كتير .. ولو تأنيت فى فهم الباقى أعتقد إنك هتفهمهم أكتر وهتفيدنا أكتر..بس الطبع غلاب ياصاحبى ..وتيجى بالسلامـه
اسلام عيد انا احترم كلامك ورائيك جداجداجداجدا
ردحذفوالميزه انك مكتبتش كتير
محمد عبدالفتاح المدونه بدات جامد جداجداجدا وربنا يزيد واحيك علي الموضوع
ميزو
يا جماعة .. يا اخونا
ردحذفيا محمد احمد (بالأخص)
يامحمود محمد .. يا كل اللي موافق أو معترض على أي حاجة
لممرة الكتيييير أوي أنا بتكلم عن ظاهرة ولم أقصد وأنا أذكر (جوليا بطرس أو دخول السينما) التعرض لها أو نقاشها من خلال المنظور الشرعي .. وانا قولت الكلام ده قبل كده ..
أنا عارف إن الموسيقى فيها اختلاف (وهناك رأي قوي إن الحاجات المحترمة مباحة..زي ما محمد احمد بيحاول يقول) ومشاهدة الأفلام فيها كلام كتير
لكن يا جماعة أنا بتكلم عن موضة .. موجة .. تيار
بعض مظاهره هذه الأشياء وأشياء أخرى منها : المطالبة بحل التنظيم .. أو إلغاء الجماعة .. أو الحديث عن عدم وجود حرية داخل الجماعة
يعني(من وجهة نظري) إن معظم الشباب اللي بيقول الكلام ده .. غالبا .. هه .. غالبا بيعمل سلوكيات معينة منها .. الفلام والأغاني .. أو وضع جوليا بطرس -اللي محمد احمد بيدافع عنها بإستماتة في كل تعليقاته مع إني لم أتعرض لشخصها بأي سوء-
وسبب الربط ما بين الفكار دي والسلوكيات دي حاجة كانت في دماغي شبه اللي بيقولوا عليه (الطبوغرافية) .. واللي معناها تقريباً دراسة خصائص بشر معينين في مكان معين
بعض أصحاب التعليقات بيأولوا كلامي على مزاجهم وبعدين ينتقدوه
أنا بقول .. بصراحة ووضوح :
لو كنت أخفقت في عرض وجهة نظري .. فأنا بصّلح غلطي (أنا والله بناقش ظاهرة وممارسات ربما ليس لها علاقة بأفكار .. لكن صحابها بيفكروا كده وبيعملوا كده)
ولو كنت أجدت صياغة أفكاري .. فأرجوكم لا تأولوا كلامي على مزاجكم
أخيراً: أقسم بالله إني سعيد لأنكم شرفتوني على مدونتي المتواضعة
" الحلزونه ياما الحلزونه "
ردحذفهلال
احسن تعليق فيكم تعليق هلال
ردحذفاحسنت يا اخي واوجزت
لا يا شيخ عبد الفتاح كله إلا كده ، الموضوع ده لو خلص بجد هازعل ده كل يوم ارجع من الكلية واطلع جرررري على الكمبيوتر اتفرج عالخناقة ، وواحد معايه في اخر الشارع بيجيلي بعد العشا كل يوم يتفرج عالخناقة وصلت لحد فين ، هي يمكن كانت خناقة في الاول وقلبت بحوار محترم عقلاني في اخر يومين بس بجد بجد ممتعه جداااااا ..
ردحذفبجد ولا المسلسلات التركي و المكسيكي المدبلجة..
الله يمسيك بالخير يا انيس يا عبيد .. بتفكروني بترجمته .. لما يتزنق ويقوم كاتب أيها الوغد .. واللي هي مرادفه لكلمة كله عارفها طبعا .. ولا لما يكتب تبا لك او عليك اللعنه .. اهو انتوا عاملين كده .. واحد في النص يسخن اوي ومش عايز يقول حاجه قدام الناس عشان يبان تقيل وعاقل يقوم مديها واحد تبا لك .. التاني على طول يسخن بس مش عايز يتقال عليه قل ادبه يقوم مديها ايها الوغد ..هع
اللي يعيش يا يشوف .. بس اهم حاجه الاخلاق الكويسه .. مفيش انضف منها ..
