لعل لهم الحق لأن أفكارهم ارتطمت ببعض العقول الجامدة ..
لعل لهم الحق لأنهم وجدوا إنسداداً في قنوات الحوار ..
لعل لهم الحق لأنهم وجدوا إنسداداً في قنوات الحوار ..
لعل لهم الحق لأن آرائهم قتلتها ديكتاتورية بعض المسئولين ..
لعل لهم الحق لأنهم لم يجدوا من يسمع لهم ..
لعل لهم الحق لأنهم لم يجدوا من يستوعب طاقتهم ومن يوجه حماستهم ..
لعل لهم الحق .. أو بعض الحق .. أو كل الحق .. فمن المنصف أن أقول ذلك .. أن هؤلاء الشباب ما دفعهم لهذه الثورة ضد الجماعة وأفكارها ومؤسسها وقادتها أنهم وجدوا أنفسهم يعزفون لحن الحوار الفردي .. حوار من طرف واحد .."أغني وأرد على نفسي" ليس بالطبع كلهم كذلك منهم من حاولت الجماعة أو أحد أفرادها أو قيادتها أن يقترب منه و أن يقلص مساحة الخلاف وأن يسمع للأفكار وأن يناقش الرؤى .. وكثير منهم لم يحاول أن يقترب من فكره أحد فبقى وحيداً .. فأصبح لديه الحق .. لأن هذا هو دور الجماعة فهي الأكبر والأعمق ومن الواجب عليها أن تبذل الجهد والتفكر من أجل أن تسمع صوت أبنائها .. وأن تحتضن طاقتهم .. وأن تقدر أفكارهم
ولكن برغم كل هذا إلا أنني أجدهم قد أساؤا استخدام هذا الحق .. وأرى أيضاً أن الحق غادر صفهم ووقف في صف الجماعة .. كيف ذلك؟
-لأنهم لم يكونوا موضوعيين حينما أخذوا الفكرة بأخطاء الأشخاص .. فطالبوا بإلغاء التنظيم أو قرروا فجأة أن حسن البنا أفكاره غير مناسبة ليس لعصرنا فقط وإنما غير مناسبة حتى لعصره .. أو وجدوا الجماعة وأساليبها لم تعد مناسبة وواقعنا الحالي .. وصارت نظرياتهم وكأنها مطلقات لا خلاف فيها .. وأحكامهم غير قابلة للنقاش
-لأنهم رفضوا القواعد والنظم ووصفوا الجماعة بأنها تنظيم عسكري .. وأنى لأي جماعة أو مؤسسة في هذا الكون أنى لها أن تنجح وليس لديها القوانيين التي تنظم العلاقات بين أفرادها .. وبين كل مستوى والأعلى منه
-لأن بعضهم لجأ إلى تجريح الأشخاص أو التشهير بأخطائهم ..
-لأنهم عمموا تجربتهم وكأن الشخص الذي أخطئ في حق أحدهم كأن هذا الشخص هو كل الجماعة ..
- لأنهم أحياناً كانوا جزء من مخططات آخرين عندما استُغل الخلاف بينهم وبين الجماعة ضد الجماعة ..
- لأنهم ضيعوا وقتهم واستنفذوا طاقتهم وأهدروا موهبتهم في جدالات عقيمة .. وحوارات فلسفية .. ونادوا بأفكار غير محددة .. وكانت ندائاتهم مجرد كلاماً مرسلاً .. دون وضع آليات للتنفيذ .. فأصبحت أفكارهم مجرد شعارات غامضة .. غير واضحة المعالم ..
لذلك فأنني أقول لهم .. انصحوا للجماعة ولقادتها .. وقاتلوا وقاوموا وناضلوا من من أجل أن تصل أفكاركم .. ولكن بالشكل الأنسب للنصح .. وبالطرق الموضوعية .. دون تمييز أنفسكم كفريق خارج الفريق .. أو كصف حاد عن الصف
- لا تقفوا عند حدود الكلام .. واعبروا جدران الفلسفة .. وتحركوا إلى العمل .. وابنوا مع البنائين .. ولا تقفوا وحدكم تبنون في الصحراء بلا أحجار .. كفانا كلام فإن المتحدثين كثُر .. وأنى للكلام وحده أن يغير .. كونوا دليلاً عملياً على صحة أفكاركم .. نفذوها .. طبقوها .. وستنقاد الجماعة نحو نجاحكم
ُنقر أن الجماعة بها بعض المشكلات في الأداء .. في الأسلوب .. في الأفراد .. في أي شئ .. فهذا طبيعي في أي مؤسسة أو جماعة في هذا الكون
ولكن الصعود والهبوط أمر طبيعي في حياة الأمم والمؤسسات "فكلما طار طير وارتفع إلا وكما طار وقع" ..
ربما الإخوان الآن في نظركم في حالة "الهبوط" ولكن دائماً بعد الهبوط ارتفاع .. ومن يصبر على عنت الصعود يجنى ثمار الطيران
فاصبروا على التغيير داخل الصف .. بالشكل الذي يبني لا بالذي يهدم .. بالأسلوب الذي يجمّع لا بالذي يفرق .. لأن هذا حق الجماعة عليكم .. اصبروا:
وفاءًا لجماعة الإخوان التي تعلمتم وتعلمنا فيها .. كيف نحلم .. وكيف يكن لحياتنا هدف نبذل الغالي والرخيص من أجل تحقيقه
وفاءًا لجماعة الإخوان التي علمتنا كيف نعيش ونموت ونضحي من أجل قيمنا ومبادئنا ..
وفاءًا لجماعة الإخوان التي علمتنا كيف نفكر ونخطط ونحاور ..
وفاءًا لجماعة الإخوان التي جمعت قلوبنا على القرآن .. وعلمتنا كيف نفهم الإسلام ..
وفاءًا لإخوان أحبونا وأحببناهم وعلمونا وأثّروا في حياتنا ونفوسنا
وعلى الجانب الآخر .. أنادي بأعلى صوتي لعل صدى ندائي يبلغ الآذان .. أنادي قادة ومسئولي هذه الجماعة:
- يجب أن تقتربوا من الشباب وأفكارهم ولا تقللوا من قدرها ولا من قدر طاقتهم وحماستهم
- كثير من الحوار مفيد .. للجماعة وللشباب ولكم
- اصنعوا مناخاً مناسباً يسمح للجميع طرح الأفكار بحرية ..
- اقبلوا الاختلاف ولا تلفظوه مهما كانت درجته .. فإن فكر الجماعة يسع الجميع
- إن أخطأتم فلا حاجة للتبرير قولوا أنكم أخطأتم .. فكلنا نعرف أن العصمة فقط لرسول الله صلى الله عليه وسلم
آخر ما أحب أن أسطره .. إن قناعاتي التي صغتها لم تكن عن دراسة أكاديمية أو منهجية .. وإنما كتبت ما رسخ في عقلي من خلال ما أراه بنفسي داخل جماعة الإخوان .. وما سمعته من تجارب آخرين .. وما قرأته في الصحف والمواقع والمدونات .. وفي النهاية هذه وجهة نظري تحتمل الصواب والخطأ.
الحمد لله حمدا يليق بجلاله وسلطانه
ردحذفواصلى واسلم على المعصوم محمد وآله
اما بعد ...فكلامك يا اخ محمد صواب اخلاقيا وحركيا وتربويا وايمانيا.....الخ
وقد كانت تلك قناعتى الى ان...
اكتشفت ان مع بعض الناس لايجدى كل هذا
وان اثارة القلاقل والزوابع والتشهير والغاغة هوامايردعه ويلفت الأنتباه له
اخى محمد
انا ضد ان نسمح لأعدائنا ومحارينا بأستغلالنا ضد بعضنا البعض
لكن الا ترى اننا..انا وانت وكثيرون...نصحنا وحاولنا بكل الطرق التى تربينا عليها ولم يسمع لنا احد
البعض يااخى محمد لديه مايسمونها الجرانديوستى...جنون العظمه
انا الكادر والقيادى البارز والجيل المؤسس وووو
عندما تحدثه ينظر اليك بأشمئزاز من فوق لتحت ويقول
انته بتكلمنى بصفتك ايه
مع انه عارف ان ماتحدثه فيه يعلمه اصغر نقيب فى امن الدولة
وانه لو جاءت اصغر بنت صحفيه فى جريده معارضه لتحدث معها بمنتهى السعاده..لأننا بالنسبه لهم ..ولاحاجه
صدقنى يامحمد البعض وليس الجميع وفى حالات خاصة جدا ولمن يمتلك حرفيه شديدة لأدارة الصراع ويستطيع مقاومة ضغوط الأمن واغراءته..عليه ان يفضحهم ويشهر بهم
لله لا تخليصا لحسابات
لأن البعض لايجدى معه الا ذلك
ومع شديد خلافى مع منعم
لكنه استطاع ان يحدث حركة فى الماء الراكد لصالحه
ولقد كنت اعتقد لفترات طويلة ان منعم مفتون و انزلق ووو
ولكن الحقيقة ان منعم صاحب توجه اختلف معه استطاع ان يسوق له
ومن احترموه وتركوه ولم يصفوه تركوه ليس قناعه برأيه ولا حبا فيه لكن لأنه فضحى وهيفضحهم على الجرايد فقالوا نكسبوا احسن
يامحمد هذه الجماعه بها خيركثير لكن لايقوى على الجبال الرواسى الا الزلازل القواصم
الله الله الله
ردحذفبجد تحليل منطقى و عاقل للغايه
منذ فتره و انا يدور فى ذهنى نفس الكلام و لكن لم استطع ان اصيغه كما صغته
انا فعلا مقتنع ان لديهم حق فيما فعلوه من نقد علنى لأنه لو فتح لهم النقد الداخلى و وجدوا ان ما يقولونه يجدى نفعا او حتى يصنع حوارا داخليا داخل الجماعه ما كتبوها على مدونات يراها القاصى و الدانى و العدو و الصديق
هم فى النهايه اخواننا لهم افكار فى معظمها و مجملها جميل و مبدع و لكن وقعوا فى خطأ كبير فى رأيي انهم فعلو ما انتقدوه
اى انهم ينتقدون الجماعه فى انها لا تسمع للرأى الاخر و هم فى ما يكتبون يعتقدون انه الحق المطلق و لا يجب الا ان نعترف بصحته او انك ستكون من ضمن عصبة المتحجرين المتعصبين
الامر الاخر انهم لم يقدموا شيئا ملموسا فى رأيي و لكنه مجرد كلام جميل هلامى لا يغير من امر الجمعه شيئا ملموسا
يعنى يقولك لازم الاخوان يغيروا من الموقع الرسمى للجماعه (اخوان اون لاين )فهو لا يليق اعلاميا بحجم الجماعه و هو صوره كربونيه من جريده افاق التى كان لا يشتريها الا الاخوان بتكليف رسمى لكن محدش قال لما نغيره هنعمل فيه ايه محدش فيهم قال ممكن نعمل واحد و اتنين و تلاته
عندى اقتراح مثلا
تعالو ناخد جانب معين عندنا فيه فشل فى بعض اجزاءه و نفتحه و نتكلم كلام عقلانى شويه
ايه اللى احنا شايفينه غلط ؟؟
ممكن نصلحه ازاى ؟؟
و نحط اقتراحات واقعية بحلول ممكن ان تطبق و نرفعها للقياده و نشوف
فلا خير فينا ان لم نقلها و لا خير فيهم ان لم يسمعوها
و الميه تكدب الغطاس
محمد رفيق
ردحذفمع احترامى الشديد لكم جميعاً وخصوصاً د/إسلا اللى وحسنى جدا أما تذكرن يوماً شخصية منفتحة تسمع وتجيب وتناقش وماأكثر هذه الشخصيات داخل الجماعة ....أما تذكرنا يوماً أحد أفراد هذه الجماعة وهو يحثنا على قبول الآخر حتى ولو كان هذا الآخر نصرانياً أو على غير دينى..... أما تذكرنا يوماً أحد مسئولينا وهو يحدثنا عن مشاركة لا مغالبة اتحادات الطلبة تعاونوا معها مؤسسات خيرية قدموا لها يد العون دون أن نعلن أننا إخوان ,,, الخير ليس لابد أن يكون تحت مسمى الإخوان لماذا نسينا كل هذا الخير وتذكرنا بعض أشخاص من الممكن أن يكونوا أخطأوا أو من الممكن أن نكون نحن قد فسرنا وفق أهواءنا ووفق ما يحلو لنا إما أن يقبل برأييى أو يكون متخلف جامد ليس عنده مساحة من الحرية والشورى وال.......... آسف يادكتور لم يحدث فلان أو فلان أو فلان كما تقول أحدث حراك فى الماء الراكد ولا أقول أنه مفتون كذلك ولكن أقول أنهم اخطأوا الدرب والطريق ليس كل طريق صعب واعر أو نتخلى عنه ونسلك سبلاً أيسر وأسهل وهذا مافعلوه جميعاً استسلموا للأخطاء التى يحدث أكبر منها بمراحل فى مؤسسات أو جماعات آخرى (شخصنة المشاكل ) آسف يا كل من قال منكم عنهم حق لا أبداً ليس عندهم حق أبعد ما أعطيتك كل شىء نسيت كل شىء ؟؟؟؟؟ أى حق تتحدثون عنه اختلفت معك والله أعلم من منا الأصدق والأحق لكنك كنت أحلى منى لسانا وألحن حجة فقمت تشهر بمن علمك ومن رباك ومن عرفك حتى ما معنى حرية!!!!! ثم تقول لى عندهم حق يادكتور يا فلان يافلان يافلان والله لولا الله أولاً ثم الإخوان لكنا ولكانوا وانا أولهم اليوم طيلة شبابى أتسكع مع فتاة فى الجامعة وأشرب السجائر على الأقل!!! وليس لحياتى معنى ولاهدف وليس عندى اليوم مدونة أسب فيها وأتطاول على من علمونى كل شىء بالله عليكم أى حق ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!! آسف الجماعة هى التى لها عندهم ألف حق ولا تكونوا كمن يكفر العشير!!!!!!!!!!!!