في لعبة الأونو
ردحذفلو واحد حط الكارت بلس 2 و اللي بعديه معاه الكارت بلس 4 ينفع يحطه فوقيه و يخلي اللي بعديهم يسحب 6 ؟؟
عم سردينه
حد معاه خمستين ؟؟
ردحذفانا عايز اقول حاجه واحده بس
ردحذفلو كان حبيبك تور .. البسله احمر
يا حلوتك يا استفندى يا ابن عم البرتقان
ردحذفمحمد رفيق
ردحذفالظاهر والله أعلم إن الموضوع جه على الجرح تمام فقام كل واحد على راسه بطحة راح يحسس عليها ويخبيها ويزعق ويقول والله أنا مش على راسى بطحة والله مش بطحة
لأن محدش جاب سيرة حد
واللى عايز أقوله أنا عملت إيه فى حياتى الشخصية ولبلدى ييجى وأنا أقوله والحمد لله كتييييييييير مش عشان حاجة بس عشان يعرف حاجات مرتبطة بالإخوان وحاجات تانية براها ولحد النهاردة على الرغم من أى شىء واللى مش مصدق يتصل وأنا أقوله كل حاجة
لا بقيت شخص عادى زى ............... ولا شخص مهاجم زى...................ز ولا شخص وخلاص................. ولا زى مابيقول البشمهندس الغناءأباحه فلان فجيت عند راس القرد وشميتها واتكيفت جيت فى حاجات مختلف فيها أو متشابهة حتى وكأن هى الااس ولازى حبيبى اللى اتصدمت من رده والظاهر عدوى فريق الWEb انتشرت لما يناقض نفسه وييجى يقول الإخوان مش بيربه لحيتهم فى السعودية ويرجع يقولك اصل جوليا بطرس مغنية الحرية والثورة والتضحية والكفاح وماجاش تحذير عام من الجماعة بعدم السماع
أولاً يا محموديامحمود يا محمد لو انت قرأت كلامى كويس قلت أنا حاتكلم عن ظاهرة مش عن أشخاص لكن الظاهر برده رأس القرد ثم إن لا انا قلت واحدة من الجماعة إياهم ولا قصدتك انت بالذات
ثانياص ماكنتش أعرف إن كلامى حيأثر أوى وحيضايق أخى وحبيبى م/ محمد أحمد اللى ماكنتش اعرف ايه اللى حصله
ثالثاً أنا ماقلتش إن اللى يسيب الإخوان ابن ستين كلب واللى انتم ماتعرفهوش إن لحد النهاردة أنا بتصل بمنعم وبتسأل عليه وعلى اخباره وبنتقابل لما تسمح الظروف برغم اختلافى معاه لأن الإخوان هم اللى علمونى كده يا بشمهندس محمد
لكن المشكلة ياحودة زى ماانت بتقول انا فى سن ال16 اختلفت افكارى عن ال26 ماشى ياعم لكن مش تنقلب وإلا يبقى فيه حاجة خطأ ماشى وبعدين لنت سبت الإخوان هادى ابقى فاضى لهم بقى ماوراييش حاجة فى حياتى غير مهاجمتهم ولا إيه يا هندسة
دوع العموم انا بكرة حاغنى أغنية جديدة
إإإإإإإإإإإإإإإإإيه بحب جوليا بطرس وكمان محمد منين (منير) ............ يلا عشان أعجب حبايبنا المدونين إإإإإإإإإإإإإإإإإإإإإإإإإإإيه آسف يا محمد عبدالفتاح
ماتزعلش ياحودة انا بحبك على فكرة والله باقول أنك عاقل برغم اللى حصل لكن مش عارف الفيروس انتشر ليه كده
م
محمد رفيق
ردحذفغيظ النسوان فيلم جديد من تأليف خيال المؤلف العظيم....................
وكتاب الله المجيد اللى على راسه بطحة وراس القرد وكل أمثال ستى الله يرحمها والفاضى يعمل ( مدونة) وييجى فى الجامدة ويتصدر!!!
على فكرة كتابة هذه التعليقات منى على الأقل مضيعة للوقت لأن الواحد عنده حاجات كتير أهم من رده على هذه الموضوعات وربنا يهدينا ياعم ويهدى الجميع
ويارب ابنى يكبر ويبقى زى منير وبنتى زى جوليا ياقادر ياكريم!!!!!!!!!!
على فكره ده سؤال لعاشقى بطرس ومنير هل تحب إن شاء الله أن تكون بنتك وزوجتك مثل جوليا ومنير؟؟؟؟؟؟؟؟؟؟؟؟؟؟
وسلام وانا آسف ياعبدالفتاح إنى مش حرد تانى على هذه المهاترات
وماحدش يزعل منى لأن الإخوان علمونى كده
على فكره بالمناسبة انت وحشنى جدا جدا جدا يا بشمهندس نبيل
رفيق باشا مالك ..مين إللى زعلك بس..
ردحذفبراحــه علينا شويـه..
أنت شوطت ليه كده فى الناس..
الرجــاء من الجميع وحتى يستفيد الجميع ..
عدم النزول -من جديد- لأسلوب الشتيمه والغلط ..تعالوا نكمل كلام بشكل موضوعى ..وإللى زهق ما يعلقش ..وإللى زهق أكثر مايقرأش ..بس بالله عليكم مايشتمش علشان نقدم صوره راقيه ومحترمه للى علمه لينا الإسلام والإخوان والإلتزام ...
واضح إن النقاش شــد شباب كتير .. وده شوفته من مكالمات ومقابلات لكثير من الإخوان وغيرهم ... طلبه وخريجين ومن أجيال مختلفه ...
فأرجوا أن يسترم الأسلوب الراقى حرصـاً على الإستفاده والإفاده والمنظر والصوره والـ... والـ...
وبرضه أتمنى أن يشارك الجميع برأيه .. الشباب والطلبه إللى بيقرأوا فين رأيهم ..حقيقى أتمنى أن أسمع صوتاً لهم
الصعيدى
اخى الحبيب لى تعليقان الاول انا معك فى وجود الظاهرة ومحاولة استغلالها من قبل بعض الجهات المعادية للاسلام ولعل تجربة لاحد الزملاء الذى كتب مقالا ينتقد فيه جانب سلبى فى اداء احد لجان الجماعة فأذا بالمصرى اليوم تتصل به لتنشر المقال واذا بقناة الحرة تتصل به لتعمل معه حوار تلفزيونى وتحمل الكاميرات الى منزله وكل هؤلاء لاهم لهم الا اخذ تصريحات تنتقد وتسىء الى الجماعة ليس الا....!!
ردحذففالشاهد ان اغراء الكاميرات ووهج الشهرة قد يغرى بعض اصحاب الاراء الحرة من الانحراف عن المقصد وهذا ما تحدثت عنه يا اخى محمد
ولكن ليس كل صاحب راى مخالف هو من الجيل الثالث الذى ذكرت وان احتفت به اجهزة اعلام غير بريئة المقصد وتعميم الوصف ووضع الكل فى خانه واحدة خطأ فى التوجيه ويأتى بعكس ما اردت من النصح والله من وراء القصد
اخوك عمرو عيد
يا جماعه هو فى ايه اللى حصل
ردحذفما كان الموضوع بدأ يتظبط و حسيت ان بدأنا نتناقش بشكل موضوعى شويه و هنطلع بحاجه من النقاش ده
هو حصل ايه بس يا استاذ رفيق مش كده خالص يعنى
ده انا حتى اكتر من نص تعليقك مفهمتوش اصلا من كتر العصبيه
انا فعلا مش قادر افهم الحوار ( ده لو فى حوار ) ماشى ازاى
حاسس ان كل اتنين واخدين بعض و بيتكلموا اتجاه غير التانيين
تقريبا الموضوع ماشى زى ما المهندس صعيدى سأل و محدش عبره و كله رجع يشتم فى بعضه تانى
ما المردود الإيمانى لما نسميه الإنفتاح ؟على أشخاصنا وتنظيمنا ...
هل تراجعنا كدعاة عندما إنفتحنا على الأخر؟
هل كل الأخر جيد ؟وهل كل الاخر سئ؟
إلى أين نذهب بالفكره ..وماحدود التجديد المقبول ؟وأين يبدأ التجديد المرفوض؟
هل هناك تجديد مرفوض ؟ ولماذا نرفضه؟
و الله لو عرفنا نجاوب على السؤال ده فعلا نبقى كسبنا حاجه لو البوست ده هيوصلنا اننا نشتم بعض بلاه خالص و انصح استاذ محمد يقفل التعليقات فيه عشان شره بقى اكتر من نفعه
انا جاوبت على السؤال قبل كده على فكره و قلت الاتى
____سأجيب على سؤال الباشمهندس الصعيدى بما اراه مناسبا فى رأيي :-
انا شايف اننا كأخوان كنا فعلا منغلقين جدا على اساليب معينه فى نشر دعوتنا و ده مش لأننا بنحب الانغلاق لكن لأن ده كان الواقع على اى منظمه او حزب او جماعه ساعتها سواء من ضغط امنى شديد او من خلال عدم تواجد قنوات اعلاميه واسعه كما هو الحال الان فكان كل اللى ممكن يتعمل ساعتها اخره بوسترات و مطويات و المظاهرات و المؤتمرات
اما منذ فتره ليست بالكبيره من منتصف التسعينات و مع انتشار الفضائيات ثم ثوره الانترنت اصبح كل من يريد ان ينفتح على العالم الخارجى الذى لم يكن يراه الاخوان او غيرهم بطبيعه الحال اصبح سهل جدا هذا الانفتاح و لذلك انطلقت كل التيارات فى هذه القنوات الاعلاميه الجديده لتجد لها ارضا واسعه و لكن ظل الاخوان جامدين ناحيتها لفتره كبيره نتيجه لأننا التيار الوحيد تقريبا الذى يوجد لديه نظرات فقهيه فى هذا الموضوع