للجميع تحيه موصوله ...
ردحذفأستاذ محمد ..كلام معقول وعقلانى وطيب جزاك الله خيراً..
أتفهم أن لهذه الظاهره أسباب منطقيه وعقلانيه وطبيعيه وألتمس لهم عذراً فى ذلك .. لكن أتوقف معك عند النقطه الثانيه..
نعم إن لهم عذراً وأسباباً تفهم وتتفهم .. لكن هل لهم حق فى الخطأ؟! .. وعند من هذا الحق ..؟!
إن شاباً يافعاً بالغاً قوياً فتياً ينبض بالقوة والحيويه ..ثم تضطره ظروف الحياه الصعبه فى زماننا هذا إلى أن يظل عازباً حتى يبلغ الـ30 من عمـره هل لو جلس صاحبناً هذا على كورنيش الإسكندريه مع إحداهن مستسلماً لظروف ظلمته ..ومجتمع أخطأ فى حقه ...
هل تبرإ ظروفه هذه خطأه؟؟ أو تبيح له فعلاً خاطئاً ..؟؟
نعم هؤلاء الاحباب والرفقاء والإخوان والأصدقاء .. قد تعرض بعضهم أو معظمهم لمواقف ظلموا فيها
ولأشخاص أخطأوا فى حقهم ..ولتنظيم ربما أساء لهم ..
ولكن هل معنى هذا أن خطأ شخص يبيح لك رد الفعل الخاطئ ...
هل من ظلمك تظلمه؟؟ ..هل من شتمك تشتمه؟؟ ..هل من أساء لك هو يمنحك تصريحاً للخطأ والإساءه لتقابل الله عز وجل معلناً خطأه فى حقك وأنك كنت ترد عليه...
"قل كل يعمل على شاكلته "
" إدفع بالتى هى أحسن ... فإذا الذى بينك وبينه موده كأنه ولى حميم"
وفى حديث أبى بكر الصديق ..عندما سبه الرجل الأعرابى وإنتهى بمغادرة النبى للمكان...
فهل لو حضر النبى مدوناتنا ومقالاتنا ونوادينا ولقائتنا وأسلوب تغيرنا وطرحنا ونقاشنا ..هل سيقبل النبى به أم سيغادر صفنا ساخطاً على أتباع خالفوا أسلوبه فى التغير وخالفوا أخلاقه فى النصح والإرشاد والأخذ على يد المخطيئ باللين مهما كبر خطأه ومهما عظم ذنبه ..والسيره مليئه بمواقف أنتم أعلم بها منى ...
الساده المدونون وأبنـاء جيل ال3جى ...
أتمنى أن نبدأ حمله عمره وترميم .. هناك عيوباً فى البناء ..هناك شروخاً فى الجدار ..هناك أخطاء فى العمل والتطبيق ..
تعالوا نرمم الصرح ونقوم الخلل ونصلح العيب .. بلا هدم ولا تخريب ولا تشويه ..
إن يد البناء لا تفسد عملاً ..
ويد الفنان لا تشوه رسمـاً ...
أتمنى أن تفيدونا وتفيدوا الإخوان والدعوة ..بأرائكم ومقترحاتكم ولكن بإسلوب يحترم الأم التى ربت وتعبت .. وأدب يقبل النقاش والرفض والإختلاف .. وبإخلاص يقصد الله عز وجل فى كل عمله وسعيه..
أسف ع الإطاله ولكن أعتقد أن الأمر مهم ...
"ولايجرمنكم شنئان قوم على ألا تعدلوا ..إعدلوا هو أقرب للتقوى "
استاذى العزيز
ردحذفأولا أحيك على صياغه مالم يستطع أحد أن يصيغه رغم اننا نعلم ذلك جيدا ولكن ليس بصياغه ولكن نعرفه بداخلنا جيدا
ثانيا: قرأت البوست السابق للحلقه الأولى وكنت أود الكلام ولكن هناك من يستطع الرد أفضل منى بكثير فهم جميعا اساتذتى العظام الأجلاء داخل الجماعه التى ولدت فيها وأعيش بينها ولكنى فوجئت بأحد الاشخاص التى ليس لها علاقه الأن بالاخوان رغم أن البوست كان عنوانه " وهم جيل 3G الإخوانى "
إذا لما يتكلم ما ليس له علاقه بهذا الجيل حاليا
لا أريد أن اتطرق الى هذة النقطه حتى لا يزيد الجدال كثيرا ولكننا تعملنا داخل هذة الجماعه المباركه ان العالم الداخلى لنا كجماعه لابد أن تحتوى وتحتك بالعالم الخارجى ولكن لا نتترك الى ألفاظه وتقاليدة التى تعود عليها و...
ثالثا :
استاذى العزيز أنا معك فى كل كلمه كتبتها فى هذا عدا النقطه الأخيرة الا وهو الندا لمن هم قادة لنا لأن هذا النداء حدث بالفعل من قبل مرشدنا الحبيب الذى بعض الانُاس تلفذ ببعض الألفاظ اتجاة نادى ذلك فى قناتى الجزيرة والعالم نادى ذلك فى راسائله الأسبوعيه بل كل القادة نادت بتلك الأمور إسئلوا الدكتور إبراهيم الزعفرانى وكي\ف إقترب الى هؤلاء الشباب فى أول ظهور لهم على هذة الشبكه اسئلوا الدكتور محمد مرسى فى الشرقيه وما حدث مع هؤلاء الشباب المدونين اسئلو العريان وشاطر .....فجميعا نادوا بذلك
رابعا :ليس طريق أبدا أن اقوم مع من اختلف معه او حدث لى موقف ان اذهب الى مدونتى وابدا الكتابه فيها واشهر بذلك الشخص حتى يقرا العالم كله من هذا الشخص وأكرة العالم فيه أنا لا اتكلم عن حادثه بعينها ولكننا كشباب فى هذا الوقت بالذات أفتتح لنا مجالات تكنولوجيا كثيرة مثل عالم المدونات والفيس بووك ولكنى أنا كرجل خطوتى بتتحسب عليا من قبل من يتابع ذالك الجيل الجديد لابد ان ألتزم مؤسسات هذة الجماعه التى أنتمى اليها وقادتها وقرراتها حتى لو مجتش على مزاجى ابدى راى فيها داخلى وليس للعالم كله وفى النهايه لابد أن ألتزم بقرراتها
أخيرا:هذا تحليك وانا معك فى الحالات الجوهريه التى حدثت بالفعل وأنت لاتتكلم عن فراغ ولكن فى البدايه والنهايه هؤلاء الاشخاص ليس لديهم ادنى حق بأن يفعلوا ما يفعلوا وأنا مع الأستاذ رفيق فى كثير من مواقفه فكنت فى البوست السابق كالمتفرج فقط ....ولكن والله فضل الإخوان عليا وعليكم طبعا جميعا لولا الله ثم هم لكنا مثل اى شاب كوجود فى هذة الحياة يصبح من النوم طبعا مفيش صلاة فجر يبدا يتجهز لنزول الجامعه يذهب لهريدى يفطر مع زميله وزميلاته يدخل الكليه يقعد فى البنش مش عشان يحضر عشان يلقط حد يكمل معاة الأربع سنين غن كانوا اربع سنين يعنى وتنتهى حياته الجانعيه داخل تللك الاسوار الحبيبه ولم يستطع ان ينتهز تلك الفرصه بكثير من الحسنات بعكس الطالب الأغخوانى الذى لا استطيع التحدث عنه فأنتم جميعا عيشتهم تلك الفترة وانتم أدرا بها لانها إنتهت من حياتكم ولم يكن منها الأن الا أن تمشى على الكورنيش عند سوتير متذكرا تللك اللحظات التى هيها من امتع اللحظات التى أعيشها الأن اطمئنوا فهؤهلاء قله قليله أما دعوة الإخوان المؤثرة فى العالم كله هى على الدرب وعلى نهج رسولنا الكريم ....ونسال الله جميعا أن يهدى هؤلاء القله وأن يعودوا الى رشدهم اللهم أمين
تحياتى لكل أساتذتى الاجلاء
معلش نسيت شئ
ردحذفبحب دايما ان أكتب عنوان لتعليقى ونخلى العنوان
"لا عذرا ولا حق لهم"
معلش طولت كتيير
زي الفل
ردحذفكلكوا زي الفل
محمد رفيق
ردحذفحبيبى م/ الصعيدى
أولاً دعنى أتكلم بعيداً عن العصبية وعن الأشخاص أحبابى ياكل من تربى داخل هذه الجماعة المباركة سواءً كنت مازلت فيها او خارجها أو حتى داخلها ومختلف معها فى الرأى ألا ترون أنالاختلاف سنة ومنهج لله عزوجل فى أرضه حتى مابين صحابة رسول الله (صلاة العصر فى بنى قريظة) أليسوا تربية النبى؟؟؟ نعم الخلاف موجود ثانياً هل خلا جيل الصحابة من الاخطاء التى عالجها النبى بعد ذلك؟؟؟؟ إذاً فالخلاف موجود... والأخطاء فى أى مجتمع أو فرقة واردة
ولكن لماذا لم يقوم الصحابة بتعرية عيوب أخوانهم ؟؟؟؟ لماذا لم يتفرغ الصحابة لانتقاد اخوانهم ومهاجماتهم؟؟؟ لماذا لم يعلن بلال على مدونته ان أبوذر فيه جاهلية وأنه سبه بأمه؟؟؟؟؟؟؟؟؟ هل ذهب الصحابة إلى اليهود ونشروا أخطاء اخوانهم من باب نقد الذات واسماع المخطئين أخطائهم؟؟؟ هل نشروا فى مشركى مكة بأن المرأة الغامدية قد زنت وحملت ونحن ننقد ذاتنا لأننا متحررون ومتفهمون ونريد الإصلا؟؟؟؟؟؟؟؟؟؟؟؟؟؟؟ لماذا يحدث ما يحدث ونرجع نقول الخلاف طبيعى ..... نعم الخلاف طبيعى. وانت مختلف معى لماذا لابد أن يكون رأيك أنت الصواب وانا الخطأ؟؟؟ لماذا تعيب علىَ على الرغم أن أى شخص ترك الجماعة لم يعيب عليه أحد لأنه بصراحة مش واقفة على حد كم عدد المدونين من الإخوان الذين سلخوا الإخوان حتى اليوم 100 200 1000 100000 ؟؟؟ ماذا حدث للجماعة؟؟ ولا أى شىء هل فقدت الجماعة شعبيتها ؟؟ أنزلوا الأحياء وانتم تعرفون من هم الإخوان انزلوا إلى الناس الفقراء والبسطاء أنزلوا إلى أهالى الإخوان فى بيوتهم وانتم تعرفون الإخوان ..... أى حق ؟؟ حق أن تختلف معى ( حاضر ياسيدى ) حقك لكن لماذا أن ترغمنى على أن تكون أنت الحق وأنا الباطل ....