يعنى انا اذكر جيدا الاخوه اللذين كانو لا يفتحون التلفزيون اصلا او حتى نشره الاخبار لأن المذيعه شعرها مكشوف تخيل ان ده المشاهد الاخوانى فما بالك بصناع القرار الاخوانين
لكن الحال بدأ يتغير بالتدريج مع وضوح الصوره ش
شيئا فشيئا و هذا هو حال الاخوان فى كل شىء حيث يدرسون الفكره مئات المرات قبل تنفيذها خوفا من القيل و القال و هذا قاتل فى مجال الاعلام لأنه لا يعرف البطى و كل يوم يوجد مئات القنوات الجديده و الاف المواقع الجديده
هكذا ظهر الشباب المتعجلين الى رؤيه واقع لا افكار فى العقول تنتظر سنين لتنفيذها و سنين اخرى لتكون بجوده ما هو منافس
و من هنا نشأت المشكله كلها فى رأيي و دمتم بخير
ده لو كملتو للأخر يعنى لأن نفسى زهقت من كتر الكتابه
هههههههههههههه الحلزونة ياما الحلزونه فعلا يارفيق
ردحذفأولاً .. عذراً انا نص ردك مافهمتهوش يااخ رفيق ، لحدة كلامك الغير مبررة من وجهة نظري والبعيدة كل البعد عن الموضوع اللى فتحه محمد عبد الفتاح للنقاش ..
ثانياً .. اللى فهمته في ماقلته بحقي انك ماتعرفش ايه اللى غيرني وانا أؤكد لك اني ماتغيرتش انما الظروف اللى حوالينا هي اللى بتتغير واحنا مش عارفين نتعامل معاها .. انا الحمد لله "منتظم" في الاخوان زيي زي الصعيدي وغيرنا كتير من اللى مش حيخلفوا جوليا بطرس ولا محمد منير ان شاء الله .. لكن ممكن يسمعوهم بدون ادمان
ثالثاً .. أنا ماقلتش جوليا بطرس مغنية التضحية ماتؤلش حد حاجه .. ومسألة اني جيت على مسأله ومشتبه فيها وشميت راس القرد فيها ، فهو ده الموضوع اللى فتحه محمد عبد الفتاح وارجع اقرأ أول سطر في موضوع محمد وهو هل تسمع جوليا بطرس ؟؟ والحوار دار بناءاً على موضوع محمد .. اللى مش شايف دي قضيه تستاهل النقاش يطنش ومايدخلش تانى .. ولو حد شايف ان تعلقي في من قال باباحة الموسيقى هو تعلق بمشتبهات فأرى انه من المفيد اننا نجيب فتاوى علماؤنا في هذا الصدد ..
سأكتفي بهذا الرد على اخي رفيق لاني بعتبر تعليقه بعيداً عن أسلوبه فهو خارج اطار الموضوع وتعليقي عليه سيكون خارج نطاق الموضوع .. وانا اللى مستغرب ان في ناس وصلت في حوارها مع اخوانها للدرجه دي ، امال مع الاخر بتتحاوروا ازاي ؟؟ واضح انه لسه ادامنا كتير قوي ..
بداية اسف اني معلقتش عليك ياصعيدي في الاستفسارات اللى دعوتنا لنقاشها ... ولي عوده فيها
ردحذفلكن حصل بالامس بيني وبين استاذي الباشمهندس نبيل حواراً مثمراً
اتمنى ان تصلكم فكرتنا من خلال هذه القصه ، ادعوكم ان تعيشوا معايا القصه دي ..
احداث القصة : عام 2020
تدخل منهكاً من عملك بعد يوم طويل من الشغل
تلقي السلام على ابنك فلا يرد .. تلتفت اليه فاذا به في عالم تانى بين كمبيوتره وهيدفونه وملفات صوت
اقرب منه مداعباً .. بتسمع ايه ياجميل ؟؟
يرد علي : اسمع يابابا المغني منير بيغني اغنيه جميله قوي على الحلم تقول كلماتها :
قبل ماتحلم فوق .. احلم وانت فايق
قبل ماتطلع فوق .. انزل للحقايق
جايز حلم في غمضة عين .. عايز يتحقق فى سنين
جايز يبقى الحلم اتنين .. واتحققهم قبل دقايق
ينظر الى منتظراً مني الرد ، وعندما لايجد الرد يسترسل ويخبرني انه مش دي بس اغنيه الحلم اللى بيغنيها فهو بيغني ايضاً يقول :
ربك لما يريد الصعب بيتهون والحزن بيتلون طول مالإيد في الإيد
ينظر الى عيني ثانية منتظر مني الرد .. فأجاوبه : مامتك عملتلنا الأكل ... فيخبرني اننا في انتظارك من زمان
أدخل غرفتي .. لا اعبأ بكلمات منير الجميله ولا بحلمنا الذي يغني له .. كل ما يشغل بالي .. ماذا بعد منير ؟
ابني الذي لم يتعدى الكام سنه .. وصل الى منير اليوم ، حيوصل لمين بكره !!!
كل تفكيري .. اليوم يسمع منير وجوليا بطرس .. مالذي سيمنعه ان يسمع هيفاء وروبي بكره ؟؟
ياترى حيكون رد فعلك ايه وقتها .؟؟؟
اظن ان اللى يعيش معايا القصه دي حيتفهم موقف اخوانا معارضي ظاهرة جوليا ومنير ...
وهم محقين في اشياء لابد ان ناخد بالنا منها .. لكنهم بالتأكيد اغفلوا اشياءاً أخرى ..
هم محقين في ان من سار الى جوليا ومنير لم يرجع الى الاخوه او الى منطق اخواني بل فوجئنا بهم يسمعون منير وجوليا ويدافعون عنهم ويسوقونهم داخل المجتمع الاخواني واي ظاهره جديده مهما كانت اكيد حيكون من وراها تخوف
هم محقين في انه مافيش مانع يعملوا الحلال والمباح بس الاب زي مابيخاف على ابنه فالتربيه من حقها انها تخاف من اي ظاهره جديدة
لذلك اظن انه على الطرفين لابد ان يكون لهم دور في حل هذه المشكله
لانه ماينفعش نقول للناس بشكل عام اسمعوا موسيقى من موسى مصطفى ومصطفى محمود واشرف زهران وماتسمعوهاش من منير
لأنه ماينفعش نكون دعاة ورأينا في الاخر انه في حاله ومش من حقنا نخترقه ابداً ، طب لما يسألك واحد من اللى بتعمل معاه دعوه ، حتقوله عشان تبقى معانا لازم تسيب منير وتسمع موسى مصطفى وبس
لأنه ماينفعش نقول لا عشان احنا خايفين عليكوا ان بكره حتدخلولنا بهيفاء وهبي وروبي
لأنه ماينفعش يكون في ناس بتقول ان دول تيار كذا وابن ستين كذا وهم قبل هذا الموضوع لم يكونوا يعرفوا اصلا من هي جوليا بطرس اصلا
لأنه ماينفعش تدخل لابنك تقوله ماتسمعش منير لانه سكران .. لانه مش حيقتنع وماينفعش تقوله انه مغني صايع لانه حيقولك انا بسمع كلماته مش حروح اناسبه
لأنه ماينفعش اننا نوصل لهؤلاء اللى بيسمعوا اننا بنخاف على الاخوان منكم .. وانما نوصلهم اننا خايفين عليكم مش بنقول ماتسمعوش بس طمنونا انكم مننا ولسه مننا
وعلى الجهة الاخرى
ماينفعش ندخل نقول لا حنسمع جوليا ومنير من غير مانفهم الناس ان سماعنا لهؤلاء هو سماعنا للكلمه الصادقة وليس لادماننا عليهم
ماينفعش نتعامل مع ناس عمرها ماسمعت موسيقى ولسه في اخوه كتير في الافراح بيروحوا لاخوه فرق الافراح ويناقشوهم في استخدام الموسيقى واحنا ندايق ان في ناس خايفه علينا مش خايفه مننا
اتمنى ان تكون دي محاولة ناجحه مني للعوده لمناقشه صلب الموضوع بعيداً عن المهاترات والكلام الكبير الفاضي
كريم ومحمد .بجد جزاكم الله خيراً ....
ردحذفلى تعقيب أقوم بكتابته ..
لكنى أثرت أن أشجع هذا الأسلوب الذى أعتقد أنه ناجح فى النقاش ..وأتمنى أن نسمع أراء الجميع ..مع إختلاف أرائهم وسنهم وأفكارهم ..
وبعدين نكمل....