عايزين يصلحوا؟؟؟ ماشى ولكن أين الاصلاح فى التشهير والسب والتجريح!!!!! بأى منطق لهم حق ( بمنطق العصبية بتاع رفيق ) لا والله مالهم حق لأن الجماعة هى اللى ربت وعلمت وعرفت إزاى تكتب وازاى تكون حر وهى برده اللى قالت لما تحب تنصح ما تفضحش ......... بمنطق العقل والهدوء أنت تركت الجماعة ؟ خير ربنا يدبر لك أمرك لكن ليه تعيب علياوعلى الجماعة واخطاء الجماعة واوعى تقولى نصيحة لان دى مش أساليب النصيحة
على العموم أظن إن مافيش حد عنده حق يسلخ ويسب وينقد بالأسلوب ده ونرجع نقول عنده حق!!! أظن علمونا زمان من علمنى حرفاً... أكننت له وداً
أظن بأى منطق وبأى فهم وبأى حالة ماحدش يقول عندهم حق!! لأن الحق أحق أن يتبع آسف على الإطالة وجزا الله خيراً كل من ترك الجماعة وهو باق على المودة والعشرة ... جزا الله خيراً كل من اختلف مع الجماعة فى الرأى وراعى أداب الاختلاف والنصيحة .... جزالله خيراً كل من ثبت وعمل لله على الرغم من الأخطاء والسلبيات...
( جزا اللله خيراً م/ ممدوح على والله العظيم راجل محترم بجد
رفيق حبيبي جدا
ردحذفأتفق معاك في كلامك ولكن أختلف في نقطة بسيطة وهي أن الجماعة التي علمتنا الحرية"بضوابطها"لابد وأن تترك لنا مساحة لنمارسها"بضوابطها"وإلا فسنكون تلاميذ خايبيين جدا..وأخوية وحبيبي إسلام عيد بجد أسلوبك رائع ولكن أنا شخصيا مارست طرح آرائي مع كل قادة مكتب إسكندرية أثناء تواجدي في سجن برج العرب"الغربنيات"العام الماضي وكان طرحا قوياً مهدفاً جدا جدا ولم أجد منهم إلا بشاشة الوجه والإنصات الواعي والصدر الواسع الحنون بل وتغير بعض القناعات..ولا زلت إلى الآن على علاقة طيبة معهم فأرجو ألا نعمم الحالات الفردية.
أنا عن التدوينة نفسها..فللأسف أقول أن المسئول خروجا عن إرادته شخصيته تضفي طابع على إدارته للجماعة وللأشخاص فإن كان هو نفسه شخصية عقلانية إدارية بحته فسيهتم بالإداريات بصورة كبيرة وإن كان عاطفيا يغلب عليه الطابع الإيماني الزهدي فسيهتم بالتربية وما إلى ذلك فللأسف هؤلاء القادة الكبار في مرحلة تفجر قدراتهم ومواهبهم لم يكن يجول في خاطرهم أصلا أن هناك متنفس واسع جدا لها فكان مواهبهم وقدراتهم في حيز ضيق تجري وترمح ظناً منها أنها تجوب العالم..فأظن أنهم لم يلتفتوا يوما إلى أن هناك جوليا تأسر الكثيرين..وأنا شخصيا عندما تناقشت مع أحد القادة الكبار في نقطة دخول السينما لا تتخيلوا مدى الفزع والهلع الذي ساد وجهه عندما علم أن هناك بعض الإخوة يدخلون السينما فهو أصلا لم تأتي الفكرة على خاطره يوما..وهنا أقول يعذر لجهله وليس هذا تقليلا من شأن القادة ولكنه مواجهة لكل صاحب موهبة وقدرات لأنه لم يسوق لها ولم يعرضها.
أخوكم المحب..أحمد عبد الفتاح
وأقترح إننا نبعت فكرة لمكتب الإسكندرية وتبقى تجربة رائدة بإن الجماعة عن طريق التربية تبلغ كل الإخوان إن فيه مؤتمر للمواهب الإخوانية الشابة ويحدث لقاء بين المواهب(الفكرية والإبداعية) وبين الجماعة وقادتها ويحدث بينهم تلاقي فكري بناء وأنا شخصيا حصل ده معايا مرة من سنتين في جانب الإمامة وأظن كلكم شوفتم صلوات الساحات الإخوانية في باكوس والعصافرة وسيدي بشر والعجمي وأبو سليمان والساعة وغيرهم فإحنا- أقصد الجماعة- مش من الصعب عليها إحتواء أفرادها خاصة في وجود تجارب سابقة.وأظن إللي مطلع على الخطط هيلاقي الكلام ده موجود من زمان.
ردحذفحد عنده إستعداد نعمل مشروع ودراسة للأمر ونقدمها للإخوة؟؟؟؟؟؟وأهو نبقى إيجابيين في ذاتنا
أخوكم المحب..أحمد عبد الفتاح
برافو عليك يا أخ احمد عبد الفتاح هو ده اللى نفسى فيه بجد
ردحذفبدل الكلام التنظيرى المتحزلق المتزحلق ممكن نقعد نفكر فى حاجه عمليه حاجه كده تقدر تمسكها مش كلام كل ما تيجى تمسكه من هنا يروح ناحيه تانيه
انا مع فكره المشروع و اول حاجه متصور اننا نقدر نعملها و عليها فعلا تعليقات كتير من الاخوه الا و هى موضوع المواقع الرسميه الاخوانيه و كيفيه تجديدها لتستوعب شريحه اكبر من المجتمع غير الاخوان و من يهتم بأفكارهم فقط
ها حد معايا او فى حد عنده اقتراح تانى
يسر المرء حقاً بالتعليقات المتناغمة هنا، وهي تسير على نفس النغم المتناغم، و تعزف نفس تلك السيمفونية الرائعة،
ردحذفيعزف الجميع هنا الكارولي كارولته بمنتهى البراعة،
:))))
حيبت اقولكم بس السلام عليكم ...
يا أخ محمود مفيش داعي نسفه من آراء بعض وأنا عن نفسي شايف لو الكارولي كارلوتة -على حد تعبيرك-هتجيب نصر للإسلام فمرحبا بها حتى الموت
ردحذفكيموز أولا وحشتني جدا وربنا يجيبك بالسلامة
ردحذفوأنا معاك في موضوع الموقع لكن أظن نحطه في أولوية متأخرة لإنه مش موقع خدمي لكنه موقع معلوماتي إخباري ثقافي ولكن أنا شايف إن الإخوان عندها قنوات إعلامية متحركة وهي أعضاء الجماعة ودول همه الأولوية حاليا..فأنا شايف إننا ممكن نساهم في إعداد ملف وأفكار وأطروحات لإستيعاب طاقات الجماعة ودي وجهة نظري.
أخوكم المحب..أحمد عبد الفتاح
أنا كتبت التعليق ده في الحلقة الأولى لكن واضح إني قرأتها متأخر فحبيت أحط نفس التعليق هنا عشان أضمن إن الناس هتقرأه وها هو ذا....