الصعيدى
محمد رفيق ، ازيك،
ردحذفاول حاجة : الصراحة انا مش عارف انت ليه بتتكلم بالأسلوب ده؟؟!!، انت شخص انا فعلاً بحبه، لكن واضح إن اسلوب دفاعك عن فكرتك دايماً بيكون مش كويس،
تاني حاجة: انت للأسف بتبص للأخر دايماً انه زبالة اوي، انا فاكر كويس يوم ما قلت لواحد كان معايا بيهاجم الإخوان ، إن اللي بيعملوه الإخوان في الحمام انضف من الناس، انا الكلمة ما عجبتنيش وقتها لكن قلت ساعتها اكيد محمد بيقولها كده من باب انه يغيظ التاني، لكن واضح إن ده كان اللي في دماغك فعلا، عادي يعني المرشد حيدي معارضين الإخوان بالجذمة وانت حتشد عليهم السيفون،
تالت حاجة: بخصوص شخصي الفقير انا لا عمري قلت على نفسي كاتب عظيم ولا مؤلف كبير ولا زفت، ولا عمري خلعت على نفسي لقب الكاتب ولا لقب المدون ولا نيلة، بل بالعكس انا بتضايق جدا لما حد يتكلم معايا ويقولي الكلام ده، انا مجرد واحد بيكتب عادي جداً، لا عندي موهبة زيادة ولا نيلة، زيي زيك فمافيش داعي بس تلعب على الوتر ده كتير علشان مش انا، حد تاني ممكن لكن انا كل الناس عارفه اني عمري ما كنت ده
برضه في نفس النقطة انا ما فرغتش نفسي لمهاجمة الإخوان ولا زفت، انا الإخوان عندي تيار كنت معتنق فكره وانا لسه صغير، وانا النهاردة مختلف معاه، من كل المدونة في وسط موضوعات سنين طويلة ما جاتش سيرة الإخوان غير تلات او اربع مرات ، انت بقى تيجي وتنقي في وسط موضوع طويل عريض انا كاتبه كلمة الإخوان، وتتكلم عنها زي موضوع "عمر" اللي على المدونة وجعك اوي مش عارف ليه، يبقى انت اللي بتيجي على راس القرد وتشم وانت اللي على راسك بطحة ( على فكرة الإخوان كلهم عندهم بطحة اسمها الإخوان السابقين، كلهم بيوجعهم اوي كلمة إخوان سابقين) حتى بص... إخوان سابقين ... وجعتك صح ؟؟!!
:D
وبعدين انت ايه حكايتك تيجي تقولي في فرح احمد شريف البيب بيه بتاع الإخوان انضف من الناس وهنا تيجي وتقولي عند راس القرد وتشم ، هوا ليه كل الحوارات معاك ريحتها وحشة ؟؟!!
:)))))
رابع حاجة: احنا مش محتاجينك تقولنا انت عملت ايه لبلدك، ولا لربنا، لأن ده مش حيفيدنا كتير، بس محتاجينك ما تقللش من شأن الآخرين، إذا كنت انت بتعمل لبلدك ولوطنك ولنفسك فإحنا اكيد برضه مش ولاد كلب، إحنا برضه ناس بنحب بلدها وبنحب وطنها، وعندنا فكرة بندافع عنها، تمام انت اللي قللت من قيمة الآخر لما اننا ما عملناش حاجة لوطنا ولنفسنا بعد ما سبنا الإخوان
انا بعد الإخوان طلعت مظاهرات وشاركت في إحتجاجات وفعاليات كتير، لكن مش علشان المسئول قالي، مش يوم 6 ابريل 2008 قلت الإضرابات وحشة ومدمرة ما تشاركوش فيها وبعديها بأقل من شهر في 4 مايو 2008 فضلنا ندعوا الناس للإضراب ونقول الإضراب فريضة ، شاركنا مش علشان المسئول حيعزرني لو مارحتش وحيشدني، علشان الواحد فاهم، وعارف اللي عليه ناحية بلده، مش مجرد واحد ماشي في قطيع وخلاص، مش مجرد واحد بيتلعب بيه سياسة ، وزي ما يتقاله يعمل يعمل حتى لو مش فاهم، حتى لو مش واعي
خامس حاجة : انا متفق معاك في حاجة وحيدة الجملة اللي انت بتقول فيها ان كتابة التعليقات دي مضيعة لوقتك ، وصراحة مضيعة كمان من رصيد واحد كنت بحبه عندي ، للأسف انت ما بتقولش حاجة في تعليقاتك ، تعليقات مشوشة وعصبية وكلام ما تفهمش هوا عايز ايه غير انه يشتم ويقلل من قيمة اللي قدامه وخلاص، راجع نفسك يا أخ رفيق، إحنا مش عدوينك، إحنا ناس اكلنا معاك عيش وملح، انا محمود اللي كنت بتبات جنبه في شقة العجمي ساعة المشاكل لما كنت انت ماسك المجمع، وفي الشقة اللي في سيدي بشر ، وفي الأودة اللي فوق السطوح على جمال عبد الناصر ، انا محمود اللي خرجنا مع بعض في بحري في الأعياد، وانا محمود اللي كنا مع بعض في 9 ابريل ويوم السبت، وغيره وغيره،