ردحذفأولا إلى كل من لم يحفظ لسانه من الخوض في الناس أقول لهم"وما يلفظ من قول إلا لديه رقيب عتيد".وأقول أيضا لمن يسمعون ويشاهدون ويتفرجون على جوليا وفور شباب وغيرها أقول "يَوْمَ تَشْهَدُ عَلَيْهِمْ أَلْسِنَتُهُمْ وَأَيْدِيهِمْ وَأَرْجُلُهُمْ بِمَا كَانُوا يَعْمَلُونَ"،وأقول أيضا لإخواني الأحباب"ما تحسر أهل الجنة على شيء كما تحسروا على ساعة لم يذكروا الله فيها"،فالإخوة الأفاضل لم يتطرقوا إلا مناقشة الظاهرة - التي أتفق مع أخي في وجودها ولكن يجب على الجماعة إستيعابها- ولكن إكتفوا بالرد على بعضهم البعض وإخراج ما في نفسياتهم من أفكار وكلمات بعيدة كل البعد عن أصل الموضوع وأنا قرأت كل التعليقات بعناية وهذا ما توصلت إليه في النهاية:-
1- حَدَّثَنا أَسَدٌ قالَ: حَدَّثَنا الوَلِيدُ بنُ مُسْلِمٍ قالَ: حَدَّثني ابنُ جَابِرٍ قالَ: حَدَّثَنِي بُسْرُ بنُ عُبَيْدِ الله الحَضْرَمِيِّ قالَ: حَدَّثَنا أبو إدْرِيسَ الخَولانيُّ أنَّهُ سَمِعَ حُذَيْفَةَ بنَ اليَمَانِ أنَّهُ قالَ: يا رَسُولَ الله! هل بَعْدَ هذا الخَيْرِ شَرٌّ؟ قالَ: "نَعَم، قَوْمٌ يَستَنُّونَ بِغَيْرِ سُنَّتِي - هل فيه سقط هنا؟ معروف الحديث: هل بعد هذا الخير شر؟ قال: نعم، قلت- هذا السقط- قلت: هل بعد ذلك الشر من خير؟ قال: نعم وفيه دخن، قلت: وما دخنه؟ معي؟ طيب، قال: نعم، قلت: فهل بعد ذلك الشر من خير؟ قال: نعم وفيه دخن، قلت: وما دخنه؟ قال: قوم يستنون بغير سنتي المجود .... نعم وأيضا بعد " ويهتدون بغير هديي " " تعرف منهم وتنكر " كما في الحديث " تعرف منهم وتنكر " أيضا، نعم. - قالَ: "نَعَم، قَوْمٌ يَستَنُّونَ بِغَيْرِ سُنَّتِي ويَهْتَدُون بِغَيْرِ هَديي". قالَ: فَقُلتُ: فَهَلْ بَعْدَ ذلِكَ الخَيْرِ مِنْ شَرٍّ؟ قالَ: "نَعْم، دُعَاةٌ على أبوابِ جَهَنَّمَ، مَنْ أَجَابَهُم إليها قَذَفُوهُ فيها". قُلْتُ: يا رَسُولَ الله! صِفْهُم لَنَا. قالَ: "فَهُم مَن أهل جِلْدَتِنا وَيَتَكَلَّمُونَ بِأَلْسِنَتِنَا" قلتُ: فَمَا تأمُرني إِنْ أَدْرَكْتُ ذلك؟ قالَ: "تَلْزَمُ جَمَاعَةَ المُسْلِمينَ وإِمَامَهُم". قُلتُ: فَإنْ لَمْ يَكُن لَهُم إِمَامٌ ولا جَمَاعَةٌ؟ قالَ: "فاعْتَزِل تلك الفِرَقِ كُلَّها وأَنْ تَعَضَّ بأصل - ولو أن تعض - قالَ: "فاعْتَزِل تلك الفِرَقِ كُلَّها ولو أَنْ تَعَضَّ بِأَصْلِ شَجَرَةٍ حتَّى يُدْرِكَكَ المَوْتُ وأَنْتَ كذلك". .
وأنا لا أتهم أحدا ولا أقول أن الإخوان هم جماعة المسلمين ولكنهم عون وصورة صغيرة من جماعة المسلمين.
2- جماعة الإخوان مجتمع كبير من الناس والشخضيات والنفوس والأفكار والعقليات وكلهم داخل نطاق الجماعة وهذا أكبر دليل على إحتواء الجماعة لكل الهويات.
3- المدونات ليست للهجوم على بعضنا البعض من أمام شاشات الكمبيوتر وإنا لعرض الأفكار..وأرى أن الإخوة الأفاضل لم يحترموا المدونة فلم يلتزموا بالتدوينة والتعليق عليها وإنما إنخرطوا في الهجوم والرد على بعضهم البعض وهذا أراه غير لائق.
وأخيرا أقول لأخي وحبيبي محمد عبد الفتاح نحن لسنا جماعة دينية أبدا وإنما نحن جماعة إسلامية والفرق كبير بين الكلمتين فالأولى مقننة والأخرى شاملة.
وجزاكم الله خيرا
أخوكم المحب..أحمد عبد الفتاح
وشكرا إنكم إستحملتوني كل ده
ردحذفالسلام عليكم
ردحذففي إشكالية في موضوع الحوار والنقاش وتبادل الآراء
الموضوع ده مش جديد بل قديم ... الجديد هنا انه على النت...في تجربة لنا مع أناس من أصحاب الأفكار اياها...كانت مجموعة شايفة نفسها أصحاب فكر وكلام من ده...جيبنالهم مسئول يعرف يستوعبهم صاحب فكر وتجديد ومجهود قول زي ما انت عايز وقعد معاهم...بعد فترة ليست بالقصيرة جاءنا بالآتي:بيقول دي ناس بتسمع مش علشان تناقش دي بتسمع علشان تلاقي حاجة تشبط فيها وقضية تبادل الآراء دي مالهاش وجود عندهم هو رأيهم الصح ولو سيبتهم ورجعت بعد خمس عشر سنين حتلاقيهم بيرددوا نفس الكلام...الحالة دي لها أحد تفسيرين إما ان كلامهم وصل من قوة لقوة الثوابت الكونية - زي الأرض كروية (ما اتغيريتش من زمان ) - أو انهم لا يسمعوا إلا أنفسهم
بصراحة بعض الناس هنا تحسسك ان احنا ما قولناش حاجة خالص وتحس ان رأيه لم يتزحزح
الفكرة اللي عرضها أحمد عبد الفتاح هي بمثابة اختبار جدية للي بيقول رأيه ومحدش بيسمع له وحاسس ان الإخوان متجمدين ولا يقبلوا الرأي الآخر
اهه قدامك فرصة تقدم مشروع لإخوانك فرصة الإبداع موجودة لا تضيعها
من كام سنة اقترحت اقتراح لتطوير شكل شغل ما... أحد الموجودين قال لي انت عايز ايه قلت له عايز من كل مكان واحد نفكر في الموضوع وبالفعل خلال أسبوع كان المشروع جاهز بتفاصيله وكلنا استفدنا من هذا المشروع
أنا بدعو كل اللي عنده فكرة يعمل زي أحمد ما بيقول بحيث الفايدة تعم
وللحديث بقية
من جانبي أخذت الأمر بجدية فعلا وأعددت ملف كامل عن الموهبة ومن هو الموهوب وكيف يمكن إحتوائه وتوظيف موهبته وبإذن الله هأعمل رؤية واضحة وأبعتها للإخوة بإذن الله ودعواتكم معانا..وأنا شايف إن كل واحد في موقعه ومكانه يبعت أفكار في نفس الإتجاه بحيث يبقى كل الإخوة من تحت بتدفع نحو نفس النقطة المهمة وجزاكم الله خيرا وأخيرا أحب أردد أغنية
ردحذف321كارولي كارولتة إنت تقع في الحفرة وأنا أنط فوقها
والسلام عليكم ورحمة الله وبركاته
السلام عليكم ...جميعـاً ..
ردحذفوحشتنا يا باشمهندس نبيل ..وتيجى بالسـلامه..وبركه إنك لسـه فاكـر المشـروع ..حقيقة من الامور التى أقنعتنى بالإخوان كمؤسسه ..أن ترى أحدهم يطرح طرحاً يخالف به نهج من سبق ثم يناقشه فيتجاوب معه بعضهم فيبحثوه ويخرجوه فينفذ فتتبناه الجماعه فينجح نجاحاً رائـعاً..
وعلى رأى صاحبك إللى كان بيقول"كفايـه إننا فكـرنـا "
أحمد بيه عبدالفتاح.. جزاك الله خيراً على الفكره ,وأوعدك أن أفكر فى مشروع وفكره عمليه محاوله فى تقديم شئ لهذه المؤسسه العظيمه التى تحتاج لعقول أبنائهـا....
أما محمود محمد فبجد جزاك الله خيراً .. لقد أحزنتنى بردك هذا ................................................................................................................................... :(
أستاذ محمد عبدالفتاح.. أتمنى أن نرى البوست القادم فكره يتبناها الجميع ..أو تصويت على مجموعه أفكار..وربنا يوفقك
سعداوى
ردحذفالسلام عليكم
جزاكم الله خيرا على فتح هذا الموضوع
انا شايف ان الناس دول المفروض يتأخروا درجة(محب للجماعة)حتى لا يحسبوا على الاخوان وسعتها قولو اللى انتو عاوزينه؛
طالما الجماعة مش عجباك بتتمحك فيها ليه
روح شوف الطريق اللى انته شايفه صح بدل ما عمرك بيعدى منك.وعلى فكرة الجنة مش حكر عالاخوان وبس.
وربنا يسهلكو...
محمد رفيق
ردحذفقشطة يا أبو سعدااااااااااااااااااااااااااااااوى
عنتري يا سعداوي
ردحذفجامدة
بس معلش فين قبول الآخر
سعداوي ورفيق انتوا بتتكلموا على مين ؟؟؟؟؟ إذا كان على محمود محمد فهو سايب الاخوان من الاساس والباقيين ناس كويسين بيأيدوا الكلام اللي بتتبنوه.. بتتكلموا على مين مش فاهم ؟؟؟
ردحذفالوحيد اللي خالفكم بنسبة بسيطه يمكن ولسه في الجماعه هو محمد أحمد والراجل ده لا (محب للجماعة) ياسعدواي ولا (مؤيد للجماعه) الراجل ده زيه زيك ... مش فاهم برضو مين الناس اللي بتتكلم عليهم دول ؟؟ واضح انك ما قرأتش الموضوع اساسا ودخلت اتكلمت زي اول مداخله للبشمهندس نبيل لما دخل اتكلم على ناس تانيين وحاجات تانيه خالص .. ليه يا جماعة العدو الوهمي اللي انتوا عاملينه لنفسكوا ده !!! هاتولي واحد من اللي بتقولوا عليهم دول في الوسط بتاعنا وزي ما بتقول عليه كده يا نبيل او ياسعداوي ..
انت يا سعداوي فاكر نفسك قاعد في البرج فوق !! احنا لو مسكناك شرحناك هتنزل (شبل) لو الموضوع بيتاخد كده يعني ..
اتقوا الله يا شباب في كلامكم ولا تأخذكم العصبية فتنسيكم آدابكم -اللي اتصعدتوا على اساسها والكلام ليك يارفيق ويا سعدواي- اقول ما اقول واستغفر الله لي ولكم
اخ اكبر ليكم
محمود محمد
ردحذفممكن طلب صغير
قولي ايه اللي انت عايزه يتغير في الاخوان
مش اللي انت شايفه -انت قلت كتير اوي على اللي شايفه- انا عايز اسمعك بس نفسك في ايه يتغير وتبقى الاخوان دي جماعه كويسه ده إذا ماكانتش بالفعل من وجهة نظرك خاطئة بعضا وتفصيلا .. قولي واحد اتنين يتغير ما تقولش مشاكل ، نفسي اسمع كلام بيخالفنا بشكل مش هاقول اكاديمي بس بشكل عملي
اكون شاكر ليك
محمود .. أنا شايف إن الجماعة كويسة جداً .. جداً .. ومش عايز حاجة تتغير إلا بعض سلوكيات بعض الأفراد..