لو جه يوم واختلفنا وطريقة تفكيرنا اختلفت، ماكانش لازم ترد علي بالطريقة دي،
تحياتي
واضح جدا اننا فعلا زى ما قال محمد قدامنا كتييييييييير جدا عشان نعرف نفكر و نتكلم و نتناقش صح ناهيك على اننا نقدر نعمل حاجه مفيده
ردحذفللأسف يا ساده مطلعناش من الحاجه و ستين تعليق اللى قبلى بأى حاجه غير ناس بتهبش فى بعضها
واضح ان ده فيروس موجود فى كل المصريين بجانب فيروس سى انه مبيعرفش يتكلم فى صلب الموضوع لكن يخرج لمواضيع فرعيه ملهاش اى لازمه لسبب واحد فقط عشان يقول لنفسه هييه انا جدع طلعت عين فلان فى التعليق بتاعى لكن مش عشان يقول انا ممكن اكون قدمت فكره كويسه ممكن يتبنى عليها و نطلع برؤيه جديده
بجد متضايق جدا من الوضع اللى وصلناله ده و لا ادعى اننى خالى من هذا الفيروس و أسأل الله ان يشفينا منه
الغريب و العجيب و المريب ان اللى كتب هنا معظمهم من قيادات التنظيم الطلابى للأخوه فى الجامعه فهو لو القيادات كده امال بس الطلبه هتتناقش مع بعضها ازاى فى معاد عشان يطلعو فكره كويسه او المصيبه الاكبر هيتكلموا مع الطلبه ازاى عشان يقنعوهم بالفكره ديه ده لو عرفو يطلعوها اصلا
يا استاذ محمد عبد الفتاح ارجوك يا تطلب من الناس ان الحوار يكون بناء يا تقفل الحوار و يا دار ما دخلك شر
و سلام
أنا أوافق كريم .. أننا نحتاج جميعاً .. جميعاً أن نراجع أسلوب حوارنا مع بعضنا .. وألا نخرج عن نقاط النقاش إلا نقاط فرعية
ردحذفالأمر التاني: إني متضايق وحزين .. إن كتير من المعلقين هنا من أصحاب العقول الرشيدة .. يكتب تعليق جيد ويحبشه بشوية سخرية من أفكار الآخرين
ياكريم الله يسترك ماتلبسناش إسود ...بلا قيادات بلا مسؤلى تنظيم ...البلد مش ناقصه ..ولا علشان أنت بره يعنى ....
ردحذفولو الكتابه هنا هتودينا فى داهيه .. هات لى قلم حبر هديه :))))))
جزاك الله خيراً جميعـاً ..أنا شخصيـاً إستفدت وأتمنى الباقى كمان .. على العموم .. الحلقه التانيه نكمل نقاش .. بأسلوب أفضل..
-----------------------
الصعيدى
انا عندي فكره ظريفه ممكن أقولهالكم آخد فيكم ثواب ..عشان كلكم بتلفوا في دايرة الأغاني والسينما مؤرقاكم قوي مع ان محدش بره من الناس قاعد مستني رأيكم أو إنكم تطلعولنا برأي فقهي جديد تتفقوا عليه ولن تتفقوا ... بصوا في قناة مفتوحة جديد فيها الكثير من إخوانكم عاملين إيه بقي؟؟ أناشيد أو ممكن تسموها أغاني مش زي ياشارون ياابن ام شارون ومفهاش موسيقيي زي اغاني جوليا بطرس فيها إيقاعات والإيقاعات مش موسيقي وإنما عبارة عن مجموعه من الأصوات (أصوات تصفيق +أصوات بشرية +أصوات طيور أو حيوانات )أو شيء من هذا القبيل بيقوموا بدمجها فتخرج لنا الإيقاعات اللي هيا أعتتبرها كثير من علمائنا داخل دايرة الحلال ده في حالة إذا كان بعضكم يأخذ برأي الأغاني حرام ...القناة إسمها فور شباب ومتميزه بصراحه دي هديه للي مش عايزين يسمعوا جوليا بطرس وهيا بتمثل... وإيمانا مني بأن الأناشيد بتنمي العاطفة الإسلامية الصحيحة وبترشدها يعني مهم تسمعوا...