ردحذفسؤالك يا محمود مش عادل ولا أكاديمي ولا علمي .. ليه يا باشا .. لأن كل واحد فينا شايف الجماعة بشكل مختلف .. وكل واحد شايف إيجابيات مختلفة عن التاني .. وشايف برضه سلبيات مختلفة عن التاني
لذلك .. السؤال ده ينفع توجهه لكل واحد لوحده في الإخوان وهنا يتجلى واضحاً مفهوم "النسبية"
يا صديقي .. أنا ألمح في سؤالك -مجرد انطباع- أنك وكانك تقول إن مفيش حاجة كويسة .. وهنا لن أرد إلا بتعليق صغير "إنك لست عادلاً جملة وتفصيلاً في حق الجماعة فكراً وتاريخاً وأفراداً"
أظن يا محمد عبد الفتاح إن السؤال إللي مكتوب ده متوجه لمحمود محمد مش من محمود محمد والله أعلم أنا فهمت كده..وكمان ده مش أسلوب محمود محمد وربنا يوفق الجميع..بس الأخ إللي رد على السعداوي ورفيق رده كان صدامي حبتين أو تلات حبات أو أربع حبات ممكن ما أعرفش إيه هدفه من الكلام لكن ماشي وجهة نظر تحترم.
ردحذفواضح جداً جداً من الموضوع ده وسابقه كذا حاجه ...
ردحذفواضح ان هناك مواضيع لما تتناقش وجهاً لوجه بتكون مختلفة تماماً عن مناقشتنا ليها بالكلام الكبير هنا
وواضح برضه ان الاخوة المشهورين في الكلام والكلمات القويه والخواطر المؤثرة مش شرط يكونوا بيعرفوا يعبروا عن اللى هما عاوزين يقولوه بالكتابه هنا، والعكس صحيح
ورغم ان علاقتي بالموضوع من اوله لاخره اني اختلفت على ربط سؤالين سألهم محمد عبد الفتاح في اول موضوعه الاولاني ، وهو ربط سماع اغاني من شخص ما بالدعوة للتحرر والاضطهاد داخل الجماعه ومحمد عبد الفتاح بنفسه عاد في التعليقات ونفى مافهمناه ، لكن واضح ان في ناس مصممه تدخل كله في كله .
وواضح برضه انه كل واحد فاهم حاجه مختلفه عن التاني ، فعلى سبيل المثال انا بسأل الباشمهندس نبيل هو الموضوع يقصد مين ؟؟؟ قالى انت ماسمعتش عن عبد الستار المليجي !!! قلتله لا ده يقصد حد قريب مننا ، قالى مانت عارف ان في ناس دماغها راكبه شمال عندنا وماقليش مين ، مع العلم اني لحد ماسبت اسكندرية ماشفتش نماذج كده .
فحسام الغمري بوسائله الجديده التي احترمها كثيراً لم يختلف مع الجماعه في هدف او فكر او كلام كبير من ده وكل ماقدمه وسائل جديده لتحقيق نفس الهدف ، بل بالعكس فان علاقته مع شخصيات كبيره في الجماعه احسن من كتير من اللى علقوا هنا من الاسماء المرموقه .
ومحمود محمد الذي ترك الاخوان لم يذكر له ان كتب بوستاً او توبيكاً واحداً يهاجم فيه الاخوان رغم قدرته الابداعيه في الكتابه يعني لو كان عاوز يعمل كان يقدر .
وانا -منتظم- غصبن عن الجميع .. وحر في افكاري والحاجات اللى بسمعها مادام مابتختلفش مع هدف الجماعه وافكارها .
فالذين وصفهم محمد عبد الفتاح بأنهم وجدوا انسداداً في الحوار ومعرفش ايه ، ليسوا هؤلاء الذين وصفهم اسلام عيد بجنون العظمه وشايفين نفسهم كادر بارز وبيثيروا القلائل ويبصولك باشمئزاز بينما ينظر احدهم الى اصغر صحفية بسعادة ، وليسوا عبد المنعم الذي بدا اسلام عيد مدافعاً عنه بينما هاجمه رفيق ، وبالتأكيد ليسوا هؤلاء اللى داخل الشعبه اللي وصفهم م/ نبيل بأنهم اصحاب الافكار اياها
اذن مين من كل دول هو اللى دعوتموه يااحمد ياعبد الفتاح ويا مهندس نبيل ويا كريم ويا صعيدي الى تقديم مواهبهم في مكتبة الاسكندرية وخارجها ؟؟؟
مين اللي زعلك وحسسك ان ماحدش قال حاجه يابشمهندس نبيل رغم انه قبل تعليقك ماحدش علق بالرفض على الكلام ده الا محمود محمد وهو بنفسه قال مليون مره انه بره الاخوان ... يبقى مين ده اللى وصلكم احساس انه مش متففق معاكم ؟؟؟
ثم ايه علاقة المواهب يااحمد ياعبد الفتاح بدخول السينما او سماع المدعوة جوليا ؟؟؟
وايه علاقة الاختلاف في اللى ينفع نختلف فيه بدرجة المؤيد والشبل !!!
اخواني الأعزاء ... واضح انكوا لو حتستمروا كده بالشمولية دي في اطلاق الاتهامات الكبيرة حتدخلوا في مرض مش حتشفوا منه .
اعرفوا انتوا عاوزين ايه وحددوا كلامكوا وقلت ميت مره بلاش الكلام الكبير الفاضي .. يامن تؤمنون بسنة الاختلاف ، بينما تثبتون بتعليقاتكم ان تقبل البعض للافكار الاخرى بالداخل ناهيك عن تقبل الاخر بالخارج ، ليس الا حبراً على ورق ... وخبرتنا فيه لا تتجاوز خبرتنا عن اللغة الصينية
ملحوظه : هذا تعليقي الاول والاخير في الموضوع والاي بي عند محمد عبد الفتاح يكدب الغطاس ...
اخوكم / محمد احمد
واضح ان التعبير عن الرأي كتابة مهارة مش واخدين عليها عند معظم اللي علقوا هنا .... ودي تيجي مع الممارسة لأن عندهم فكر ينقصهم مهارة الصياغة
ردحذففمثلا محمد رفيق اللي يقرأ مداخلاته يظن انه عصبي وما بيقبلش رأي غيره في حين انه غير كده خالص وشخصية منفتحة وحواراته مع الآخر غير الصورة اللي اترسمت هنا....أجمل بكتير
السعداوي زي العسل وتقعد معاه ما تشبعش منه بس باين هنا من مداخلته انه عصبي ولا يقبل الرأي الآخر وهو مش كده خالص
محمد أحمد كلمني في التليفون وشرح لي اللي هو كتبه لما دخلت وقرأته شوفت حاجة تانية غير الصورة اللي شرحها لي
أنا كتبت حاجات وبعدين لقيت الناس فهمت حاجة تانية غير اللي كنت أقصدها
حاجة تانية يا ريت ما نتعصبش على بعض علشان ده بيدي صورة سيئة وغير حقيقية عنا وعن طريقة تفكيرنا
المهندس محمد أحمد..أشكرك على تعلقك في صياغة رأيك جزاك الله خير.أما نقطة إيه علاقة المواهب بالموضوع فأوضح لحضرتك الآتي:-
ردحذف1- إن الموضوع تطرق إلى أن أجيال ال3G تحتاج لإحتواء وهم مواهب وطاقات يجب إحتوائها.
2- أن الموضوع تطرق إلى أن الجماعة تحوي بداخلها كثير من المواهب المكبوتة وأيضا يجب إحتوائها وتنيمتها وإستثمارها.
أظن من وجهة نظري كلامي في صلب الموضوع
ومرة تانية حياك الله على صياغتك المهذبة لرأيك.
أخوكم المحب..أحمد عبد الفتاح
انا اول مره اخش هنا بس اسم المدونه جميل بس الكلمه اللي بعديه اللي هي خش وريح بتفكرني بالحمامات لامؤاخذه .. هنا الحمام .. خش وريح
ردحذفأولاً: أعتذر لصديقي محمود محمود إني وجهت له رداً على تعليق ظننت أنه كتبه .. في حين أنه كان موجه له .. وأنا فهمت غلط
ردحذفثانياً: "لا يسخر قوم من قوم" .. يا جماعة أرجو مراعاة الآداب الإسلامية والإنسانية في التعليق على أفكار بعضنا .. أصحاب العقول والبصيرة والفهم لا يسخرون من الناس مهما فعلوا ومهما قالوا
ثالثاً: لحبيبي محمد أحمد .. إن كنت تقصدني مع من ذكرتهم في طرح سؤالك "تقصد مين؟"
أنا يا أخي أكدت مرات ومرات .. إني لا أقصد شخص محدد .. أنا أتحدث عن بعض شباب الإخوان مدونين وغير مدونين .. ممكن تكون مشفتش حد كده .. لكن ده مش معناه إنهم مش موجودين .. أنا احتكيت ببعض هؤلاء ودخلت مدوناتهم .. ولا يصح بالطبع أن أذكر أسماء لأدلل على وجهة نظري
أقسم بالله العظيم .. والله والله والله يا ناس لا أقصد واحد .. أو اتنين .. قصدي ظاهرة
الأستاذ الفاضل اللي بيسألني انا ايه وجه خلافي مع الجماعة، انا حابب بس اولاً قبل ما اجيب على سؤالك انا ما هاجمتش الإخوان على مدونتي "الغلبانة الغير مشهورة" قبل كده بالشكل اللي انتم بتقولوا عليه، اساسا ذكر الإخوان ما جاش عندي غير تلات اربع مرات في حاجات بسيطة جداً، مش عارف منين البعض بقى اتكلم عن هجمات وصولات وجولات، وانا مش قاعد فاضي للمواضيع دي ،
ردحذفثانياً ممكن اصيغلك الحاجات اللي شايف انها لازم تتغير في الإخوان في نقاط بسيطة ، لكن لا اكاديمية ولا علمية لأني لا راجل اكاديمي ولا علمي ، انا واحد محاسب على باب الله ، حتى اللي حقولها في نقاط ده حيكون غلبان اوي وبسيط،:
1-قبول الآخر ، الإخوان لا يقبلون المختلفين عنهم سواء خارجهم او داخلهم، السعداوي بيه اهو بيقولك اللي شايف نفسه مختلف يخلع وربنا يسهلوا، والسعداوي جابها على بلاطة ما عملش زي الباقي وقالك الجماعة بتقبل الخلاف والإختلاف ،
في نفس الإطار الجماعة جماعة طاردة فعلياً لكل مختلف، ولك أن تسأل لماذا يغادر الجماعة المبدعون
2- الخلط بين ممارسة العمل السياسي وممارسة العمل الدعوي ، وهو خطأ فظيع، إذ تستخدم المنابر في الدعوة لمواقف سياسية، وهناك دعوات وجهها علماء افاضل زي الدكتور يوسف القرضاوي ومحمد سليم العوا لفصل الدين عن الدعوة لجماعة الإخوان ووجهت بضراوة ، وصراحة يعني الخلط بين الدعوة والسياسة يبدو وكأنه صراحة استغلال للبسطاء، لما الناس تقولك احنا حندخل الإنتخابات علشان ننتخب الإسلام، وهما شايفين إن الإسلام في شخص الإخوان ده غلط لا يغتفر صراحة
3- ممارسة السياسة الإخوانية بطريقة ميكيافيللية، لدى الإخوان معتقد ماشوسي إن الجميع يخطط للقضاء عليهم معارضة وحكومة ، لذلك فممارسة الإخوان للسياسة هي كالرقص على الحبل اكثر منها ممارسة السياسة، ومواقف سياسية متميعة وغير صارمة
4- الإخوان يضفون على اخطاؤهم قداسة لا مثيل لها، ما فعلته حماس من تنكيل بمعارضين فتح وضربهم ودهسهم اثناء صلاة الجمعة الأولى والثانية بعد السيطرة على غزة لم يلقى اي انتقاد من افراد الجماعة، وهو بالمناسبة لا يختلف كثيراً عن التنكيل الذي يتعرض له افراد الجماعة في مصر ،
المرشد العام صاح طز في مصر ، ولما نوصل الحكم حندي معارضين الإخوان بالجذمة ، وبن لادن مجاهد في سبيل الله ، وفي كل مرة يبررون ويخرجون من الموضوع ان كلام فضيلته سكر وعسل وإحنا اللي مش فاهمين ، الإخوان ينظرون لأنفسهم انهم منزهين عن كل خطأ ، ويضفون على جماعتهم قداسة من قداسة الدين نفسه،
5- فيه نقطة مش حعرف اصيغها كويس، لكن نقدر نقول الإطار الفكري ذات نفسه في الجماعة والطريقة اللي بيفكر بيها كتير من اعضاء الجماعة وقيادتها تبدو غريبة جدا بالنسبة لي، يعني مثلا انا فاكر لما الأخ القيادي قال إن المرشد دلوقتي بمثابة خليفة المسلمين علشان المسلمين مالهمش خليفة، والصحفي اللي هاجمه كأنه هاجم الخليفة، مثلا احاديث السمع والطاعة واسلوب السمع والطاعة اللي بيسوق داخل الجماعة هو لي عنق الأحاديث المذكورة عن الجهاد والأمير اللي بيحطه النبي صلى الله علي وسلم في الغزوات لتليق على الجماعة، وإسقاط فكرة الجماعة كبديل للأمة ،
وكمان الفكر السلفي اللي اجتاح مصر في السبعينات والتمانينات اثر جداً على تفكير الكثيرين من القيادات اللي في جيل الوسط في الجماعة،
القداسة المضفاة على شخص المرشد خاصة والقيادات الكبرى عامة،
يعني دي ببساطة النقط اللي شايفها على الإخوان، ده بس للي كان عايز يعرف الكلام بتاعي في نقط،
حابب بس ارد على اتنين هنا نبيل والسعداوي ،
ردحذفبالنسبة لنبيل انا بس حابب اوضح لك حاجة، إني انا عندي فكرة وانت عندك فكرة ، انا مختلف معاك، مش المفروض لما تيجي تكلمني وتقولي رأيك اني احول رأيي ده وابقى على رأيك ، وإلا اكون من الجماعة اياهم اللي انت بتتكلم عليهم ، ( على فكرة انا عارف انت تقصد مين بالموقف ده ) ، فيه فرق بين الناس اللي بتقعد بيهم وبين واحد انت مختلف معاه على النت ، مش المطلوب بس مني اني اسمع رأيك واقتنع بيه على طول ،
وبعدين ما تيجي نقلب الكلام كده يا بلبل، ليه انت ما تكونش انت اللي شايف رأيك من الثوابت الكونية ، يعني الراجل محمد احمد نعت معاك للصبح علشان يفهمك إن الفن ده مش حاجة وحشة ولا حاجة حرام، وهوا بيقولك لو شفت الحرام سيبه بس لو شفت الحلال ما تبعدش عنه ، وانت برضه من الجماعة اياهم فاكر إن تفكيرك ده من الثوابت الكونية التي لا تتغير،
حبيت بس افهمك بس النقطة دي، بقولهالك تاني فيه فرق بين الناس اللي بتقعد بيهم اللي شايفينك حاجة كبيرة اوي ولازم يسمعوا كلامك علشان انت المسئول بتاع الأسرة، وبين واحد مختلف معاك ومع آرائك ،
أزال المؤلف هذا التعليق.
ردحذفرفيق رجعني خمس سنين لورا بخطبته الحماسية دي، يا رفيق الجامعة خلصت خلاص مفيش داعي للخطب النارية دي،
ردحذفنفسي تقول حاجة واحدة بس ، انت بتتكلم عن مين ؟؟؟ ، مين اللي فرد صفحات وصفحات لمهاجمة الإخوان على مدونته ؟؟ مين بس الإخوان علموه الكتابة واول ما كتب شتمهم ؟؟ انت قصدك مين بس ؟؟؟، تقصدني انا مثلا ؟؟!! مش عارف ، تقصد منعم ؟؟ برضه مش عارف ؟؟؟، اديني مثال واحد من اللي انت بتتكلم عليهم دول يا ريت ،علشان ما يبقاش الكلام على العايم، ما يبقاش كلام من نوعية والله لنحرقن شارون حياً غداً في بيت المقدس على اعتاب الأقصى،
لو الكلام علياانا ما افردتش صفحات وصفحات لمهاجمة الإخوان ، وبكرر لمرة عاشرة ذكر الإخوان عندي لم يتعدى سطور قليلة تعد على اصابع الإيد الواحدة، انا اكتر مكان هاجمت فيه الإخوان كان هنا، وصراحة بعد ما الواحد ورط نفسه في كلام كتير هنا ، انا حزين اني شاركت المشاركات دي، ولو الزمان يرجع بيا اسبوعين ما كنتش شاركت هنا،
الواحد برضه يحب يقول اللي ليه واللي عليه ، الواحد في بدايته مع مشوار الإخوان ده اتعلم حاجات كويسة اوي ، والإخوان ادوله دعم روحي وديني يقتات عليه حتى اليوم ، وحتى إن اختلفت معاهم لكن انا ادين ليهم بالفضل في كل مرة اقول فيها الأذكار، وكل مرة اصلي فيها قيام ، او اقرا فيها ورد ، ودي حقيقة ما اقدرش انكرها، يا ريت ساعتها كان فضل مشوار الواحد مع الإخوان كله كده، لكنه للأسف ما كانش
على الناحية الأخرى الإخوان ما علمونيش الكتابة، ولو كنت في وجهة نظرك او نظر اي حد هنا بعرف اكتب شوية على قدي ، فدي صراحة فضل ادين بيه لأبويا وامي لأنهم هما اللي حببوني في القراءة ، ومنها طلعت ممكن اكتب على قدي، لكن لا عمر حد في الإخوان قالي تكتب ازاي ولا تكتب ايه،
انت بقى تقصد مييييين ؟؟!!
أزال المؤلف هذا التعليق.
ردحذفالمعلم سعداوي قالها يا رجالة،
ردحذفاللي معانا يبقى يقول كلامنا ويتكلم زينا وينصب في القالب بتاعنا، وإلا قسماً عظماً نرجعه محب تاني، وننزله السلم درجتين،
واللي مش عاجبه على كده ، ومش حيقول كلامنا ويتلكم زينا سكته وطريقه صحراوي،
إحنا ما ضربناش حد على ايده يا خويا انت وهوا،
احبك يا هندسة ، لما بتجيبها على بلاطة، فكك بقى من البقين بتوع الإعلام دول، إحنا بنقبل الإختلاف، وعندنا جميع الآراء مسموعة ، وكلهم ابنائي ، واهلا بالرأي التاني، ده كده كلام علشان التصوير بس
الكلام ده ما يأكلش عيش يا عم الحاج ، الله ينور عليك يا باشا ، والله مش عارف من غيرك كنا عملنا ايه ، الناس اللي زيك والله هما اللي بيبرهنولي اني صح في كلامي ومش ظالم ولا مفتري،
انا سبتها مخضرة وخدت الصحراوي يا معلم،،
وتتحول المدونة البريئة ذات الأغراض البريئة - على حد قول صاحبها - إلى مدونة "الفضفضة" و "البحبحة" و "الكحكحة" وأنا هنا أقترح أن يقوم المدون بعمل بوست بعنوان " لا كمبوت ولا مكبوت" وتاخد الفضفضة جزء وركن مستقل بعيدا عن التلاقي الذهني الصافي العاقل الهاديء.
ردحذف- أستاذ محمود بيه:- مش عارف بس حاسس إنك إختزلت الجماعة في م/نبيل،و م/السعداوي،وأ/رفيق(أساتذتي وأحبابي) ومش هأخش معاك في جدال ولكن لنتفق فيما إتفقنا عليه ويعذر بعضنا بعضاً فيما إختلفنا عليه
والله من وراء القصد وهو يهدي السبيل.
والله الموفق..
أخوكم المحب..أحمد عبد الفتاح
وأحب أقول حاجة جانبية على حسب فهمي
ردحذف"من ترك الإخوان لم يترك الدين"
"الجنة ليست للإخوان حكرا"
"مفتاح الجنة ليس بيد أحد"
"الإخوان قد تكون أقوى الأسباب للوصول للجنة"
"واعتصموا بحبل الله جميعا ولا تفرقوا"
"..لا شيء غير أني أبيت وليس في صدري غلا ولا حقدا لأحد"
"اللهم لا تجعل في قلوبنا غلا للذين آمنوا"
أخوكم المحب..أحمد عبد الفتاح
الكلام والردود واضح انها لن تنتهي
ردحذفأنا بحيي الناس كلها وبشكرهم على ردودهم
بعد تفكير طويل قررت أنهي مداخلاتي هنا بس حقول حاجة قبلها لمحمود:
الناس اللي انت عرفت قصدي عليهم مش هم لان انت ماشوفتهومش قبل كده....علشان ما تظنش بحد
وباقي النقاط اللي ذكرتها تخصني مش حرد عليها لأن الموجودين عارفيني كويس ومش محتاج أرد عليها
بقولها تاني دي لآخر مداخلة لي
سلام
المهندس نبيل..لا تترك الميدان وتتركه للمتقاعسين والمتخلخلين.