ردحذفلاحول ولا قوة إلا بالله
بالنسبة للتعليق السابق للأستاذ اللي لم يذكر اسمه:
ردحذفجزاك الله خيرا على موضوع القناة الجديدة دي علشان الواحد برضه ما يضطرش يسمع جوليا بطرس وهي بتمثل
أولا إلى كل من لم يحفظ لسانه من الخوض في الناس أقول لهم"وما يلفظ من قول إلا لديه رقيب عتيد".وأقول أيضا لمن يسمعون ويشاهدون ويتفرجون على جوليا وفور شباب وغيرها أقول "يَوْمَ تَشْهَدُ عَلَيْهِمْ أَلْسِنَتُهُمْ وَأَيْدِيهِمْ وَأَرْجُلُهُمْ بِمَا كَانُوا يَعْمَلُونَ"،وأقول أيضا لإخواني الأحباب"ما تحسر أهل الجنة على شيء كما تحسروا على ساعة لم يذكروا الله فيها"،فالإخوة الأفاضل لم يتطرقوا إلا مناقشة الظاهرة - التي أتفق مع أخي في وجودها ولكن يجب على الجماعة إستيعابها- ولكن إكتفوا بالرد على بعضهم البعض وإخراج ما في نفسياتهم من أفكار وكلمات بعيدة كل البعد عن أصل الموضوع وأنا قرأت كل التعليقات بعناية وهذا ما توصلت إليه في النهاية:-
ردحذف1- حَدَّثَنا أَسَدٌ قالَ: حَدَّثَنا الوَلِيدُ بنُ مُسْلِمٍ قالَ: حَدَّثني ابنُ جَابِرٍ قالَ: حَدَّثَنِي بُسْرُ بنُ عُبَيْدِ الله الحَضْرَمِيِّ قالَ: حَدَّثَنا أبو إدْرِيسَ الخَولانيُّ أنَّهُ سَمِعَ حُذَيْفَةَ بنَ اليَمَانِ أنَّهُ قالَ: يا رَسُولَ الله! هل بَعْدَ هذا الخَيْرِ شَرٌّ؟ قالَ: "نَعَم، قَوْمٌ يَستَنُّونَ بِغَيْرِ سُنَّتِي - هل فيه سقط هنا؟ معروف الحديث: هل بعد هذا الخير شر؟ قال: نعم، قلت- هذا السقط- قلت: هل بعد ذلك الشر من خير؟ قال: نعم وفيه دخن، قلت: وما دخنه؟ معي؟ طيب، قال: نعم، قلت: فهل بعد ذلك الشر من خير؟ قال: نعم وفيه دخن، قلت: وما دخنه؟ قال: قوم يستنون بغير سنتي المجود .... نعم وأيضا بعد " ويهتدون بغير هديي " " تعرف منهم وتنكر " كما في الحديث " تعرف منهم وتنكر " أيضا، نعم. - قالَ: "نَعَم، قَوْمٌ يَستَنُّونَ بِغَيْرِ سُنَّتِي ويَهْتَدُون بِغَيْرِ هَديي". قالَ: فَقُلتُ: فَهَلْ بَعْدَ ذلِكَ الخَيْرِ مِنْ شَرٍّ؟ قالَ: "نَعْم، دُعَاةٌ على أبوابِ جَهَنَّمَ، مَنْ أَجَابَهُم إليها قَذَفُوهُ فيها". قُلْتُ: يا رَسُولَ الله! صِفْهُم لَنَا. قالَ: "فَهُم مَن أهل جِلْدَتِنا وَيَتَكَلَّمُونَ بِأَلْسِنَتِنَا" قلتُ: فَمَا تأمُرني إِنْ أَدْرَكْتُ ذلك؟ قالَ: "تَلْزَمُ جَمَاعَةَ المُسْلِمينَ وإِمَامَهُم". قُلتُ: فَإنْ لَمْ يَكُن لَهُم إِمَامٌ ولا جَمَاعَةٌ؟ قالَ: "فاعْتَزِل تلك الفِرَقِ كُلَّها وأَنْ تَعَضَّ بأصل - ولو أن تعض - قالَ: "فاعْتَزِل تلك الفِرَقِ كُلَّها ولو أَنْ تَعَضَّ بِأَصْلِ شَجَرَةٍ حتَّى يُدْرِكَكَ المَوْتُ وأَنْتَ كذلك". .
وأنا لا أتهم أحدا ولا أقول أن الإخوان هم جماعة المسلمين ولكنهم عون وصورة صغيرة من جماعة المسلمين.
2- جماعة الإخوان مجتمع كبير من الناس والشخضيات والنفوس والأفكار والعقليات وكلهم داخل نطاق الجماعة وهذا أكبر دليل على إحتواء الجماعة لكل الهويات.
3- المدونات ليست للهجوم على بعضنا البعض من أمام شاشات الكمبيوتر وإنا لعرض الأفكار..وأرى أن الإخوة الأفاضل لم يحترموا المدونة فلم يلتزموا بالتدوينة والتعليق عليها وإنما إنخرطوا في الهجوم والرد على بعضهم البعض وهذا أراه غير لائق.
وأخيرا أقول لأخي وحبيبي محمد عبد الفتاح نحن لسنا جماعة دينية أبدا وإنما نحن جماعة إسلامية والفرق كبير بين الكلمتين فالأولى مقننة والأخرى شاملة.
وجزاكم الله خيرا
أخوكم / أحمد عبد الفتاح