ردحذفم/زهرة:
ردحذفمش عارفه ارد على البوست ولا ارد على ما توجهت اليه الردود
هرد فى جزئيتين:
الاول واللى اثار احرفى الى ان تنطق هو ما قاله الاستاذ محمود محمد اللى لاول مره ازعل قوى من ردوده رغم انى متابعه لمدونته واعرف انه ساب الاخوان لكن مبيحملش اى ضغينه لاى فرد فيهالانه اكبر من كده و ده اللى مبنش خالص هنا وبعد اذن حضرتك كمان نحن نؤمن بالفكره وليس بالاشخاص
وده اللى بيخلى جماعه الاخوان المسلمين صامده الى الان ام لو اننا زى ما حضرتك بتقول بنرتبط باشخاص حتى لو كان المرشد العام فالاشخاص تموت وبالتالى ستموت الجماعه وتسقط زى اى جماعه اخرى وبالنسبه للمرشد فهو انسان وبيخطا وياخذ منه ويرد لانه ليس النبى محمد صلى الله عليه وسلم
اما فى تقبل الاخر فده فعلا عندنا فى الاخوان يمكن ميكنش الامر عام لكنه موجود فعلا
لكن وعن تجربه احنا نقدر نمحى الظاهره دى بعدم الاستسلام لاننا بتتغيراماكنا وبيتغيروا مسئولينا
لو مسئولك انهارده مش مقتنع بوجهه نظرك فالمسئول اللى بعده هيقتنع ويمكن انت اللى تكون مسئول فتقنع فريقك برايك
فى نقطه كمان احب اعلق عليها وهى عن الاخر
لو حد فيكم بص فى مرايته ولقى شعره منكوش هيكسر المرايه وللا يساوى شعره ولا هيقول ابدا انا شعرى لايمكن يتنكش ...... ؟؟؟؟؟؟؟؟؟؟
طيب لو المرايه دى فيها نقطه سودا وانا ببص فيها تخيلت ان النقطه السودا عليا وبعدين اكتشفت انها فى المرايه هكسر المرايه وللا هحاول اشيل النقطه السودا من وشي وللا اسيبها واتغاضى عنها لانها اصلا فى المرايه مش فيا ..........؟؟؟؟؟
مش عارفه وصلتلكم وجهه نظرى ولا كل اللى قلته هيروغليفى ولا ايه ؟
عمتا المرايه اقصد بيها الاخر وهو اى اخر اى حد بيوجهلى نقد فهو مرايتى ممكن يورينى فعلا حاجه فيا وممكن تبقى حاجه مش فيا اساسا وبيقنعنى انها فيا.
ـــــــــــــــــــــــــــــــــــــــــــ
اما بقى البوست وبعتذر لاستاذ محمد عبد الفتاح عن الكلام اللى فات انه مكنش له علاقه بالبوست بس سامحنى
الظاهره اعتقد انها موجوده من زمان قوى قوى قوى
يمكن من اكتر من عشرات السنين
يعنى من اول الون جى
انا مع حضرتك جدا انهم عندهم حق
ومعلش بعد اذنكم جميعا نحن لسنا بصحابه والصحابه مكنش فيه عندهم سينما ومسرح ودش وتليفزيون ونت وكل ده وكمان كان معهم الرسول صلى الله عليه وسلم
لا تطلبوامنا المثاليه فى عصر لا يتميز باى مثاليه
نحن نسعى للافضل وبس
واللى يقدر يبقى افضل حرام عليه لو مبقاش افضل لكن اللى مش هيقدر "لا تكلف نفسا الا وسعها"
اما عن الهبوط فى الجماعه فاسمحلى اكرر ليس هبوط فى الجماعه ولكنه هبوط فى الاشخاص يمكن ايمانيات الاشخاص تهبط ويقابلها ايمانيات اشخاص اخرين تعلو فى نفس الجماعه
فلا يعقل ان يحدث هبوط لكل الصف ده لو صح اللى فهمته انه هبوط ايمانى
وسهل قوى يتعالج بركعتين توبه
واسمحولى اتفق جدا مع الباشمهندس سعداوى ان الجنه ليست حكر على الاخوان ومحدش بيدخل الاخوان غصب عنه ولا حتى بيسيب الاخوان غصب عنه
اسفه جدا على الاطاله وكان نفسي اقول كلام اكتر لكن اعتقد انى طولت قوى
وجزاكم الله خيرا على هذا الحوار وجعله الله فى ميزان حسنات كل من علق وكتب
انااخوان وبحب الاخوان /الى محمود محمد حسن
ردحذفاخى الكريم انا حرد عليك بشوية نقاط من غير جعلصة فىالكلام بس ارجو ان يتسع صدرك لكلامى
اولا/ ارجو يا سيدى الفاضل الا تتحدث عن تصرفات اشخاص وتعممها على سائر الجماعة فيا اخى كلنا يخطأ حتى المرشد ليس معصوما
ثانيا/ عن موضوع القالب الاخوانى فهذا ليس موجودا على الاطلاق كيف لجماعة مهما كان تأثيرها ان تدخل كل العقول الاخوانية فى قالب واحد فالاخوان مختلفين مثل كل البشر فهناك اخوان تقلدين وبيسمعوا ياشارون يا ابن ام شارون وهما مبسوطين ومش عايزين يتغيروا وفى اخون بتحب تجدد لكن بتحفظات وفى اخوان يسعوا لكل جديد طالما لايخالف شرع الله
ثالثا/ دة فى اخوان مختلفين فى نقاط مع سياسة الجماعة لكن متفقين فى نقاط اكثر ولهذا مايزالوا باقين فيها فالاخوان ماهم الا جماعة تضم افراد بشتى شرائح المجتمع بمزاياهم وعيوبهم واتفاقاتهم واختلافاتهم
رابعا/ نحن ياسيدى الفاضل نريد ان يحكمنا الاسلام ،الم يقل قياديو الجماعة قبل ذلك ان الحكومة لوحكمتنا بالاسلام مستعدين نكنسلهم الشوارع
خامسا/ مش معقول تغفل دور المخلصين من الاخوان المهددين بالاعتقال والتنكيل ولن يتراجعوا عن خدمة بلدهم ودينهم الن يحضر فى ذهنك واحد من هؤلاء بجانب من تذكر عيوبهم الم يؤثر فيك شخص واحد وتذكره بالخير دائما؟!! اعتقد ان هذا مستحيل
سادساواخيرا/ ياخى الفاضل كما قال لك اخوانى الجنة ليست حكرا على الاخوان وان كان تركك للاخوان سيوصلك للجنة وينفع بك الدين فوالله بكل صدق مبارك لك ترك الاخوان ..واخيرا اكمل ياخى مشوارك الى الجنة ولا تنتبه لاحد سواء كنت مع الاخوان او لا ..ولكن تقبل وجهة نظر الآخر كما تدعونا حتى لو كان هذا اللآخر هم الاخوان
واعذرنى ان كنت اطلت عليك
واحد من الاخوان
جزاكم الله خيرا
ردحذفبجد الموضوع جميلا جدا بس لاسف انا حاسس ان الجيل اللى مقصود بالمقال اصلا مش بيشارك فى الحوار مش عارف ليه بيتفرج من بره ويقعد يتكلم بالساعات على التعليقات من غير مايشارك ولما اكلمهم يقولك دول اساتزتنا مينفعش اشاركهم فى الحديث وده سلبيه من هؤلاء ا
ردحذفانا بقالى يومين بسمع الكلام اللى بيتقال فى البوست وانا فعلا مكنتش عايز ارد بس انا سمعت كلمة بتقول ان جيل 3g مش بيرد
ردحذففقلت أتكلم ببساطة انا شايف ان الموضوع ليه شقين والممشكلة ديه حلها مع حل الشقين وهما الجيل الجديد والاخوة الكبار لازم ثم لازم ثم لازم يكون فيه استيعاب لكل الطاقات وكل الدمغة اللى موجودة وكمان لازم اشوف لكل واحد المكان اللى يبنفع يستوعبه على فكرة
ميسرة البرنس
موضوع الاسطنبة هو فعلا موجود بس بنسب متفوتة حسب الاشخاص اللى بيتعاملو والمكان وهى ديه سبب المشكلة اللى احنا فيها
الحل كله فى احترام اى عقلية مختلفة واستيعابها صح
كتبه ميسرة
ردحذفيا أيها الإخوة الأفاضل،والأخوات الفضليات..
ردحذفكيف سننتقل إلى الدور العملي؟؟
أظن إنتهينا بما فيه الكفاية من الواجب الكلامي..
الدور العملي بقه هيتعمل إزاي؟؟؟؟
أظن على صاحب المدونة عمل شيء إيجابي كمثال
أن يقوم بتجميع ممثلين عن أجيال ال 3G وأيضا بعض التربويين وبعض المتخصصين في تنمية المواهب وما إلى ذلك ثم أخيرا أحد القيادات البارزة ويتم عمل مشروع كامل متكامل لإدارة المواهب وإستيعاب الطاقات الشبابية الإخوانية.
أخوكم المحب..أحمد عبد الفتاح
السلام عليكم
ردحذفيا جماعه ليه وصل ركاكه الأسلوب بييننا الى هذا الحد
ليه منكلم عن خلافات شخصيه
ليه منكام عن عيوب بعض الاشخاص
ليه منكلم عن عيوب بعض كدة ع الملاء دة "من ستر مؤمن سترة الله يوم القيامه "
دة أحنا كلنا غلابه وكلنا عيوب
بالله عليكم الموضوعيه فى التعليقات شويه بقه
خلينا نخرج بشئ عملى
اللى عاوز يقول تعليق محترم ويُحترم عليه
يكتب عن الموضوع عن الحلقه الأخير
يقوله رايه فيه
مش فى التعليق اللى قبله
وكل واحد عمال يرد ع اللى قبله
وكلنا فرحانيييين هيييييه
التعليقات مفتوحه لكله فى كله
اللى عندة كلمه بيقولها باسلوب ساذج من الأخر
ليس الجميع بالفعل
تابع...
السلام عليكم جميعا...
ردحذفهأتفق مع محمود محمد فى النقطه الأولى .. لماذا يترك كثير من المبدعين الجماعه ...أو لايستطيع أن يتحرك بإبداعه داخلها ..فيمارس مواهبه خارجها وخارج منظومتها
هل لأن الجماعه جامده لا تسمح بالتطوير والإبداع
هل لأن أشخاص المسؤليين ترفض ظهور غيرهم فيدمروا كل صاحب موهبه خوفاً على مناصبهم وكراسيهم
هل يسعى قادة اإخوان للتوريث مثلاً .. أو التربيط أو.. أو... من أمراض السلطه والمسؤليه
يا أساتذه ...يا أفاضل
نحن نتكلم عن جماعه محظوره محاصره مضغوطه .. والشخص المبدع شخص يحب المساحات ويحتاج لها .. يرفض الحدود والقيود والجماعه مضطره فى كثير من الأحيان أن تضع حدود على أفعال أبنائها إما خوفاً عليهم أو إضطراراً مع واقع مؤلم وصعب .. وأبناء الجامعه يفهمون ما أعنى جيداً...ولا إيه؟؟
إن العقليه المبدعه تحتاج إلى إختراق المألوف والنمطى وهذا يحتاج لمسؤل متفتح يترك لنا المساحه ويركض بجوارنا ليرقب تجربتنا دون أن يتدخل فيها .. بما يعطينا فرصتنا كامله ويعطى للجماعه حق المراقبه والتقيم ..وهذه أيضاً بها مشكله ..فكثير من أوقات الإخوان ملأتها الأعباء الإداريه والحياتيه .. فضغط الوضع الإقتصادى فرم الناس ..واضطر الكثيرين إلى غير ما يريدون أو يحبون ...معايا فى ديه ولا لأ؟!
تعالوا نشوف قبول الإخوان للأخر وإحترامهم لكل صاحب موهبه وإبداع
متفقاً أو مختلفاً معنا كجماعه..تعالوا نشوف ده فى كتابات الإخوان ورسائل البنا وأصول الفهم
وتطبيقات الإخوان ..فى النقابات والبرلمانات والحكومات اللى شاركوا فيها حول العالم ..فى قصص البنا والغزالى والقرضاوى ...
فى مذكرات الدعوة والداعيه .. وفى حياه المرشدين السابقين
فى تعامل الأستاذ عاكف المهذب والراقى مع المختلفين معه شخصياً من الإخوان وخارجهم -وبلاش إفترى وتحوير كلام الراجل-
فى أسلوب خيرت الشاطر ..وإنفتاحه والذى دفع ثمنه سنيناً عجافا يقضيها فى السجن .. وأموالاً حلالاً سرقها الظالمون..
يا أساتذه .. نحن نتكلم عن الإخوان المسلمين .. تعالوا نقرأ ونسمع ونقيم تجارب ..متأصله
وسيبك بقى من إلتقاط الأخطاء وتلقف السقطات..
الكريم كريم فى نقده ..عفيف فى خلافه ..
والدنى دنى فى سقطه سليط فى لسانه....
المهم ..إن بوست محمد كان بيتكلم عن عقليات شابه طموحه .. منها من أغرته الشهره فبحث عن أضوائها فى نشوذ عن الصف مقيت
ردحذفومنهم من قاده تفتح عقله وموهبته إلى ما لم يصل له غيره من الأقران فشذ عن الصف شذوذاً محموداً
وهذين الصنفين لم يختلفوا مع الإخوان فى الأصول ولا فى العايه ولا فى الأهداف ..إنها الوسائل والتطبيقات وتقيم الأحداث
فالصنف الأول موجود وليس كل مبدع مفتون ..وليس كل مفتون مبدع
وماحدش يأخد الكلام على نفسـه أنا بتكلم بصفه عامه ..وأنا أول من يجب عليه مراجعه نفسه
المهم..تعالوا نفكر كيف نستفيد من مواهب وطاقات وإبداعات شبابنا ..نحن طاقه هذه الجماعه ونحن عقلها المبدع...ولها حق علينا فى أن نقدم لها الجديد ..بأدب ولطف وإحترام ورحابه صدر وتقبل للتعديل والنصح ..وتجرد قبل وبعد ذلك لله عز وجل ثم للفكره دون شخصنه أو عجب
يا معشر الشباب ..أليس منكم سلمان فارسى ..؟؟
يا معشر الإخوان ..أليس منكم صاحب النقب ...؟؟
يامعشر المسلمين .. أليس منكم حسن البنــا ..؟؟
اللهم أرزقنـا يارب....بخير من يحمل الخير..
صلو على النبى يجماعه محدش واخد منها حاجه
ردحذفياجماعه موضوع الموهوبين دى مرتبط بالشباب لحد كبير .. وأزمه الجماعه ليس فى رفضها للمبدعين بل إن المشكله هى فى عدم قدرتها لإستيعابهم وتفعيلهم ..
ردحذفقارن بين جيل السبعينات الذى فارت وثارت مواهبه وقدراته فى ظل إتحادات طلابيه قويه حره ثم نقابات مهنيه منتخبه نزيهه...فأنتج الجزار والعريان والشاطر والزعفرانى وصبحى صالح وأكرم زهيرى و...و....
قادوا وطوروا وأثروا الجماعه والدعوة الإسلامية بصفه عامه ,,,
أما جيل الثرى جى هو جيل مغلقه فى أوجهه الأفق والمساحات فكان التمرد هو لغته فى التعبير عن نفسه ..عن موهبيته..عن أرائاه...
ولابد للجماعه أن تبحث عن طريقه لإستيعاب هذه الطاقات الصادقه والمخلصه ..كيف تعيد القاطره إلى القضيب الصحيح ..حتى تكتمل الرحله بنجاح...ومانبقاش زى قطر كفر الدوار المنكوب..
عندي وجهة نظر حابب أنقلهالكم وهي أن..
ردحذفأصحاب المواهب والإبداعات داخل الإخوان على أصناف في رأيي مقتصرة على الأصناف الآتية:-
1- موهبة عادية وليست فذة ولإن الإخوان مؤدبين ومتربيين فبيحسسوه إنه مفيش منه إتنين فبالتالي ممكن يحس إنه موهبة مفرقعة الدنيا فيبدأ يقول الإخوان مش مستوعبني أنا المفروض أكون عالمي-وأنا هنا لا أتهم إخلاص أحد ولا تجرده وإنما عرض للفكرة لتفهم جيداً-وده محتاج يقف على واقعه عشان ما يديش نفسه أكبر من حجمه.
2- موهبة ليست بموهبة ولكنه عاوز يفرض موهبته - إللي هي مش موهبة أصلا-على مجتمع الإخوان فيتصدر الأضواء والمجالات العامة..وهذا يرى الإخوان أنه يحتاج لعلاج فيحاولوا إستيعابه بكبح جماحه فيظن أن الإخوان تكبته وأن الإخوان لا تستوعب طاقاته.
3- موهوب فعلي صاحب موهبة حقيقية تحتاج لتنمية ورعاية صحيحة وتحاول الإخوان-متمثلة في مسئوليه-أن يوظفوا قدراته وطاقاته ولكن مهما وظفوه فلن يستوعبوا كَمَّ الموهبة والإبداع اللذان لديه وهذا إن توقف طول حياته منتظرا إنطلاقا صاروخيا من قاعدة الإخوان فهو مخطئ-في وجهة نظري-لأن الموهوب الحقيقي مكلف بتنمية نفسه بنفسه ودور الإخوان في هذه التنمية هو الدعم النفسي والمادي إن أمكن وتوضيح السبل وليس غير ذلك.
وإلا بقه يبقى عند الإخوان عرابي وكيل الفنانيين وحمكشة وكيل الكرويين وكرومبو وكيل الممثلين وهكذا فتتحول الإخوان من جماعة تسعى لتمكين دين الله في الأرض إلى جماعة تهدف لخدمة أعضائها- وأنا هنا لا أتجنى على الإخوان إن قاموا بهذا الدور-وإنما العضو الفاهم "الموهوب"لازم فهمه يدفعه لتنمية موهبته بشتى السبل وتسخيرها لخدمة المشروع الإسلامي.
ودور الإخوان كما قلت الدعم وليس الوكالة.
وكل هذا وجهة نظري المجردة وأحتسبها لله والله الموفق
أخوكم المحب..أحمد عبد الفتاح
لتحقيق الإثراء وتدعيما لرأيي السابق المبني على كلام علمي أنقل إليكم تعريف الموهوب الحقيقي حتى لا يقتصر فهمنا للموهبة على أنها(إنشاد-تمثيل-شعر-تأليف-إخراج)وما يتصل بهذا الجانب"الفني"فقط.
ردحذف*من الموهوب؟؟
**هو صاحب التحصيل المرتفع ومن يتملك بعض أو كل القدرات الآتية:
1- القدرات العقلية العامة.
2- القدرات الإبداعية والإنتاجية.
3- الاستعدادات الأكاديمية التحصيلية.
4- القدرات القيادية.
5- الفنون البصرية أو الأدائية.
6- القدرة المهارية (نفس حركية).
تعريف رونزولي (J. S. RENZULLI):
يعرف الموهوب بأنه محصلة ثلاث مجموعات من السمات الإنسانية وهي:
أ- القدرات العامة (ABOVE AVERAGE ABILITY):
1- مستوى عال من التفكير التجريدي.
2- التفكير المنطقي اللفظي والرياضي.
3- العلاقات المكانية.
4- الذاكرة طويلة الأمد Long term memory.
5- الطلاقة اللفظية (الفصاحة).
6- التكيف في المواقف والبيئات الجديدة.
ب- مستوى عال من الرغبة والحماس والتفاني في أداء الواجب: (HIGH TASK COMMTMENT) ولديهم القدرة على مواجهة الصعاب وحل المشكلات ولا يرضون بالقليل بل يطمحون إلى الامتياز وجودة وإتقان العمل.
ج- الإبداع (CREATIVITY):
1- الطلاقة (FLUENCY).
2- المرونة (FLEXIBILTY).
3- الأصالة (ORIGINALITY).
4- غريزة حب الاستطلاع (CURIOUSITY).
5- التطوير (التفاصيل) (ELABORATION).
أظن كده عرفنا مين هو الموهوب الفعلي الحقيقي.عشان نتكلم على بينة وعلى نور.
أخوكم المحب..أحمد عبد الفتاح
السلام عليكم ورحمة الله وبركاته ،،،،،
ردحذفأرفض مناقشة مثل هذه المواضيع علي المدونات لأن هذه المواضيع يجب أن تناقش داخلياً ومن اراد الأصلاح فليبدأ بنفسه ( أصلح نفسك وأدعوا غيرك ) فرجاء من الأخ / محمد عبد الفتاح حذف هذا الكلام لأن هذا الكلام كله مضيعة للوقت ولا يترتب عليه عمل وهذا الكلام يفتن إخوان لنا في الصف ويثير لغط كثير وأقول لكل المختلفين مع الأخوان والذين يوافقون علي أفكار جماعة الاخوان جماعة الاخوان لا تحتاج الي الكلام جماعةالاخوان تحتاج الي العمل فالموضوع بإختصار من يريد العمل علي منهج الاخوان فالطريق واضح ومن يريد غير ذلك وفقه الله والطريق واضح ايضاً ولو وجدنا طريق يخدم الاسلام افضل من طريق الاخوان لأتبعناه وهذا فرض فإلي الذين يرون قصور في منهج الاخوان هذه هي الجماعة قائمة شامخة تعمل لله وتضحي لله فأروني عملكم وتضحياتكم،،،،
والسلام عليكم ورحمة الله وبركاته
أخوكم / عبد السلام
مين محمود محمد ده؟ ومين محمد أحمد أنا ما أعرفهمش هم مشهورين أوى كده؟؟؟؟ أنا لا سمعت عنهم ولا حاسس إنهم ذو ثقل؟؟؟ لكن أنا أعرف الاخوان كويس أوى وسمهت عنهم كتير وبالرغم من إنى مش اخوانجى وباسمع كل المغنيين لكن حاسس إن الناس دى صح ومحمود ده ومحمد مش صح وسمعنى سلام عتاب الندل اجتنابه!!!!
ردحذف